World Cup 2023: ఆ బెర్త్ ఎవరిది? సెమీస్ కోసం మూడు టీమ్స్ మధ్య నువ్వా..నేనా!

ప్రపంచకప్‌ లీగ్ (World Cup 2023)లో భాగంగా  శనివారం రెండు మ్యాచ్‌లు జరిగాయి. తొలి మ్యాచ్‌లో పాకిస్థాన్‌కు 402 పరుగుల భారీ లక్ష్యాన్ని అందించినప్పటికీ డక్‌వర్త్ లూయిస్ పద్ధతిలో న్యూజిలాండ్ ఓటమి పాలైంది. రెండో మ్యాచ్‌లో ఆస్ట్రేలియా ప్రస్తుత ప్రపంచ చాంపియన్ ఇంగ్లండ్‌ను ఓడించింది. ఈ రెండు మ్యాచ్‌ల ఫలితాల ఆధారంగా సెమీ ఫైనల్‌కు సమీకరణాలు ఎలా ఉంటాయి? చూద్దాం. 

పాయింట్ల పరిస్థితి ఇది:

• ప్రస్తుతం భారత్ 14 పాయింట్లతో టేబుల్ టాపర్‌గా ఉంది. భారత్ 7 మ్యాచ్‌లు ఆడి అన్నింటిలోనూ విజయం సాధించింది. భారత్ ఇంకా 2 మ్యాచ్‌లు ఆడాల్సి ఉంది.
• పాయింట్స్ టేబుల్ లో  సౌతాఫ్రికా  రెండో స్థానంలో ఉంది. ఆ టీమ్  7 మ్యాచ్‌లు ఆడి 6 గెలిచింది. దీంతో ఈ టీమ్ కి 12 పాయింట్లు ఉన్నాయి. సౌతాఫ్రికా ఇంకా  2 మ్యాచ్‌లు  ఆడాలి. 
• ఇక టేబుల్ మూడో స్థానంలో  ఆస్ట్రేలియా ఉంది. 7 మ్యాచ్‌ల్లో 5 గెలిచి 10 పాయింట్లతో ఆసీస్ నిలిచింది.  ఆస్ట్రేలియా మరో 2 మ్యాచ్‌లు ఆడాల్సి ఉంది.
• న్యూజిలాండ్ నాలుగో స్థానంలో కొనసాగుతోంది. ఈ టీమ్ కి  8 పాయింట్లు ఉన్నాయి. న్యూజిలాండ్ 8 మ్యాచ్‌ల్లో 4 గెలిచింది. పాకిస్థాన్, ఆఫ్ఘనిస్థాన్‌లు కూడా చెరో 8 పాయింట్లతో ఉన్నాయి. కానీ మెరుగైన నెట్ రన్ రేట్ (World Cup 2023) కారణంగా ఈ రెండు జట్ల కంటే న్యూజిలాండ్ ముందుంది.

సెమీ ఫైనల్ రేసులో పాకిస్థాన్ ఇంకా ఉంది.. 

పాకిస్థాన్ 8 మ్యాచ్‌లు ఆడింది. 8 మ్యాచ్‌ల్లో 4 గెలిచి 8 పాయింట్లు సాధించింది. పాయింట్ల పట్టికలో(World Cup 2023) పాకిస్థాన్ 5వ స్థానానికి చేరుకుంది. పాకిస్థాన్ తన తరువాతి  మ్యాచ్‌ని ఇంగ్లాండ్‌తో ఆడాల్సి ఉంది. లీగ్ దశలో ఇరు జట్ల మధ్య ఇదే చివరి మ్యాచ్.

పాకిస్థాన్ చేతిలో ఓడి న్యూజిలాండ్ 8 పాయింట్లతో నాలుగో స్థానంలో ఉంది. కివీస్ - శ్రీలంకతో చివరి మ్యాచ్ ఆడాల్సి ఉంది. 

సెమీఫైనల్‌కు అర్హత సాధించాలంటే పాకిస్థాన్ నెట్ రన్ రేట్‌ను మెరుగుపరచుకోవాల్సిన అవసరం ఉంది. ఇది కాకుండా, రాబోయే న్యూజిలాండ్ - ఆఫ్ఘనిస్తాన్ మ్యాచ్‌లు కూడా ఈ సమీకరణాన్ని ప్రభావితం చేయవచ్చు.

Also Read: టేబుల్ టాపర్స్ మధ్య సూపర్ ఫైట్.. వరల్డ్ కప్ లో భారత్-సౌతాఫ్రికా మ్యాచ్ 

టోర్నీ నుంచి ఇంగ్లండ్‌ ఔట్‌:

ఆస్ట్రేలియా చేతిలో ఓడి ప్రస్తుత ప్రపంచ చాంపియన్‌ టీమ్‌ ఇంగ్లండ్‌ ప్రపంచకప్‌(World Cup 2023) నుంచి నిష్క్రమించింది. ఇంగ్లండ్ 7 మ్యాచ్‌ల్లో 1 మాత్రమే గెలవగలిగింది. 2 పాయింట్లతో పాయింట్ల పట్టికలో చివరి స్థానంలో నిలిచింది.  ఇంగ్లండ్‌ను ఓడించి ఆస్ట్రేలియా తన స్థానాన్ని మరింత పటిష్టం చేసుకుంది. ఆస్ట్రేలియా 10 పాయింట్లతో మూడో స్థానంలో ఉంది. ఆసీస్ తరువాతి  మ్యాచ్‌లను ఆఫ్ఘనిస్తాన్ - బంగ్లాదేశ్‌లతో ఆడాల్సి ఉంది.

12 పాయింట్లతో దక్షిణాఫ్రికా సెమీఫైనల్‌కు చేరింది.. 

న్యూజిలాండ్ ఓటమితో రెండో స్థానంలో ఉన్న దక్షిణాఫ్రికా కూడా సెమీఫైనల్‌కు(World Cup 2023) అర్హత సాధించింది. దక్షిణాఫ్రికాకు 12 పాయింట్లు ఉన్నాయి. ఇప్పుడు ప్రపంచకప్‌లో 12 లేదా అంతకంటే ఎక్కువ పాయింట్లతో 4 జట్లు మాత్రమే సెమీ-ఫైనల్‌కు చేరుకోగలవు.

టేబుల్ టాపర్‌గా(World Cup 2023) నిలిచిన టీమిండియా 14 పాయింట్లతో ఇప్పటికే సెమీఫైనల్‌కు అర్హత సాధించింది. ప్రస్తుత పరిస్థితుల్లో ఆస్ట్రేలియా, ఆఫ్ఘనిస్థాన్‌లు మాత్రమే 12 పాయింట్లు సాధించగలవు. ఎందుకంటే ఒక జట్టు 10 పాయింట్లు, మరో జట్టు 8 పాయింట్లతోనూ ఉన్నాయి. ఈ రెండు టీమ్స్ కి రెండేసి మ్యాచ్‌లు మిగిలి ఉన్నాయి. ఇప్పుడు ఆస్ట్రేలియా - ఆప్ఘనిస్తాన్ మ్యాచ్ కీలకం కానుంది. ఒకవేళ ఆప్ఘనిస్తాన్ సంచలనం సృష్టిస్తే.. ఆస్ట్రేలియా సెమీస్ సమీకరణాలు కష్టంగా మారవచ్చు. 

Watch this interesting video: