Pooja Hegde: పూజా హెగ్డే బాయ్ ఫ్రెండ్ ఎవరో తెలుసా..? వీడియో వైరల్

Pooja Hegde: టాలీవుడ్ స్టార్ హీరోయిన్ పూజ హెగ్డే గురించి కొత్తగా పరిచయం అక్కర్లేదు. రెండేళ్ల క్రితం సౌత్ ఇండస్ట్రీ మోస్ట్ వాంటెడ్ హీరోయిన్ గా ఓ వెలుగు వెలిగింది ఈ బ్యూటీ. తెలుగు, హిందీ, తమిళ్ చిత్రాల్లో అగ్ర హీరోల సరసన మెరిసిన ఈ ముద్దు గుమ్మ స్టార్ హీరోయిన్ గా ఎదిగిపోయింది. అయితే ప్రస్తుతం పూజ క్రేజ్ కాస్త తగ్గిపోయింది. రీసెంట్ గా విడుదలైన మహేష్ బాబు 'గుంటూరు కారం'లో హీరోయిన్ గా చేయాల్సిన ఈ ముద్దుగుమ్మ.. పలు కారణాల చేత సినిమా నుంచి తప్పుకుంది.

Also Read: Priyanka Jain : సారీ చెప్పకుండా పెళ్లి చేసుకున్నాము.. వైరలవుతున్న ప్రియాంక జైన్ పోస్ట్..!

బాలీవుడ్ ఎంట్రీ

ఆ తర్వాత ఈ బుట్టబొమ్మకు కాలం కలిసి రాలేదు. ఇక తెలుగులో ఆఫర్లు తగ్గిపోవడంతో బాలీవుడ్ ఎంట్రీ ఇచ్చింది. రీసెంట్ గా బాలీవుడ్ స్టార్ హీరో సల్మాన్ ఖాన్ సరసన ‘కిసీ కా భాయ్ కిసీ కి జాన్’ సినిమాలో నటించింది. భారీ అంచనాలతో ప్రేక్షకుల ముందుకు వచ్చిన ఈ మూవీ ఊహించిన స్థాయిలో ఆకట్టుకోలేకపోయింది. ఇటీవలే బాలీవుడ్ లో మరో బంపర్ ఆఫర్ కొట్టేసింది ఈ బ్యూటీ. సాజిద్ న‌డియాడ్ వాలా బ్యాన‌ర్ లో అహ‌న్ శెట్టి హీరోగా తెరకెక్కుతున్న ‘సంకీ’ సినిమాలో కథానాయికగా ఎంపికైంది.

బాయ్ ఫ్రెండ్ తో పూజా హెగ్డే

అయితే తాజాగా ఈ బుట్టబొమ్మకు సంబంధించిన ఓ వీడియో నెట్టింట తెగ వైరలవుతోంది. ఈ వీడియోలో ఆమెతో పాటు మరో వ్యక్తి ఉన్నారు. దీంతో పూజ హెగ్డే తో పాటు ఉన్న వ్యక్తి ఆమె బాయ్ ఫ్రెండ్ అంటూ సోషల్ మీడియాలో జోరుగా ప్రచారం సాగుతోంది. అయితే ఆ వ్యక్తి మరెవరో కాదు బాలీవుడ్ నటుడు రోహన్ మెహ్రా. ప్రస్తుతం వీరిద్దరూ డేటింగ్ లో ఉన్నట్లు టాక్ వినిపిస్తోంది.

గతంలో రోహన్ మెహ్రా స్టూడెంట్ ఆఫ్ ద ఇయర్ 2 ఫేమ్‌ తారా సుతారియాతో రిలేషన్ షిప్ లో ఉన్నారని వార్తలు వచ్చాయి. కానీ ఆ తర్వాత వారిద్దరూ కేవలం స్నేహితులు మాత్రమేనని తేలిపోయింది. ఇక ఇప్పుడు పూజ, రోహన్ మెహ్రా రిలేషన్ లో ఉన్నట్లు పుకార్లు వస్తున్నాయి. మరి ఇందులో నిజమెంతో తెలియాల్సి ఉంది.

Also Read: Shiva Rajkumar: కన్నడ స్టార్ శివరాజ్ కుమార్ కు అనారోగ్యం.. ఆసుపత్రిలో చికిత్స..!