/rtv/media/agency_attachments/K5tL8SzMSJHtxzCWWrSl.png)
/rtv/media/post_attachments/wp-content/uploads/2024/08/boy-3.jpg)
Son Complained On His Father : చిన్నపిల్లలు ఏం చేసినా ముద్దుగానే ఉంటుంది. తల్లిదండ్రులు వారిని ఎంతో జాగ్రత్తగా చూసుకుంటూ పెంచుతారు. ఈ క్రమంలో పిల్లలను కొన్ని సార్లు అది చేయొద్దు, ఇది చేయొద్దంటూ గట్టిగా హెచ్చరిస్తూ ఉంటారు. అయితే, పిల్లలు మాత్రం తెలిసీ తెలియని వయసు కాబట్టి కొన్నిసార్లు తల్లిదండ్రులు చెప్పిన మాట వినకుండా మారం చేస్తూ ఉంటారు. వాళ్లకు నచ్చిందే చేయాలని కొందరు మొండిగా ఏడుస్తూ ఉంటారు. ఓ ఇదేళ్ల బుడ్డోడు ఏడవడం, మారం చేయడంతో ఆగకుండా ఏకంగా తన తండ్రిపైనే పోలీస్ స్టేషన్ కు వెళ్లి ఫిర్యాదు చేశాడు.
Also Read: టీ20 ప్రపంచకప్ వేదిక మార్పు.. బంగ్లాదేశ్‌ టూ యూఏఈ!
వివరాల్లోకి వెళ్తే.. మధ్యప్రదేశ్ (Madhya Pradesh) లోని ధార్‌కు చెందిన హుస్సేన్ అనే బాలుడు.. తన తండ్రిని జైలులో పెట్టాలని కానిస్టేబుల్ కు కంప్లైంట్ చేశాడు. ఎందుకని కానిస్టేబుల్ ప్రశ్నించగా.. 'మా నాన్న నన్ను ఆడుకోనివ్వట్లేదు, నదిలో స్నానం చేసేందుకు పంపట్లేదు, కొడుతున్నాడు' అంటూ వచ్చీరాని మాటలతో గుక్క పెట్టి ఏడుస్తూ తన బాధను చెప్పుకున్నాడు. తండ్రి ఇక్బాల్ ను వెంటనే జైలులో పెట్టాలని కానిస్టేబుల్ తో చెప్పాడు. అయితే, కంప్లైంట్ చేసేందుకు వెళ్లింది ఎవరితో తెలుసా.. వాళ్ల డాడీతోనే! ప్రస్తుతం ఈ వీడియో సోషల్ మీడియా (Social Media) లో వైరల్ అవుతోంది.