Crime News: ప్రేమించాలంటూ ఇద్దరి యువకుల వేధింపులు.. బరించలేక ఆ యువతి ఏం చేసిందంటే?

Nalgonda: ప్రేమించాలంటూ ఇద్దరు యువకులు వేధించడంతో యువతి బరించలేక ఆత్మహత్య చేసుకుంది. ఈ విషాదకరమైన ఘటన నల్గొండ జిల్లా మాడుగులపల్లి మండలం చింతలగూడెంలో చోటుచేసుకుంది. ఈ నెల 6న పురుగుల మందు తాగి యువతి కల్యాణి ఆత్మహత్యాయత్నం చేసింది.

Also Read: టీడీపీ కార్యాలయంపై దాడి… వైసీపీ నేతలకు బిగ్ రిలీఫ్

అదే గ్రామానికి చెందిన ఆరూరి శివ, కొమ్మనబోయిన మధు ప్రేమ పేరుతో కల్యాణిని వేధించారు. తాము చెప్పినట్లు వినకపోతే వాట్సప్, ఇన్‌స్టాగ్రామ్‌లో ఫోటోలు పెడుతామంటూ కల్యాణికి బెదిరించారు. తరుచు వేధిస్తుండడంతో ఆ యువతి భరించలేకపోయింది.

ఇంట్లో తల్లిదండ్రులు లేని సమయంలో ఆ యువతి పురుగుల మందు తాగింది. వెంటనే గమనించిన స్థానికులు హుటాహుటిన ఆస్పత్రికి తరలించారు. చికిత్స పొందుతూ మంగళవారం మృతి చెందింది. తన చావుకు ఇద్దరు యువకులే కారణమంటూ యువతి జడ్జి ఎదుట మరణ వాంగ్మూలం ఇచ్చింది.