/rtv/media/post_attachments/wp-content/uploads/2024/04/FotoJet-18-1-jpg.webp)
Follow Us
Allu Arjun: తెలుగు రాష్ట్రాల్లో వరదలు బీభత్సం సృష్టిస్తున్న నేపథ్యంలో వారిని ఆదుకునేందుకు ప్రముఖులు ముందుకు వస్తున్నారు. వారిలో ముఖ్యంగా టాలీవుడ్‌ హీరోలు ఉన్నారు. ఇప్పటికే మెగా స్టార్, ఆయన సోదరుడు పవన్‌ కల్యాణ్‌ ఇద్దరు కూడా భారీ విరాళాలు ప్రకటించారు. అంతేకాకుండా అసలు ఈ విరాళాలకు నాంది పలికిన జూనియర్‌ ఎన్టీఆర్‌ కూడా కోటి ఇచ్చారు.
I'm saddened by the loss and suffering caused by the devastating rains in Andhra Pradesh and Telangana. In these challenging times, I humbly donate ₹1 crore in total to the CM Relief Funds of both states to support the relief efforts. Praying for everyone's safety 🙏.…
— Allu Arjun (@alluarjun) September 4, 2024
బాలకృష్ణ , మహేష్‌ బాబు, ప్రభాస్ , సిద్దు జొన్నలగడ్డ, విశ్వక్‌సేన్‌, వైజయంతి మూవీస్‌ కూడా భారీగానే విరాళాలు ప్రకటించగా..తాజాగా ఈ విషయం పై అల్లు అర్జున్ స్పందించారు. ఆయన కూడా రెండు రాష్ట్రాల‌కు క‌లిపి రూ.కోటి విరాళం ప్రకటించారు. ఈ మేర‌కు ఆయన 'ఎక్స్' వేదిక‌గా ఓ పోస్ట్ పెట్టారు. ఈ క‌ష్ట స‌మ‌యం తొలిగిపోయి, రెండు రాష్ట్రాల ప్ర‌జ‌లు ఆనందంగా ఉండాల‌ని తాను దేవుణ్ని ప్రార్థిస్తున్నట్లు అల్లు అర్జున్ త‌న ట్వీట్‌లో పేర్కొన్నారు.
"ఆంధ్రప్రదేశ్, తెలంగాణలలో భారీ వర్షాల వల్ల జరిగిన నష్టాన్ని చూసి నేను బాధపడ్డాను. ఈ విప‌త్క‌ర స‌మ‌యంలో సహాయ చర్యలకు మద్దతుగా రెండు రాష్ట్రాల సీఎం రిలీఫ్ ఫండ్‌లకు చెరో 50 లక్షలు చొప్పున రూ .కోటి విరాళంగా ఇస్తున్నాను. ఈ విప‌త్తు నుంచి అందరూ సుర‌క్షితంగా బ‌య‌ట‌ప‌డాల‌ని దేవుడిని ప్రార్థిస్తున్నాను" అని అంటూ బన్నీ ట్విటర్లో పేర్కొన్నారు.
