ఉదయం జరిగే పేపర్ -1 పరీక్షకు 8.30గంటల నుంచి 9.45 గంటల వరకు పేపర్ -2 మధ్యాహ్నం 1.00 నుంచి 2.15 గంటల వరకు మాత్రమే అనుమతిస్తారు. సమయం దాటినట్లయితే ఎట్టిపరిస్థితుల్లోనూ కేంద్రంలోని అనుమతింబోమని స్పష్టం చేశారు. పేపర్ 1 జనరల్ స్టడీస్ పరీక్ష ఉదయం 10 నుంచి మధ్యాహ్నం 12.30 గంటల వరకు పేపర్ 2 పరీక్ష మధ్యాహ్నం 2.30 నుంచి సాయంత్రం 5గంటల వరకు నిర్వహిస్తారు.

అటు పేపర్ లీకేజీ విషయంలో ఎలాంటి అవాంఛనీయ సంఘటనలు జరగకుండా కీలక చర్యలు చేపట్టింది టీఎస్పీఎస్సీ. పరీక్షకు హాజరయ్యే అభ్యర్థులను ఆరు రకాల పద్దుతల్లో తనిఖీ చేయాలని నిర్ణయించింది. బయోమెట్రిక్ విధానం ఉండగా…ఈ సారి థంబ్ విధానాన్ని కూడా కొత్తగా ప్రవేశపెట్టింది. ప్రతీ పరీక్షాకేంద్రంలో ఈ థంబ్ యాంత్రాలను ఏర్పాటు చేసి..వేలి ముద్రాలు తీసుకుంటారు. ఈ రూల్స్ అన్ని పాటించాలి కాబట్టి అభ్యర్థులు రెండుగంటల ముందే పరీక్ష కేంద్రానికి చేరుకోవాలని టీఎస్పీఎస్సీ సూచించింది.

కీలక సూచనలు చేసిన టీఎస్పీఎస్సీ:

– పరీక్ష ప్రారంభానికి 15 నిమిషాల ముందు గేట్లు మూస్తారు. నిర్ణిత సమయానికి అభ్యర్థులు పరీక్ష కేంద్రానికి చేరుకోవాలి.

-అభ్యర్థులు హాల్ టికెట్ తోపాటు గుర్తింపు కార్డు తప్పనిసరిగా చూపించాలి.

-ఎలక్ట్రానిక్ గాడ్జెట్లు, రిమోట్ కలిగిన కారు తాళాలు, నిషేధిత వస్తువులను అనుమతించరు.

-అభ్యర్థి కాకుండా వేరే అభ్యర్థి హాజరైనట్లు గుర్తిస్తే…వారిపై పోలీసు కేసు నమోదు చేస్తారు. ఆ పరీక్షలకు అనర్హుడిగా ప్రకటిస్తారు.

-థంబ్ తప్పనిసరి. ప్రతిసెషన్ పరీక్ష ముగిసిన తర్వాత ఓఎంఆర్ షీట్ ను ఇన్విజిలెటర్ కు అందజేయాలి.

-బ్లూ, బ్లాక్ బాల్ పాయింట్ పెన్ కాకుండా ఇంక్ పెన్ , జెల్ పెన్ , పెన్సిల్ ఉపయోగించినట్లయితే ఓఎంఆర్ షిట్స్ ను చెల్లుబాటు కానివిగా ప్రకటిస్తారు.