ప్రజలను మోసగించడానికి సైబర్ నేరగాళ్లు చాలా వరకు ఆఫర్ల పేరుతో ఫేక్ లింక్స్ పంపిస్తున్నారు. వారిని నమ్మించడానికి స్కామర్లు కొన్ని డబ్బులు కూడా పంపిస్తుంటారు. అలా మెల్లమెల్లగా వినియోగదారులు స్కామర్లు తమ ఆధీనంలోకి తీసుకుని, అందినకాడికి దోచేసుకుంటారు. అందుకే వాట్సాప్‌లో వచ్చే గుర్తు తెలియని యాప్స్, లింక్స్, ఆఫర్లను అస్సలు క్లిక్ చేయకూడదు.

ఆఫర్స్..

మెయిల్ ఐడీతో పాటు.. ఐదుగురికి ఈ లింక్ షేర్ చేస్తే కొత్త iPhone 15 ఉచితంగా పొందుతారు అని వాట్సాప్‌లో ఫార్వడ్ మెసేజ్ మీకు అందిందా? అయితే, ఇది కచ్చితంగా స్కామర్ల పనే. వ్యక్తిగత డేటా అడిగితే.. ఈ లింక్‌లను ఎప్పుడూ ఓపెన్ చేయొద్దు. ఇలాంటి లింక్స్ షేర్ చేయొద్దని అవతలి వారికి కూడా తెలియజేయాలి.

అనుమానాస్పదన యాప్ ఏపీకే లింక్ వచ్చిందా?

స్కామర్లు ప్రజలను దోచుకోవడానికి నిత్యం రకరకాల పద్ధతులను ఉపయోగిస్తున్నారు. బ్యాంక్ అప్లికేషన్ APKలను సవరించి, వారి హానికరమైన కోడ్‌తో వాటిని ఇన్‌ఫెక్ట్ చేసి, బాధితులకు యాప్‌లను పంపుతున్నారు. దాదాపు స్కామర్‌లు బ్యాంకింగ్ ఏజెంట్‌లుగా ప్రజలను మోసం చేస్తుంటారు. నకిలీ ఫిషింగ్ వెబ్‌సైట్‌ల ద్వారా ప్రజలను సంప్రదిస్తారు. హెల్ప్ లైన్ కోసం యాప్‌ను ఇన్‌స్టాల్ చేయమని నమ్మిస్తారు. అది నమ్మి జనాలు ఈ యాప్‌లను తమ మొబైల్స్‌లో ఇన్‌స్టాల్ చేస్తారు. తద్వారా కీలకమైన బ్యాంక్‌ వివరాలన్నీ ఎంటర్ చేస్తారు. అయితే, ఇలా ఎప్పుడూ చేయొద్దు. ఇది ఒక స్కామ్. ఇదే టెక్నిక్ ఇతర రకాల స్కామ్‌లలో కూడా అనేకసార్లు వెలుగుచూసింది.

ఇంటర్నేషనల్ నెంబర్స్‌ నుంచి కాల్స్..

ఇటీవల, ఓవర్సీస్ నుండి కాల్స్ కూడా వస్తున్నాయి. అలాంటి కాల్స్ మీకు వస్తే ఎప్పుడూ రిసీవ్ చేసుకోకండి. అలాంటి కాల్స్ వస్తే వెంటనే దానిని రిపోర్ట్ చేసి, బ్లాక్ చేయండి. వాట్సాప్ కూడా ఈ కాల్‌లను అరికట్టడానికి చర్యలు తీసుకుంటుంది. ఇలాంటి కాల్స్ మీకు వస్తే మాత్రం తప్పకుండా రిజెక్ట్ చేయండి.

రాండమ్ లింక్‌లపై క్లిక్ చేయొద్దు..

హ్యాకర్లు, సైబర్ నేరగాళ్లు పంపే గుర్తు తెలియని లింక్‌ను ఏమాత్రం క్లిక్ చేయొద్దు. వీటిపై క్లిక్ చేసిన తర్వాత.. అది ఫిషింగ్ వెబ్‌సైట్‌కి తీసుకెళుతుంది. లేదంటే నేరుగా వారు పంపిన మాల్‌వేర్, ఇతర హ్యాకింగ్ ఏజెంట్స్ మొబైల్‌, డివైజ్‌లోకి వచ్చేస్తాయి. అందుకు గుర్తు తెలియని నెంబర్, కంపెనీ నుంచి గానీ మెసేజ్ వస్తే ఏమాత్రం ఆలోచించకుండా డిలీట్ గానీ, బ్లాక్ గానీ చేసేయండి.

ఇలా సేఫ్‌గా ఉండండి..

వాట్సాప్ స్కామ్ బారిన పడకుండా ఉండేందుకు వాట్సాప్ కోసం టూ ఫ్యాక్టర్ అథెంటికేషన్ వంటి సెక్యూరిటీ ఫీచర్స్‌ని ఆన్ చేసుకోవాలి. తెలియని లింక్స్‌పై క్లిక్ చేయకుండా ఉండాలి. మీ వ్యక్తిగత వివరాలను ఎవరితోనూ షేర్ చేసుకోవద్దు.

Also Read:

సీఈసీ బృందంతో పొలిటికల్ లీడర్స్ భేటీ.. వారం పది రోజుల్లో తెలంగాణ ఎన్నికల నోటిఫికేషన్!

Vandhe Bharat: తెలుగు రాష్ట్రాలకు మరో వందే భారత్‌..ఎక్కడి నుంచి అంటే!

[vuukle]