Kartika Purnima 2023 : కార్తీక పూర్ణిమ రోజు మీరు తప్పక చేయాల్సినవి ఇవే..!!

హిందూమతంలో కార్తీక పూర్ణిమకు ప్రత్యేక ప్రాధాన్యత ఉంది. ఈ సంవత్సరం కార్తీక పూర్ణిమను నవంబర్ 27వ తేదీ సోమవారం అంటే నేడు జరుపుకుంటున్నారు. కార్తీక మాసం పౌర్ణమి నాడు శ్రీమహావిష్ణువు మత్స్యావతారం ఎత్తాడని పురాణాలు చెబుతున్నాయి. పవిత్రమైన కార్తీక పూర్ణిమ నాడు, పవిత్ర నదిలో స్నానమాచరిస్తారు. ఈ రోజున, స్నానం, దాన ధర్మాలు చాలా పవిత్రమైనవిగా భావిస్తారు. పురాణాల ప్రకారం, కార్తీక పూర్ణిమ రోజున త్రిపురాసురుడు అనే రాక్షసుడిని విష్ణువు సంహరించినట్లు శాస్త్రాలు చెబుతున్నాయి. . అందుకే ఈ రోజును త్రిపురారి పూర్ణిమ అని కూడా అంటారు. కార్తీక పూర్ణిమ నాడు శ్రీమహావిష్ణువు అనుగ్రహం పొందాలంటే కొన్ని విషయాల్లో ప్రత్యేక శ్రద్ధ తీసుకోవాలని చెబుతారు. కార్తీక పూర్ణిమ రోజున ఏం చేయాలో, ఏం చేయకూడదో ఇప్పుడు తెలుసుకుందాం.

కార్తీక పూర్ణిమ రోజు ఏం చేయాలి.?
- కార్తీక పూర్ణిమ రోజున సూర్యోదయానికి ముందే లేచి పవిత్ర నదీస్నానం చేయాలి. ఈ రోజు పవిత్ర నదిలో స్నానం చేయలేని పక్షంలో ఇంట్లో స్నానం చేసే నీటిలో గంగాజలం కలుపుకుని స్నానం చేయవచ్చు.
- దీని తరువాత, మీరు మీ పూజాగదిలో దీపాన్ని వెలిగించండి. అనంతరం ఆలయానికి వెళ్లి దీపదానం చేయండి.
- కార్తీక పూర్ణిమ రోజున ఆహార ధాన్యాలు, పాలు, బియ్యం, జామకాయలు దానం చేయడం శ్రేయస్కరం.
- ఈ రోజు సాయంత్రం చంద్రదేవునికి పచ్చి పాలను నీటిలో కలిపి అర్ఘ్యం సమర్పించాలి.
- ఈ శుభ సందర్భంలో, మీరు లక్ష్మీ దేవి ఆశీర్వాదం కోసం మహాలక్ష్మీ స్తుతిని పఠించవచ్చు.
- సాయంత్రం పూట తులసి మొక్క దగ్గర దీపం వెలిగించాలి. ఇది మీ ఇంట్లో ఆనందం, శ్రేయస్సును తెస్తుందని నమ్ముతారు.

ఏం చేయకూడదు.?
- కార్తీక పూర్ణిమ రోజున తామసిక ఆహారం తీసుకోకూడదు. ఈ రోజున వీలైనంత వరకు సాత్విక ఆహారాన్ని తీసుకోవాలి.
- ఈ రోజున, పేదలకు సహాయం చేయడం తప్పనిసరి. అయితే పొరపాటున కూడా వారిని అవమానించకండి.
- చంద్రదేవుడిని ప్రసన్నం చేసుకోవడానికి కార్తీక పూర్ణిమ నాడు తప్పనిసరిగా బ్రహ్మచర్యం పాటించాలి.

ఇది కూడా చదవండి: నేడే కార్తీక పూర్ణిమ పూజా విధానం, ప్రాముఖ్యత గురించి తెలుసుకుందాం…!!