అయితే కొంతకాలంగా సల్మాన్ ఖాన్ చంపుతామంటూ బెదిరింపులు మెసేజ్ లు వచ్చాయి. చాలా కాలంగా తమ శ్రతువుగా ఉన్న సల్మాన్ ఖాన్ ను చంపేస్తామంటూ గ్రోలిబ్రార్ అనుచరులు పలుమార్లు ఈమెయిళ్ల ద్వారా వార్నింగ్ ఇచ్చారు. గతేడాది మేలో జరిగిన పంజాబీ సింగర్ సిద్దూ మూసేవాలా హత్యకేసు ప్రధాన సూత్రధారి గ్రోల్డీబ్రారేనని పోలీసులు చెబుతున్నారు.

గోల్డీ బ్రార్‌ను కాలిఫోర్నియా పోలీసులు అరెస్టు చేశారు. మీడియా నివేదికల ప్రకారం, గ్యాంగ్‌స్టర్ గోల్డీ బ్రార్‌ను నవంబర్ 20న అదుపులోకి తీసుకున్నట్లు వార్తలు వచ్చాయి. అయితే అరెస్ట్‌కు సంబంధించి అధికారికంగా ఎలాంటి సమాచారం వెలువడలేదు. సిద్దూ ముసేవాలా హత్య తర్వాత సల్మాన్ ఖాన్‌ను హత్య చేస్తానంటూ హెచ్చరించాడు. గత కొన్ని నెలల క్రితం, సల్మాన్ ఖాన్ తండ్రి సలీం ఖాన్‌కు సల్మాన్ ఖాన్‌ను సిద్ధూ మూసేవాలా ఎలా చంపామో ఆవిధంగానే సల్మాన్ ఖాన్ కూడా చంపుతామంటూ లేఖ రావడంతో కలకలం రేగింది.

గోల్డీబ్రార్ ఇండియా టుడెకు ఇచ్చిన ప్రత్యేక ఇంటర్వ్యూలో ఏమన్నారంటే…మేం సల్మాన్ ఖాన్ ను చంపేస్తాం. చంపడం ఖాయం. తాను క్షమించబోనని లారెన్స్ బిష్ణోయ్ ఇప్పటికే తేల్చిచెప్పాడు. మీకు క్లారిటీ ఇచ్చారు. బాబా కరుణిస్తే..ఆయన దయ ఉంటుందంటూ బ్రార్ చెప్పాడు. సల్మాన్ ఖాన్ చంపడమే తన జీవిత లక్ష్యమని జైలులో ఉన్న లారెన్్స బిష్ణోయ్ ఓ ఇంటర్వ్యూలో చెప్పిన మాటలను గుర్తు చేస్తూ ఈ వ్యాఖ్యలు చేశారు.

కేవలం సల్మాన్ ఖాన్ పై మాత్రమే కాదు..మేము బతికిఉన్నంతకాలం మా శత్రువుల అందరిపైనా దాడులు చేస్తూనే ఉంటాం. ఇప్పుడు సల్మాన్ ఖాన్ మా టార్గెట్. ఈ విషయంలో ఎలాంటి డౌట్ లేదు. చంపేందుకు చాలా ప్రయత్నాలు చేస్తున్నాం. మేము విజయం సాధించినప్పుడు మీకు తెలుస్తుందని చెప్పాడు.