Ambajipeta Marriage Band : దుమ్మురేపిన అంబాజీపేట..రెండు రోజుల్లో కలెక్షన్స్ ఎంత వచ్చాయో తెలుసా?

Ambajipeta Marriage Band : సినిమా కంటెంట్ బాగుంటే ప్రేక్షకులు గుండెల్లో పెట్టుకుని ఆదరిస్తుంటారు. అందుకునిదర్శనమే మొన్న వచ్చిన హనుమాన్..తర్వాత వచ్చిన బేబీ..ఇప్పుడు అంబాజీపేట మ్యారేజీ బ్యాండు. సుహాస్ హీరోగా నటించిన ఈ మూవీకి దుశ్యంత్ దర్శకత్వం వహించారు. తెలుగు అమ్మాయి శివానీ నాగారం హీరోయిన్ గా యాక్ట్ చేసింది పుష్ప జగదీష్, శరణ్ ప్రదీప్ కీలక పాత్రలు పోషించారు. శుక్రవారం విడుదలైన ఈ మూవీకి మంచి స్పందన వస్తోంది. ముందుగా ప్రదర్శించిన ప్రీమియర్స్ తోనే సత్తా చాటింది అంబాజీపేట.

కాగా ఈ మూవీ కలెక్షన్ల సునామీతో దూసుకుపోతుంది. మొదటిరోజు 2.30కోట్ల గ్రాస్ సాధించంగా..రెండో రోజు కాస్త పెరిగింది. రెండు రోజుల్లో ఈ మూవీ రూ. 5.16కోట్ల గ్రాస్ వసూలు చేయడం విశేషం. సాధారణంగా రెండో రోజు వసూళ్లు తగ్గుతాయి. కానీ ఈ సినిమాకు పెరగడం విశేషం. ఈ మూవీకి అభిమానుల్లో పాజిటివ్ టాక్ ఉంది. దీంతో మూడో రోజు ఆదివారం మరింత పెరిగేఛాన్స్ ఉంది. ఆదివారం రోజు చాలా చోట్ల హౌజ్‌ ఫుల్‌ బోర్డులు పడుతున్నాయని సినిమా యూనిట్ తెలిపింది.

ఇది కూడా చదవండి : తాపీ మేస్త్రీకి 4.30లక్షల జీతం..పర్మినెంట్ ఉద్యోగం..అప్లయ్ చేస్తారా?

అటు అమెరికాలోనూ ఇప్పటికే 100కే డాలర్స్ వసూలు చేసింది. ఈ మూవీ ఈజీగా 10కోట్ల కలెక్షన్స్ దాటేస్తుందని భావిస్తున్నారు. ఈ సినిమాతో సుహాస్ సూపర్ డూపర్ హీరోగా హ్యాట్రిక్ కొట్టాడు.