యోగాసనాలు గర్బిణీలకే కాదు.. పుట్టబోయే బిడ్డకూ శ్రేయస్కరం..!!

తల్లి కావడం అనేది అత్యంత అందమైన అనుభూతి. ఈ ప్రయాణం ఏ స్త్రీకి అంత సులభం కానప్పటికీ. గర్భధారణ సమయంలో స్త్రీ శరీరంలో చాలా మార్పులు ఉంటాయి. పొత్తికడుపులో నొప్పి, వెన్నునొప్పి, వాపు వంటి సమస్యలు ఇబ్బంది పెడుతుంటాయి. ఈ సమయంలో యోగా చేయడం గర్భధారణ మంత్రమని చెబుతున్నారు నిపుణులు. గర్భధారణలో శారీరక సమస్యలను తగ్గించడంలో ఇది చాలా ముఖ్యమైన పాత్ర పోషిస్తుంది. ఇది కాకుండా, యోగా భంగిమలు గర్భిణీ స్త్రీ ప్రయాణాన్ని సులభతరం చేస్తాయి. గర్భధారణ సమయంలో యోగా వల్ల కలిగే ప్రయోజనాల గురించి తెలుసుకుందాం.

మానసిక ఆరోగ్యం మెరుగుపడుతుంది:
గర్భధారణ సమయంలో హార్మోన్ల మార్పులు మానసిక స్థితిని ప్రభావితం చేస్తాయి. అటువంటి పరిస్థితిలో, యోగా మీకు చాలా ప్రయోజనకరంగా ఉంటుంది. గర్భిణీ స్త్రీల మనస్సును ప్రశాంతంగా ఉంచడంలో ఇది చాలా సహాయపడుతుంది.

శిశువుతో బంధాన్ని అభివృద్ధి చేస్తుంది:
గర్భిణీలు యోగా చేయడం వల్ల తల్లిబిడ్డకు మధ్య సంబంధాన్ని ప్రోత్సహిస్తుంది. యోగా, ధ్యానం ద్వారా తల్లులు, తమ పిల్లలతో మంచి బంధాన్ని ఏర్పారచుకోవచ్చు.

డెలివరీ అసిస్టెంట్:
యోగా గర్భిణీలను ప్రసవానికి సిద్ధం చేస్తుంది. ఒంటి- శ్వాస వ్యాయామాలు, లోతైన ఉదర శ్వాస, ప్రాణాయామ అభ్యాసం, పెల్విక్ టిల్ట్, పెల్విక్ ఫ్లోర్ కండరాలను బలోపేతం చేయడంలో, ప్రసవాన్ని సులభతరం చేయడంలో సహాయపడుతుంది.

డెలివరీ తర్వాత కోలుకోవడానికి:
కొత్త తల్లులు తరచుగా నిద్రలేమి, ఒత్తిడి కారణంగా అనేక సమస్యలను ఎదుర్కొంటారు. ఇలాంటి పరిస్థితుల్లో యోగా చేయడం వల్ల మానసిక ప్రశాంతత లభిస్తుంది. ఇది అనేక రకాల నొప్పిని, ప్రతికూల ఆలోచనలను తొలగిస్తుంది. గర్బిణీలు యోగా చేయడం వల్ల శరీరం, మనస్సును ప్రసవానికి రెడీ చేస్తుంది. తద్వారా డెలివరీ తర్వాత కోలుకోవడానికి సహాయపడుతుంది.

గర్బిణీలు ఎక్కువగా వజ్రాసనం వేయడం మంచిదంటున్నారు నిపుణులు. జీర్ణక్రియ బాగా జరగడంతోపాటు ఊపిరి ఎక్కువగా తీసుకోవడం వల్ల శ్వాసక్రియ వేగంగా జరుగుతుంది. వజ్రాసనం ఆకలి వేయడానికి చక్కగా ఉపయోగపడుతుంది. సుఖ ప్రసవం జరగాలంటే ఈ ఆసనం ఉత్తమం. సరైన ఆహారం తీసుకోవడం కంటే...సరైన యోగా చేయడం వల్ల తల్లి, బిడ్డ ఇద్దరూ క్షేమంగా ఉంటారు. బిడ్డ ఎదుగుదలకు, మెదడు అభివ్రుద్ధికి యోగా చక్కగా ఉపయోగపడుతుంది.