Yamuna Floods : తాజ్‎మహల్‎ను తాకిన యమునా ..కైలాస మహాదేవ గర్భగడిలోకి వరదనీరు.!!

ఆగ్రాలో యమునా నది ఉప్పొంగడంతో ఐకానిక్ మొఘల్ స్మారక చిహ్నం-తాజ్ మహల్ వరద ముప్పును ఎదుర్కొంటోంది. నగరంలో ఎడతెరిపి లేకుండా కురుస్తున్న వర్షాలు ప్రపంచ వారసత్వానికి సమీపంలో నది నీటి మట్టం పెరగింది. సోమవారం తాజ్ మహల్ సరిహద్దు గోడను వరద నది నీరు తాకింది. 45ఏళ్ల తర్వాత ఇప్పుడు యమునా తాజ్ మహల్ ను తాకింది.

తాజ్‌మహల్ సరిహద్దుకు సమీపంలో ఉన్న దసరా ఘాట్‌లో వరదలు పోటెత్తినట్లు వీడియోలో కనిపిస్తుంది. యమునా నదిలో నీటిమట్టం నిరంతరం పెరగడం వల్ల తాజ్ మహల్‌కు వరద ముప్పు ఏర్పడింది. వరదలను నివారించడానికి సికంద్రాలోని కైలాష్ ఆలయం నుండి తాజ్ మహల్ సమీపంలోని దసరా ఘాట్ వరకు నది ఘాట్‌లపై అధికారులు బారికేడ్లను ఏర్పాటు చేశారు.

ఇదిలా ఉండగా, ఆదివారం యమునాలో నీటి మట్టం ఆగ్రాలో 495.8 అడుగులకు చేరుకోవడంతో అధికారులు సహాయక చర్యలను వేగవంతం చేశారు, ఇది 'తక్కువ వరద స్థాయి' మార్కును కొద్దిగా ఉల్లంఘించింది. నదిలోకి భారీగా వరద నీరు వచ్చి చేరుతుండటంతో రోడ్లు, తాజ్‌గంజ్‌లోని శ్మశానవాటికను ముంచెత్తింది. ఇత్మద్-ఉద్-దౌలా స్మారక చిహ్నం గోడను తాకింది.

ఇక్కడ తాజ్‌మహల్‌కు వెళ్లే యమునా కినార రహదారి వరద నది కాలువల నుండి బ్యాక్‌ఫ్లో కారణంగా జలమయమైంది. జిల్లా మేజిస్ట్రేట్ నవనీత్ చాహల్ ఆగ్రా నగరంలోని లోతట్టు ప్రాంతాలను పరిశీలించారు. వరద పరిస్థితి తలెత్తితే తగిన ఏర్పాట్లు చేయాలని సంబంధిత అధికారులను ఆదేశించారు.

"ఆదివారం సాయంత్రం 4 గంటల సమయానికి యమునాలో నీటిమట్టం 495.8 అడుగులుగా ఉంది. ఆగ్రాలోని ఈ నది క్క తక్కువ వరద మట్టం 495 అడుగులు. ఇక్కడ మధ్యస్థ వరద మట్టం 499 అడుగులు. అధిక వరద స్థాయి 508 అడుగుల వద్ద ఉంది" అని యశ్వర్ధన్ శ్రీవాస్తవ్ తెలిపారు తెలిపారు.

“వరద లాంటి పరిస్థితి తలెత్తితే దాన్ని ఎదుర్కోవడానికి మేము సిద్ధంగా ఉన్నాము. పోస్టులను ఏర్పాటు చేసి బోట్‌మెన్‌లు, డైవర్లు అప్రమత్తంగా ఉన్నారు. లోతట్టు ప్రాంతాల్లోని స్థానికులు అప్రమత్తంగా ఉండాలని సూచించామని తెలిపారు. చంబల్ నది సరిహద్దులో ఉన్న ఆగ్రా జిల్లాలోని గ్రామాల సమీపంలో కూడా ఏర్పాట్లు ముమ్మరం చేసినట్లు ఒక అధికారి తెలిపారు. ఈ ప్రాంతాల్లో వైద్య శిబిరాలు ఏర్పాటు చేసినట్లు అధికారులు తెలిపారు.

ఓఖ్లా బ్యారేజీ నుంచి 1,06,473 క్యూసెక్కులు, మథురలోని గోకుల్ బ్యారేజీ నుంచి 1,24,302 క్యూసెక్కుల నీరు -- గత 24 గంటల్లో రెండు బ్యారేజీల నుంచి నీటిని విడుదల చేయడం వల్ల ఇక్కడ యమునా నీటిమట్టం పెరిగిందని అధికారి తెలిపారు. , ఇక్కడ మొత్తం ఏడు గేట్లు తెరిచినట్లు చెప్పారు. 45ఏళ్ల తర్వాత ఆగ్రా మళ్లీ ఇప్పుడు వరద పరిస్థితిని ఎదుర్కొందని చెప్పారు.

అటు ఆగ్రాలోని సికంద్ర ప్రాంతంలో ఉన్న కైలాస మహాదేవ్ ఆలయ గర్భగుడిలోకి నీరు చేరిందని అధికారులు తెలిపారు. కనీసం వారం రోజుల పాటు వరద నుంచి ఉపశమనం కనిపించలేదన్నారు. అందుకే ఈ నెల 24న జరగాల్సిన సావన్ మేళాను వాయిదా వేస్తున్నట్లు అధికారులు తెలిపారు.