Water scarcity: కార్లు కడిగితే రూ.2000 ఫైన్ .. సర్కార్ షాకింగ్ నిర్ణయం

Water scarcity In Delhi: దేశ రాజధాని ఢిల్లీలో నీటి కొరత నెలకొంది. దీంతో ప్రజలు తీవ్ర ఇబ్బందులు ఎదురుకుంటున్నారు. నీటి కొరతను అధిగమించేందుకు ఢిల్లీలో అధికారంలో కేజ్రీవాల్ సర్కార్ కీలక నిర్ణయం తీసుకుంది. కార్లు కడగడం, వాణిజ్య అవసరాల కోసం గృహ నీటిని ఉపయోగించడం, నీటి ట్యాంకులు పొంగిపొర్లడం లాంటివి జరిగితే రూ.2000 జరిమానా విధించనుంది. సరఫరా పోర్ట్‌ఫోలియోను నిర్వహిస్తున్న ఢిల్లీ మంత్రి అతిషి ఈ ప్రకటన చేశారు. దేశ రాజధానిలో నీటి సంక్షోభాన్ని పరిష్కరించడానికి ఆమ్ ఆద్మీ పార్టీ (AAP) ప్రభుత్వం తక్షణ చర్యలు తీసుకుంటుందని ఆమె అన్నారు.

సరఫరా పోర్ట్‌ఫోలియోను నిర్వహిస్తున్న ఢిల్లీ మంత్రి అతిషి, నీటి వృధా కేసులను పర్యవేక్షించడానికి మరియు తగ్గించడానికి 200 బృందాలను ఏర్పాటు చేయాలని ఢిల్లీ జల్ బోర్డ్ CEO ఎ అన్బరసుకు ఆదేశాలు జారీ చేశారు. ఈ బృందాలు నివాస ప్రాంతాలను సందర్శించి తాగునీరు వృథా అవుతున్నాయో లేదో తనిఖీ చేస్తారు. పైప్‌లోని నీటితో కార్లను కడగడం, నీటి ట్యాంకులు పొంగిపొర్లడం, గృహావసరాల నీటి సరఫరా వాణిజ్య అవసరాలకు ఉపయోగించడం, నిర్మాణ స్థలాల వద్ద తాగునీటిని ఉపయోగించడం వంటి కార్యకలాపాలు వృధాగా పరిగణించబడతాయి. అలాంటి కార్యకలాపాలకు రూ. 2,000 జరిమానా విధించబడుతుంది.