పెంపుడు కుక్క బర్త్ డేకు రూ.2.5లక్షల గోల్డ్ చైన్ గిఫ్ట్!

చాలా మందికి తమ పెంపుడు జంతువులు, ముఖ్యంగా కుక్కల పట్ల చాలా ఆప్యాయత  ప్రేమ ఉంటుంది. కుక్కలను సొంత పిల్లల్లాగే చూసుకుంటారు. అయితే ఓ మహిళ తన పెంపుడు కుక్కకు రూ.2.5 లక్షల విలువైన బంగారు గొలుసును బహుమతిగా ఇచ్చిన ఘటన ముంబై లో చోటు చేసుకుంది. ముంబైకి చెందిన సరితా సల్దాన్హా అనే మహిళ తన పెంపుడు కుక్కకు పుట్టినరోజు కానుకగా రూ. 2.5 లక్షల విలువైన బంగారు గొలుసును కుక్క మెడలో వేసింది.

చెంబూర్‌లోని నగల వ్యాపారి అనిల్ జ్యువెలర్స్ ఇన్‌స్టాగ్రామ్‌లో షేర్ చేసిన ఈ వీడియో ఇప్పుడు వైరల్‌గా మారింది.  “మా కస్టమర్ సరితా సల్దాన్హా తన ప్రియమైన కుక్క టైగర్ పుట్టినరోజును ప్రత్యేకంగా జరుపుకోవాలని నిర్ణయించుకున్నారు. అందుకు ఆమె రూ.2.5 లక్షల బంగారు గొలుసును తన పెంపుడు కుక్కలో బహుకరించారని ఆయన ఇన్ స్టాగ్రామ్ లో తెలిపారు.ఇది చూసిన చాలా మంది ఆమె పై ప్రశంసల వర్షం కురిపిస్తున్నారు.