Hyderabad Accident:హైదరాబాద్ లో ఓ లారీ బీభత్సం సృష్టించింది. ఒవైసీ హాస్పిటల్ నుంచి ఎల్బీ నగర్ మార్గంలో వెళ్తున్న లారీ ఐఎస్ సదన్ పరిధిలో రాత్రి బైక్ ను వేగంగా వచ్చి ఢీ కొట్టింది. అయితే, లారీ డ్రైవర్ ఏ మాత్రం ఆపకుండా లారీని పోనివ్వడంతో.. బైక్ ను సైతం కొద్ది దూరం ఈడ్చుకెళ్లింది. వెంటనే అలర్ట్ అయిన బైక్ డ్రైవర్ లారీ డోర్ పట్టుకొని ప్రాణాలు దక్కించుకున్నాడు. అయితే, ఈ సంఘటనను లారీ వెనకున్న వ్యక్తులు వీడియోను తీసి సోషల్ మీడియాలో షేర్ చేశారు. ఆలస్యంగా వెలుగులోకి వచ్చిన ఈ ఘటన ప్రస్తుతం సోషల్ మీడియాలో వైరల్ గా మారింది.
రవికుమార్ అనే వ్యక్తి ట్విటర్ ఖాతాలో షేర్ చేస్తూ ఈ విధంగా స్పందించాడు. డియర్ సర్.. ఈ ఆక్సిడెంట్ సంఘటన చూడండి.. ఇది ఒవైసీ హాస్పిటల్ నుంచి LB నగర్ నుంచి హయత్ నగర్ రూట్ వరకు జరిగింది. దయచేసి ఈ మార్గంలో ఉన్న అన్ని పోలీస్ స్టేషన్లను అప్రమత్తం చేయండి అంటూ కామెంట్ చేశాడు. ఈ ట్వీట్ కు హైదరాబాద్ సిటీ పోలీస్ వెంటనే స్పందించారు. మేము పరిశీలిస్తామని పేర్కొంది.
Also Read: 30 ఏళ్లు దాటాక డేటింగ్లో ఈ తప్పులు అస్సలు చేయకండి