కొత్త ప్రభుత్వ ప్రాధాన్యతలను దృష్టిలో పెట్టుకుని అంచనాలు పంపాల్సిందిగా ఆర్థిక శాఖ సూచనలు చేసింది. ఈ నెల 31వ తేదీలోగా బడ్జెట్ అంచనాలను పంపాలని కోరింది. ప్రస్తుత ఆర్థిక సంవత్సరంలో రెండు సార్లు ఓటాన్ అకౌంట్ బడ్జెట్టుతో ప్రభుత్వం నెట్టుకొస్తోంది. సూపర్ 6 అమలు పై ఆర్థిక శాఖ బడ్జెట్ లో ఫోకస్ పెట్టనుంది. ఎన్నికల సమయంలో ఇచ్చిన హామీలను అమలు చేసే దిశగా బడ్జెట్ ను రూపొందించాలని సీఎం చంద్రబాబు అధికారులకు ఆదేశాలు ఇచ్చారు.