Zombie Virus: కరోనాని మించిన మహా కంచు ఈ వైరస్..48,500ఏళ్లు మంచులో పాతిపెట్టినా చావదట..!!

Zombie virus: ప్రపంచ వ్యాప్తంగా లెక్కలేనంత మంది ప్రజలు కరోనా (Coronavirus) మహమ్మారి సోకి ప్రాణాలు కోల్పోయారు. ఇప్పుడు కోవిడ్ ను మించిన మరో మహమ్మారి ప్రపంచంపై దండయాత్రకు వస్తోందన్న విషయం ప్రపంచాన్ని ఉలిక్కిపడేలా చేస్తోంది. ఈ విషయాన్ని శాస్త్రవేత్తలు కూడా వెల్లడించడంతో మరింత భయాందోళన మొదలైంది. ది గార్డియన్‌(The Guardian)లోని ఒక నివేదిక ప్రకారం, ఆర్కిటిక్ శాశ్వత మంచు ద్రవీభవన జాంబీ వైరస్‌ (Zombie virus)లను విడుదల చేసి విపత్తు ప్రపంచ ఆరోగ్య అత్యవసర పరిస్థితి (Global Health Emergency)ని ప్రేరేపిస్తుంది అని శాస్త్రవేత్తలు చెప్పారు.

మంచు కరగడం వల్ల ప్రమాదం పెరగుతుంది:
రష్యాలోని (Russia) సైబీరియా ప్రాంతంలోఉన్న మంచు సరస్సుల కింద లక్షన్నర ఏళ్ల క్రితం సమాధి అయిన 13 కొత్త రకాల వైరసులను శాస్త్రవేత్తలు సేకరించినట్లు 2022లో తెలిసింది. అయితే ఇప్పుడు అర్కిటిక్ తదితర ప్రాంతాల్లో మంచు కరిగిపోతుండటతో వైరస్ తిరిగి ఉనికిలోకి రాబోతుందని పరిశోధకులు చెబుతున్నారు. పెర్మాఫ్రాస్ట్ (Permafrost) అనే భూమి ఉపరితలంపై లేదా దిగువన శాశ్వతంగా ఘనీభవించిన పొర. ఈ పొర మట్టి, కంకర, ఇసుకతో కలిసి ఉంటుంది.
గ్లోబల్ వార్మింగ్, ఉష్ణోగ్రతల కారణంగా, గడ్డకట్టిన మంచు కరగడం ప్రారంభించింది. దీని కారణంగా ప్రమాదం పెరిగింది. తొందరలోనే ఈ వైరస్ లు ఉనికిలోకి వచ్చే అవకాశం ఉందని పరిశోధకులు చెబుతున్నారు. వీటి వల్ల ఎలాంటి నష్టం జరుగుతుందన్న విషయాన్ని స్పష్టంగా తెలియజేయలేదు. అయినప్పటికీ ప్రమాదకరమైన వ్యాధులను వ్యాప్తి చేస్తాయని చెబుతున్నారు.

అలాంటి వైరస్‌లు మనుషులకు సోకే ప్రమాదం:
Aix-Marseille విశ్వవిద్యాలయంలో జన్యు శాస్త్రవేత్త జీన్-మిచెల్ క్లావేరీ మాట్లాడుతూ.. ప్రస్తుతానికి, మహమ్మారి ప్రమాదాల విశ్లేషణ దక్షిణ ప్రాంతాలలో ఉద్భవించి ఉత్తరాన వ్యాపించే వ్యాధులపై దృష్టి పెడుతుంది. దీనికి విరుద్ధంగా, సుదూర ఉత్తరాన ఉద్భవించి, ఆపై దక్షిణాన ప్రయాణించే వ్యాప్తిపై చాలా తక్కువ శ్రద్ధ చూపుతుంది. ఇది పొరపాటు అని నేను నమ్ముతున్నాను. మానవులకు సోకే, కొత్త వ్యాధి వ్యాప్తిని ప్రారంభించే సామర్థ్యాన్ని కలిగి ఉన్న వైరస్లు ఉన్నాయని వెల్లడించారు.

మున్ముందు ప్రమాదం తప్పదన్న విషయాన్ని అంగీకరించాలి:
రోటర్‌డామ్‌లోని ఎరాస్మస్ మెడికల్ సెంటర్‌లోని శాస్త్రవేత్త మరియాన్నే కూప్‌మాన్స్ అంగీకరించారు. శాశ్వత మంచులో వైరస్‌లు ఏమి దాగి ఉన్నాయో మాకు తెలియదు. అయితే ఈ వ్యాధిని వ్యాప్తి తప్పదని నేను భావిస్తున్నాను. వీటి వల్ల ఎలాంటి నష్టం జరుగుతుందన్న విషయాన్ని స్పష్టంగా తెలియజేయలేదు. అయినప్పటికీ ప్రమాదకరమైన వ్యాధులను వ్యాప్తి చేస్తాయని చెబుతున్నారు.

ఇది కూడా చదవండి: అలియా భట్ చీర ధరే కాదు..ఆ చీర కొంగులో ఉన్న ప్రత్యేక తెలుస్తే…ఆశ్చర్యపోవడం ఖాయం..!!