/rtv/media/agency_attachments/K5tL8SzMSJHtxzCWWrSl.png)
/rtv/media/post_attachments/wp-content/uploads/2023/07/Untitled-design.png)
హర్రర్ మూవీ చంద్రముఖి సినిమా రెండు తెలుగు రాష్ట్రాల్లో సృష్టించిన రికార్డులు బ్రేక్ చేశాయి. వాస్‌ మేకింగ్‌, విజన్‌తో హర్రర్ సినిమాలకు ఓ బెంచ్‌ మార్క్‌ను క్రియేట్ చేశాడు. కాగా మళ్లీ ఇన్నాళ్లకు ఈ సినిమాకు సీక్వెల్ తెరకెక్కుతుంది. రాఘవ లారెన్స్‌ను హీరోగా పెట్టి పి.వాసు ఈ సినిమా సీక్వెల్‌ను రూపొందించాడు. ఇప్పటికే షూటింగ్‌ కంప్లీట్‌ చేసుకున్న ఈ మూవీ ప్రస్తుతం ప్యాచ్‌ వర్క్‌ కంప్లీట్‌ చేసుకుంటుంది.అయితే ఇదిలా ఉంటే మన దర్శక నిర్మాతలు తెలిసి చేస్తున్నారో తెలియక చేస్తున్నారో అస్సలు అర్ధం కావడం లేదు. ఎందుకంటే టాలీవుడ్, బాలీవుడ్ దర్శకనిర్మాతల మీద ఫ్యాన్స్ ఘరం అవుతూ తిట్లపురాణం షురూ చేశారు. మొన్న డార్లింగ్‌ ప్రభాస్ 'కల్కి 2898 AD'సినిమా విషయంలోనూ,తాజాగా హీరో లారెన్స్ 'చంద్రముఖి-2' మూవీపైనా అలాంటి విమర్శలే వెల్లువెత్తాయి. ప్రస్తుతం దీనికి సంబంధించిన మ్యాటర్ సోషల్ మీడియాలో హాట్ టాపిక్‌గా మారింది.
ఫ్యాన్స్‌కి బాగా కనెక్ట్ అయిన మూవీ ఇదే
సూపర్స్టార్ రజినీకాంత్ 'చంద్రముఖి' గురించి టాలీవుడ్ ఆడియెన్స్‌కి ప్రత్యేకంగా చెప్పాల్సిన పనిలేదు. 90's జనరేషన్ కి ఈ సినిమా బాగా కనెక్ట్ అయ్యిందనే చెప్పాలి. ఈ మూవీకి దాదాపు 18 ఏళ్ల తర్వాత సీక్వెల్ తీస్తున్నారు. ఇందులో రాఘవ లారెన్స్ హీరోగా నటిస్తున్నాడు. చంద్రముఖిగా కంగనా రనౌత్ భయపెట్టనుంది. ఈ క్రమంలోనే సోమవారం ఫస్ట్ లుక్ రిలీజ్‌ని మూవీ యూనిట్ రిలీజ్ చేశారు. అయితే ప్రశంసలకు బదులుగా ట్రోల్స్ వచ్చి పడుతున్నాయి.
ఫ్యాన్స్‌ని నిరుత్సాహపరిచిన పోస్టర్
ఈ ఫస్ట్ లుక్‌లో లారెన్స్ వెంకటపతి రాజు గెటప్‌లో కనిపించాడు. కాకపోతే తల పెద్దగా, శరీరం చిన్నగా, చేయి సన్నగా ఉండటం వింతగా అనిపించింది.దీన్ని చూసిన నెటిజన్స్.. తెలిసే ఈ తప్పు జరిగిందా? లేదంటే కావాలనే ఇలా చేస్తున్నారా? అంటూ మండిపడుతున్నారు. మొన్నీ మధ్య ప్రభాస్ 'కల్కి' ఫస్ట్ లుక్ విషయంలో ఇలానే జరగ్గా, వెంటనే దాన్ని మార్చి మరో లుక్‌ని రిలీజ్ చేశారు.'చంద్రముఖి 2' లుక్ ఏమైనా మార్చి రిలీజ్ చేస్తారా? అలానే వదిలేస్తారా అనేది వేచి చూడాలి. వినాయక చవితికి ఈ మూవీని థియేటర్లలో పాన్ ఇండియా లెవల్లో రిలీజ్ చేసేందుకు సన్నద్ధం అయ్యారు చిత్రం యూనిట్.పోస్టర్ విషయంలోనే ఫ్యాన్స్‌ని నిరాశపరిచింది. మరి మూవీ విషయంలో ఫ్యాన్స్‌ని అలరిస్తుందో లేదో చూడాలి.