Siddipet: సీటుకోసం సిగపట్లు.. చెప్పులతో కొట్టుకున్న మహాలక్ష్ములు

Siddipet: తెలంగాణలో ఫ్రీ బస్సు గొడవ మరోసారి మహిళలు మధ్య చిచ్చు రేపింది. ఇటీవలే సీట్ కోసం ఓ ఇద్దరు యువతులు చంకన పసిపిల్లలున్న విషయం మరిచి విచక్షణ రహితంగా కొట్టుకున్న సంఘటన మరవకముందే మరోచోట తగువులాడుకున్నారు. సీటు కోసం సిగలు పట్టుకుని, చెప్పులతో దారుణంగా కొట్టుకున్న ఘటన సిద్దిపేట జిల్లాలో చోటుచేసుకుంది.

వెంకట్రావు పేట..

ఈ మేరకు నాలుగు రోజుల క్రితం జరిగిన ఘటన ఆలస్యంగా వెలుగులోకి వచ్చింది. సిద్దిపేట జిల్లా తొగుట మండలం వెంకట్రావు పేటలో ఈ గొడవ జరిగింది. సికింద్రాబాద్ నుంచి దుబ్బాక వెళ్తున్న ఆర్టీసీ బస్సులో వెంకట్రావు పేట గ్రామం వచ్చేసరికి ప్రయాణికులు కిక్కిరిసి పోయారు. దీంతో సీట్ల దొరకకపోవడంతో చాలామంది నిలబడే ఉన్నారు.

ఇది కూడా చదవండి : BIG BREAKING: హైదరాబాద్ లో తొలి ఉరిశిక్ష.. నాంపల్లి కోర్టు సంచలన తీర్పు

సీటు నాదంటే నాది అంటూ..

అయితే ఒక స్టేజీ వద్ద ఒక సీటు ఖాళీ కావడంతో ఆ పక్కనే నిలుచున్న మహిళలు సీటు నాదంటే నాది అంటూ గొడవపడ్డారు. విచక్షణ మరిచి చెప్పులతో కొట్టుకున్నారు. ఎంతమంది ఆపినా ఆగకుండా పిచ్చి పిచ్చిగా కొట్టుకున్నారు. చివరికి కొంతమంది పురుషులు, కండక్టర్ కలగజేసుకోవడంతో గొడవ సద్దుమణిగింది.  ప్రస్తుతం ఈ గొడవకు సంబంధించిన వీడియో వైరల్ అవుతుండగా.. మరోసారి ఆర్టీసీ ఫ్రీ వ్యవహారం చర్చనీయాంశమైంది. ఇప్పటికైనా ఉచితాలు తీసేసి 50 శాతం అయినా పెట్టాలని పలువురు గవర్నమెంట్ కు సూచిస్తున్నారు.