Andhra Pradesh: స్కిల్ స్కామ్ కేసులో ట్విస్ట్.. చంద్రబాబు బెయిల్‌ రద్దు కోరుతూ సీఐడీ అఫిడవిట్..

Skill Scam Case: స్కిల్ స్కామ్ కేసులో కీలక మలుపు చోటు చేసుకుంది. ఈ కేసులో ఇవాళ హైకోర్టులో చంద్రబాబు రెగ్యులర్ బెయిల్ పిటిషన్‌పై విచారణ జరుగుతుండగా.. ఇచ్చిన మధ్యంతర బెయిల్‌ను సైతం రద్దు చేయాలని కోరుతూ ఏపీ సీఐడీ అదనపు అఫిడవిట్ దాఖలు చేసింది. ఈ అఫడవిట్‌లో కీలక అంశాలను పేర్కొన్నారు. చంద్రబాబు బెయిల్ కండీషన్స్ ఉల్లంఘిస్తూ కేసులో సాక్షులను బెదిరిస్తున్నారని అన్నారు. ఈ కేసులో నిందితులైన సుమన్ బోస్, వికాస్ ఖన్వేల్కర్ లు సాక్షులను బెదిరించే విధంగా ప్రయత్నించారని సీఐడీ అధికారులు తమ అఫిడవిట్‌లో పేర్కొన్నారు. ఇంకా ఈ అఫడవిట్‌లో కీలక వివరాలను పేర్కొన్నారు. అవేంటో ఓసారి పాయింట్ల వారీగా చూద్దాం..

☛ ఈ కేసులో నిందితులైన సుమన్ బోస్, వికాస్ ఖన్వేల్కర్ లు సాక్షులను బెదిరించే విధంగా ప్రయత్నించారు.
☛ 2015 నుంచి 2018 వరకు పెద్ద మొత్తంలో టీడీపీ ఖాతాల్లోకి కోట్ల రూపాయలు జమ అయ్యాయి.
☛ 2016 నవంబర్ నుంచి 2017 జనవరి మధ్యలో టీడీపీ ఖాతాలోకి జమ అయిన డబ్బులో చాలా వరకు 1000రూపాయల నోట్లు ఉన్నాయి.
☛ నోట్ల రద్దు తరువాత పాతనోట్లను పెద్ద ఎత్తున ఈ అకౌంట్లలోకి జమచేశారు.
☛ ఇప్పటికే ఈ బ్యాంకు ఖాతాల వివరాలు ఇవ్వాలని టీడీపీ ఆఫీస్ కోశాధికారికి నోటీసులు జారీచేశాం.
☛ నాలుగు వారాల్లో వివరణ ఇస్తామన్న టీడీపీ నాయకులు ఇప్పటి వరకు ఎలాంటి పత్రాలు ఇవ్వలేదు.
☛ టీడీపీ కార్యాలయానికి సంబంధించిన అకౌంట్ డాక్యుమెంట్ల కోసం మరోసారి ఈ నెల 13న నోటీసులు ఇచ్చినా టీడీపీ నాయకులు స్పందించడం లేదు.
☛ చంద్రబాబే టిడిపికి సంబంధించి బ్యాంకు ఖాతాలకు సిగ్నేటరీగా ఉన్నారు.
☛ ఆయన ప్రభావం వల్లే టీడీపీ కార్యాలయ సిబ్బంది స్పందించడం లేదు.
☛ చంద్రబాబు ప్రభావంతోనే ఈ కేసులో కిలారి రాజేశ్ విచారణకు సహకరించడం లేదు.
☛ చంద్రబాబు పిఏ పెండ్యాల శ్రీనివాస్ తో పాటు మనోజ్ వాసుదేవ్ కూడా చంద్రబాబు ప్రభావం వల్లే విచారణకు హాజరుకావడం లేదు.
☛ చంద్రబాబు విడుదలైన వెంటనే ఈ కేసులో ఉన్న సాక్షులను బెదిరించే విధంగా టీడీపీ నాయకుడు పయ్యావుల కేశవ్ మీడియాలోమాట్లాడారు.

సీఐడీ దాఖలు చేసిన అడిషనల్ అఫిడవిట్ కోసం ఈ లింక్ క్లిక్ చేయండి

Also Read:

పాలమూరు బరిలో కోటీశ్వరులు.. ఎవరి ఆస్తులు ఎంతంటే..!

‘వారిని బూటుతో కొట్టాలి’ అంటూనే బిగ్ ట్విస్ట్ ఇచ్చిన మంత్రి హరీష్ రావు..