Allu Arjun: జనసేనాని పవన్‌కు మద్దతుగా రంగంలోకి దిగిన అల్లు అర్జున్

Allu Arjun: ఆంద్రప్రదేశ్ లో ఎన్నికల ప్రచారం జోరుగా సాగుతోంది. మరో నాలుగు రోజులు మాత్రమే సమయం ఉంది. దీంతో రాష్ట్రంలోని అన్ని పార్టీలో గెలుపు దిశగా ప్రచారం చేస్తూ ప్రజలను ఆకర్షించే ప్రయత్నంలో ఉన్నాయి. ఈ సారి ఏపీలో టీడీపీ(TDP), జనసేన(Janasena), బీజేపీ(BJP) లు కూటమిగా పోటీ చేయడం ఏపీ ఎన్నికల పై మరింత ఆసక్తిని రేకెత్తిస్తోంది.

అయితే ఈ ఎన్నికల్లో జనసేన అధినేత పవన్ కళ్యాణ్ పోటీ చేస్తున్న పిఠాపురం నియోజకవర్గం అందరీ దృష్టినీ ఆకర్షిస్తోంది. రోజు రోజుకు పవన్ కు మద్దతు పెరగడం కనిపిస్తోంది. సినీ ఇండస్ట్రీ నుంచి ఒక్కొక్కరుగా పవన్ గెలుపు కోసం తమ మద్దతును అందిస్తున్నారు. మెగా హీరోలు రాంచరణ్‌, వరుణ్‌తేజ్‌, సాయిధరమ్‌ తేజ్‌, వైష్ణవ్‌ తేజ్‌ తో పాటు పలువురు సెలెబ్రెటీలు, నిర్మాతలు, ఆర్టిస్టులు పవన్ గెలుపు కోసం జనసేన తరుపున ప్రచారం చేస్తున్నారు.

తాజాగా ఐకాన్ స్టార్ అల్లు అర్జున్ కూడా పవన్‌కు మద్దతు రంగంలోకి దిగారు. పవన్ కళ్యాణ్ కు సపోర్ట్ చేస్తూ ట్విట్టర్ వేదికగా పోస్ట్ చేశారు. "పవన్ కళ్యాణ్ గారి ఎన్నికల ప్రయాణానికి నా హృదయపూర్వక శుభాకాంక్షలు. మీ జీవితాన్ని సేవకే అంకితం చేస్తూ.. మీరు ఎంచుకున్న మార్గం పట్ల గర్వంగా ఉంది. కుటుంబ సభ్యుడిగా నా ప్రేమా, మద్దతు మీకు ఎప్పుడూ ఉంటుంది. మీరు గెలుపొందాలని, మీ ఆకాంక్షలు, లక్ష్యాలు నెరవేరాలని కోరుకుంటున్నాను అని ట్వీట్ చేస్తూ తన బెస్ట్ విషెస్ తెలియజేశారు అల్లు అర్జున్.

My heartfelt wishes to @PawanKalyan garu on your election journey. I have always been immensely proud of the path you've chosen, dedicating your life to service. As a family member, my love and support will always be with you. My best wishes for achieving all that you aspire for.

— Allu Arjun (@alluarjun) May 9, 2024

Also Read: Akshay Tritiya : అక్షయ తృతీయ రోజు ఈ మొక్కలను ఇంటికి తెచ్చుకోండి.. శుభప్రదం..!