కామాంధులు ముక్కుపచ్చలారని బాలికను చిదిమేశారు..గుండె పగిలిన తండ్రి చిన్నారి చితిలోకి దూకాడు..ఇంతలో!!

కాంక్రీట్ జంగిల్ లో కామాంధులు మానవ మృగాల్లా సంచరిస్తున్నారు. అకాశం దొరికితే చాలు తమలోని పైశాచికత్వానికి అభం శుభం తెలియని చిన్నారులను సైతం బలి తీసుకుంటారు. ఈ సంఘటనలు చోటుచేసుకున్నప్పుడల్లా సభ్యసమాజంలోనే మనం బతుకుతున్నామా..ఇలాంటి విషయాల్లో మన కన్నా.. మృగాలే మిన్నా.. అన్న భావన కల్గకుండా ఉండదు. ఆడపిల్లను కని, పెంచడమే పెద్ద బరువుగా భావిస్తున్న ఈ రోజుల్లో.. ఆ ఆడపిల్లను కంటికి రెప్పలా కాపాడుకుంటున్నా.. కామాంధులు మాత్రం కాటేస్తుంటే.. చివరికి కన్నవారికి కడుపుకోతే.. మిగులుతోంది.

ఇలాంటి కడుపుకోతనే భరించలేని ఓ తండ్రి గుండెలు పగిలేలా ఏడ్చాడు. కంటి ముందు కన్నపేగు కాలి బూడైతుంటే.. భరించలేకపోయాడు. తన కళ్లముందే కంటి వెలుగు, చిన్నారి చితి అవుతుంటే.. తాను బతకడమే దండగా అనుకున్నాడు. అంతే.. అందరూ చూస్తుండగా.. చితిలోకి ఆహుతి అవ్వడానికి దూకేశాడు.

ఈ హృదయవిదారమైన ఘటన రాజస్థాన్ లో చోటుచేసుకుంది. పూర్తి వివరాల్లోకి వెళితే.. భిల్వారా జిల్లాలో కోట్ర గ్రామంలో పద్నాగేళ్ల చిన్నారి సామూహిక అత్యాచారానికి బలైంది. ఆ బాలిక పశువులను కాచేది. ఆమెను అదే గ్రామానికి చెందిన పది మంది దుర్మార్గులు అపహరించి లైంగిక దాడికి పాల్పడి దారుణంగా హతమార్చారు. అయితే ఆ బాలిక కొన్ని రోజుల నుంచి కనిపించకుండా పోయింది.

వెతుకున్న తండ్రికి.. చివరికి చితిపై కనిపించింది. దీంతో ఒక్కసారిగా షాక్ కు గురైన ఆ తండ్రి గుండెలవిసేలా ఏడ్చాడు. ఆత్మహుతి చేసుకునేందుకు ఆ చితిపైకే ఉరికాడు. దీంతో పక్కనున్న వారు అతడిని రక్షించి ఆసుపత్రికి తరలించారు. కాగా, అతడికి ప్రాణాపాయం తప్పిందని వైద్యులు చెప్పడంతో గ్రామస్తులు ఊపిరిపీల్చుకున్నారు. ఇక పోలీసులు కేసు నమోదు చేసి దర్యాప్తు చేస్తున్నారు.

అయితే ఈ కేసులో అదే గ్రామానికి చెందిన ఆరుగురు పురుషులు, నలుగురు ఆడవాళ్లు నిందితులుగా ఉన్నారు. ఆ ఆడవాళ్ళే బాలికను పట్టుకొని మగవారికి అప్పగించినట్టు పోలీసులు తెలిపారు. మరి నిందితులకు ఎలాంటి శిక్ష పడుతుంది.. ఆ తండ్రికి న్యాయం ఎలా దక్కుతుందన్నది వేచి చూడాలి.