టైటానిక్ శిథిలాలను చూసేందుకు వెళ్లిన పర్యాటక జలాంతర్గామి అదృశ్యం...!!

ఆదివారం అట్లాంటిక్ మహాసముద్రంలో టైటానిక్ శిథిలాలను చూసేందుకు వెళ్లిన పర్యాటక జలాంతర్గామి అదృశ్యమైంది. ఈ జలాంతర్గామిలో పైలట్, నలుగురు పర్యాటకులు ఉన్నట్లు సమాచారం. ఈ వ్యక్తులలో బ్రిటిష్ బిలియనీర్ హమీష్ హార్డింగ్ కూడా ఉన్నారు. ఇక్కడ జలాంతర్గామి మునిగిందన్న వార్త తెలిసిన వెంటనే అమెరికా, కెనడా సెర్చ్ ఆపరేషన్ ప్రారంభించాయి.

పర్యాటక జలాంతర్గామి ఆదివారం అట్లాంటిక్ మహాసముద్రంలో దిగింది. నీటిలో దిగిన రెండున్నర గంటల తర్వాత రాడర్ తో సంబంధాలు తెగిపోయి కనిపించకుండా పోయింది. ఈ జలాంతర్గామిని కనుగొనడానికి చాలా తక్కువ సమయం ఉంది, ఎందుకంటే ఇందులో 96 గంటలు మాత్రమే ఆక్సిజన్ ఉంటుంది. అమెరికా, కెనడా సంయుక్తంగా నిర్వహిస్తున్న సెర్చ్ ఆపరేషన్‌లో ఇప్పటి వరకు ఎలాంటి ఆచూకీ లభ్యం కాలేదు. ఇరు దేశాల రెస్క్యూ బృందాలు నీటిలో నిరంతరం వెతుకుతున్నాయి. జలాంతర్గామిని వెతకడానికి సోనార్ బోయ్‌లు నీటిలోకి పంపించారు.

కాగా టైటానిక్ శిథిలాలను చూడటానికి దాదాపు రెండు కోట్ల రూపాయలు ఖర్చవుతుంది. ఈ యాత్ర సెయింట్ జాన్స్‌లోని న్యూఫౌండ్‌ల్యాండ్ నుండి ప్రారంభమవుతుంది. టైటానిక్ ఓడ 10 ఏప్రిల్ 1912న బయలుదేరింది. ఏప్రిల్ 14-15 తేదీలలో అట్లాంటిక్ మహాసముద్రంలో మంచుకొండను ఢీకొన్న తర్వాత మునిగిపోయింది. ఇందులో 1500 మందికి పైగా మరణించారు. టైటానిక్ శిథిలాలు 1985లో కనుగొన్నారు.