Ice Cream: ప్రాణం చల్లబడాలని ఐస్ క్రీమ్స్ లాగించేస్తున్నారా? ఈ విషయం తెలుసుకోండి.. 

మండుటెండలో.. వేడి పెరిగిపోతున్నపుడు ఐస్ క్రీమ్(Ice Cream) తినడానికి ఇష్టపడని వారెవరు? రుచికరంగా ఉండటమే కాకుండా, ఈ ఐస్ క్రీమ్ మన నోటిలో చల్లదనాన్ని నింపుతూ.. గొంతు నుంచి చల్లగా లోపలి జారిపోతుంటే ఆ అనుభవాన్ని ఆస్వాదించడం చాలామందికి ఇష్టంగా ఉంటుంది. ఇలా చల్లగా లోపలకు వెళ్లిన ఐస్ క్రీమ్ మన శరీరాన్ని కూడా చల్లబరుస్తుందని చాలామంది అనుకుంటారు. కానీ.. ఈ భావన తప్పు అంటున్నాయి కొన్ని అధ్యయనాలు. ఐస్ క్రీమ్ మన  శరీర ఉష్ణోగ్రతను చల్లబరచడానికి బదులుగా పెంచుతుందని ఆ అధ్యయనాలు చెబుతున్నాయి.  అందువల్ల, ఐస్ క్రీమ్(Ice Cream) తినడం వల్ల శరీరానికి ఏమాత్రం చలవ చేయదు. సరికదా.. మరింత వేడిని శరీరంలో పుట్టిస్తుంది. 

ఐస్ క్రీమ్ వేడిని ఎలా పుట్టిస్తుంది?
ఐస్‌క్రీమ్‌(Ice Cream)లో చక్కెరతో పాటు 10 శాతానికి పైగా పాల కొవ్వు ఉంటుందని పరిశోధనలు చెబుతున్నాయి. శరీరంలో ఈ కొవ్వు విచ్ఛిన్నమైనప్పుడు, అది గణనీయమైన వేడిని విడుదల చేస్తుంది. ఈ ప్రక్రియను ఫుడ్ ప్రేరిత థర్మోజెనిసిస్ అంటారు. ఇతర పోషకాలతో పోలిస్తే, కొవ్వులు ఎక్కువ శక్తిని కలిగి ఉంటాయి. శరీరంలో అధిక వేడిని విడుదల చేసే సామర్థ్యాన్ని కలిగి ఉంటాయి.

మండే ఎండకు ఉపశమనం కోసం ఐస్‌క్రీమ్‌(Ice Cream)ను ఆస్వాదించడం వల్ల మొదటి కొన్ని క్షణాలు సవంతన పొందవచ్చు.  కానీ అది కడుపుని వేడి చేస్తుంది. ఐస్ క్రీమ్ లోని భాగాలు విచ్ఛిన్నం కావడం ప్రారంభించిన తర్వాత, దాని శీతలీకరణ ప్రభావం తగ్గిపోతుంది. పాలలోని కొవ్వు.. చక్కెర శరీరంలో వేడిని ఉత్పత్తి చేస్తాయి. బయట ఉష్ణోగ్రత ఎక్కువగా ఉన్నప్పుడు ఈ అదనపు వేడి మనల్ని చల్లగా ఉంచదు. కానీ దానికి బదులుగా వ్యతిరేక ప్రభావాన్ని చూపిస్తుంది అని పరిశోధకులు చెబుతున్నారు. 

Also Read: ఎలాన్ మస్క్ స్టార్‌లింక్ ఇంటర్నెట్ మన దేశంలో.. ఏప్పుడురావచ్చంటే.. 

ఐస్ క్రీమ్(Ice Cream) మాత్రమే కాదు, మనం చాలాకాలంగా  కూలింగ్ డ్రింక్స్ అని ప్రచారం చేసుకునే ఐస్ కాఫీ, బీరు కూడా శరీరంలోని ద్రవాహారాన్ని హరించివేస్తాయని అధ్యయనాలు చెబుతున్నాయి. బీర్ - కాఫీ రెండూ మూత్రవిసర్జనను ప్రేరేపిస్తాయి.  దీనివల్ల మీరు తరచుగా మూత్ర విసర్జన చేస్తారు. ఇది ముఖ్యంగా వేసవిలో శరీరంలో ఎక్కువ వేడిని ఉత్పత్తి చేసే డీహైడ్రేషన్‌కు కారణమవుతుంది.

శరీరాన్ని చల్లబరచడానికి వేసవిలో ఏమి తీసుకుంటే బెటర్?

కార్బోనేటేడ్ నీరు:
కార్బోనేటేడ్ వాటర్ ఉన్న పానీయాలు వాటి ఫిజ్ ఫ్యాక్టర్ కారణంగా మంచి ప్రత్యామ్నాయంగా చెప్పవచ్చు.

దోసకాయలు:
దోసకాయలు నీటితో నిండి ఉంటాయి. రోజంతా వాటిని తరచుగా తినడం వల్ల శరీరంలో ఎక్కువ వేడిని ఉత్పత్తి చేయదు కాబట్టి మీరు హైడ్రేట్‌గా ఉంటారు.

పిప్పరమింట్:
తాజా పుదీనా మీ శరీరంపై సూపర్ కూలింగ్ ప్రభావాన్ని కలిగి ఉంటుంది. కాబట్టి మీరు దానిని నీటిలో వేసి త్రాగవచ్చు లేదా నిమ్మరసంతో కలిపి పానీయం తయారు చేసుకోవచ్చు. ఇది రోజంతా త్రాగవచ్చు.

క్యాప్సికమ్:
క్యాప్సికమ్ క్యాప్సైసిన్ అనే పదార్ధం కారణంగా శీతలీకరణ ప్రభావాన్ని ఉత్పత్తి చేస్తుంది. ఇది చెమట గ్రంథులను ఉత్తేజపరిచి మిమ్మల్ని చల్లగా ఉంచుతుంది.