Suvarna Sundari: ఓటీటీలో సువర్ణ సుందరి... ఏడాది తర్వాత స్ట్రీమింగ్

Suvarna Sundari : సురేంద్ర మాదారపు(Surendra Madhavarapu) దర్శకత్వంలో సీనియర్ నటి జయప్రద(Jaya Prada), పూర్ణ(Poorna) ప్రధాన పాత్రలో నటించిన చిత్రం 'సువర్ణ సుందరి'(Suvarna Sundari). గతేడాది ఫిబ్రవరి 3న సూపర్ నేచురల్ సోషియో ఫ్యాంటసీ డ్రామాగా ప్రేక్షకుల ముందుకు వచ్చిన ఈ చిత్రం అంతగా ఆకట్టుకోలేకపోయింది. బాక్స్ ఆఫీస్ వద్ద ఆశించిన వసూళ్లను రాబట్టలేకపోయింది. జయప్రద, సాయి కుమార్, కోటశ్రీనివాస్, ఇంద్ర, నాగినీడు, లాంటీ భారీ కాస్టింగ్ ఉన్నప్పటికీ కథ పరంగా యావరేజ్ టాక్ తెచ్చుకుంది ఈ సినిమా.

Also Read : Operation Valentine: అప్పుడే ఓటీటీలోకి వచ్చేస్తున్న ఆపరేషన్ వాలెంటైన్.. స్ట్రీమింగ్ ఎప్పుడంటే..?

ఓటీటీలో సువర్ణ సుందరి స్ట్రీమింగ్

అయితే  థియేటర్స్ లో యావరేజ్ టాక్ తో సరిపెట్టుకున్న ఈ మూవీ.. ఇప్పుడు ఓటీటీ(OTT Streaming) ప్రేక్షకులను అలరించేందుకు సిద్ధమైంది. విడుదలైన ఏడాది తర్వాత డిజిటల్ స్ట్రీమింగ్ కు వచ్చింది.  ప్రస్తుతం సువర్ణ సుందరి సినిమా అమెజాన్ ప్రైమ్ వీడియో(Prime Video) లో స్ట్రీమింగ్ అవుతోంది. కేవలం తెలుగు వెర్షన్ మాత్రమే అందుబాటులో ఉంది. నేటి నుంచి ఈ సినిమాను చూడవచ్చు.

రూ.79 రెంటల్ పద్దతిలో

అయితే ఈ మూవీ రెంటల్ పద్దతిలో స్ట్రీమింగ్ కు వచ్చింది. రూ.79 చెల్లించి ఈ సినిమాను వీక్షించవచ్చు. త్వరలోనే ప్రైమ్ వీడియో సబ్‍స్క్రైబర్స్ అందరికీ ఫ్రీ స్ట్రీమింగ్ వచ్చే అవకాశం ఉంది. ప్రస్తుతానికి అయితే రెంటల్ పద్ధతిలో అందుబాటులోకి వచ్చింది.

Also Read : Kiran Abbavaram: తన మొదటి సినిమా హీరోయిన్ ను పెళ్లి చేసుకోబోతున్న కిరణ్ అబ్బవరం..!