Cyber ​​Security Bureau: సైబర్ సెక్యూరిటీ బ్యూరోకు 2,52,187 ఫిర్యాదులు

Cyber ​​Security Bureau: సైబర్ సెక్యూరిటీ బ్యూరో ప్రారంభమైనప్పటి నుంచి ఇప్పటి వరకూ 2,52,187 ఫిర్యాదులు వచ్చినట్లు తెలంగాణ సైబర్ సెక్యూరిటీ బ్యూరో తెలిపింది. 1,57,256 అనుమానిత బ్యాంకు ఖాతాలు గుర్తించినట్లు చెప్పింది. ఈ ఏడాదిలో 262.71 కోట్ల రూపాయలు సైబర్ నేరగాళ్లకు వెళ్లకుండా పోలీసులు కాపాడినట్లు అధికారులు తెలిపారు. 36,749 అనుమానాస్పద సిమ్ కార్డులు బ్లాక్ చేసినట్లు వెల్లడించారు. 3457 అనుమానాస్పద ఏపికే ఫైల్స్, యూఆర్ఎల్, యాప్‌లను సైబర్ సెక్యూరిటీ బ్యూరో బ్లాక్ చేసినట్లు వెల్లడించారు.