రాజస్థాన్ లో మరోసారి బీజేపీ ప్రభుత్వం ఏర్పాటు చేయడం ఖాయమన్నారు. దీంతోపాటు మోడీ మరోసారి దేశానికి ప్రధాని అవుతారంటూ ధీమా వ్యక్తం చేశారు. లోకసభ ఎన్నికల్లో తాము 300ల సీట్లు  గెలుస్తామన్నారు. రాజస్థాన్ లోని ఉదయ్ పూర్ లో కేంద్రం సాధించిన విజయాలను వివరిస్తూ…9ఏళ్ల కాలంలో భారతదేశంలో ఎన్నో విధివిధానాలను మార్చామని..పలు రంగం కూడా ప్రగతి పథంలో దూసుకుపోతుందని తెలిపారు.

అటు సోనియా, లాలూ ప్రసాద్ యాదవ్ లను లక్ష్యంగా చేసుకుని విమర్శలు గుప్పించారు అమిత్ షా. రాహుల్ గాంధీని ప్రధాని చేయడమే సోనియాగాంధీ ముందున్న ప్రధాన లక్ష్యమని..తేజస్వీ యాదవ్ ను సీఎం చేయడమే లాలాూ లక్ష్యమన్నారు. మమతా బెనర్జీ తన మేనల్లుడు అభిషేక్ ను సీఎం చేయాలని, అశోక్ గెహ్లాట్ తన కుమారుడు వైభవ్ ను సీఎం చేయాలని అనుకుంటున్నారంటూ విమర్శించారు.

ఇక గెహ్లాట్ ప్రభుత్వాన్ని లక్ష్యంగా చేసుకుని పలు విమర్శలు చేశారు అమిత్ షా. ఓటు బ్యాంకు రాజకీయాలకు పాల్పడుతుందని..కన్హయ్యలాల్ హత్య కేసులో దోషులకు శిక్ష ఆలస్యం కావడానికి కాంగ్రెస్ కారణమంటూ ఆరోపణలు చేశారు. గతేడాది జూన్ 28న కన్హయ్య లాల్ హత్యకు గురైన సంగతి తెలిసిందే. నూపురు శర్మకు మద్దతుగా ఆయన చేసిన పోస్టుతో మతోన్మాది అతన్ని దారుణంగా హత్య చేశారు.

అటు గెహ్లాట్ సర్కార్ అవినీతికి పాల్పడిందంటూ…రాజస్తాన్ లో కాంగ్రెస్ అవినీతి రికార్డులన్నింటిని బద్దలు కొట్టిందని ఆరోపించారు. గెహ్లాట్ సర్కార్ ఓటు బ్యాంకు రాజకీయాలు చేస్తుందంటూ అమిత్ షా ఎదురుదాడికి దిగారు. 19కి పైగా రిక్రూట్ మెంట్ పరీక్షల పేపర్లు లీక్ అయ్యాయని..రాష్ట్ర కాంగ్రెస్ అధ్యక్షుడి కుమారుడు పరీక్షల్లో టాపర్ గా నిలవడానికి అదే కారణమని విమర్శలు చేశారు.