బికినీలో మోడల్ ర్యాంప్ వాక్.. నెట్టింట విమర్శలు

అందాల పోటీలు అంటే ఎవరైనా ఆ దేశ సంప్రదాయ దుస్తులు లేదా శరీరం అంతా కప్పుకుని ర్యాంప్ వాక్ చేస్తారు. కానీ పాకిస్థానీకి చెందిన ఓ మోడల్ మాత్రం బికినీలో ర్యాంప్ వాక్ చేసి సోషల్ మీడియాలో వీడియోను అప్‌లోడ్ చేసింది. దీంతో నెట్టింట విమర్శలు మొదలవ్వగా వెంటనే వీడియోను డిలీట్ చేసింది. రోమా మైఖేల్ మిస్ గ్రాండ్ ఇంటర్నేషనల్ 2024 అందాల పోటీలో పాల్గొంది.

ఇది కూడా చూడండి: ఈ ఏడాది చివరి నాటికి మతిపోయే టెక్నాలజీ.. అంబానీ మరో సంచలన ప్రకటన!

ప్రపంచ వేదికపై ఇలా..

ఈ పోటీల్లో భాగంగా ఆమె బికినీలో ర్యాంప్ వాక్ చేసింది. ఈ వీడియోను సోషల్ మీడియాలో అప్‌లోడ్ చేయగా.. నెటిజన్లు తీవ్రంగా ఆమెను విమర్శించారు. ప్రపంచ వేదికపై ఇలాంటి దుస్తులు ధరించి ర్యాంప్ వాక్ చేయడం దేశానికే మచ్చవంటిందని మండిపడ్డారు. ఆమె ధరించిన దుస్తులు సాంస్కృతిక ప్రాతినిధ్యం, వ్యక్తిగత స్వేచ్ఛపై చర్చలకు దారితీస్తుందని కామెంట్లు చేస్తున్నారు. దీంతో ఆమె వెంటనే ఆ వీడియోను డిలీట్ చేసింది.

ఇది కూడా చూడండి: పెప్సీ, కోకా కోలా నుంచి ఇకపై బడ్జెట్ డ్రింక్స్.. కారణమేంటి?

మరికొందరు మాత్రం ఆమె వస్త్రధారణను ప్రశంసిస్తూ కామెంట్లు చేస్తున్నారు. లాహోర్‌కు చెందిన రోమా మైఖేల్ ఇంజనీరింగ్‌ గ్రాడ్యుయేషన్ పట్టా పొందింది. మోడలింగ్‌పై ఉన్న ఇంట్రెస్ట్‌తో ఆమె ఈ రంగంలో రాణిస్తోంది. కేవలం మోడల్‌గా మాత్రమే కాకుండా నటిగా కూడా మంచి పేరు తెచ్చుకుంది. పాకిస్థాన్ తరఫున ఎన్నో అంతర్జాతీయ వేదికలపై కూడా రోమా ర్యాంప్ వాక్ చేసింది.

రోమా కేన్స్ ఫ్యాషన్ వీక్, దుబాయ్ ఫ్యాషన్‌ షోలో కూడా ఆమె పాల్గొంది. మిస్ గ్రాండ్ ఇంటర్నేషనల్ 2024 అందాల పోటీలు థాయ్‌లాండ్‌లో జరుగుతున్నాయి. ఈ అందాల పోటీల ఫైనల్ ఈ నెల 25న జరగనుంది. టైటిల్ విన్నర్‌ను ప్రకటించడానికి కాస్త సమయం ఉండగా.. ఈ వీడియో సోషల్ మీడియాలో వైరల్ అయ్యింది.