BIG BREAKING: బీర్ల ఐలయ్యపై సామేలు సంచలన వ్యాఖ్యలు.. నల్గొండ కాంగ్రెస్ లో విభేదాలు!-VIDEO

మదర్ డెయిరీ ఎన్నికల్లో జిల్లాకు చెందిన కొందరు కాంగ్రెస్ నేతలు బీఆర్ఎస్ తో పొత్తుపెట్టుకున్నారని తుంగతుర్తి ఎమ్మెల్యే మందుల సామేలు సంచలన ఆరోపణలు చేశారు. మదర్ డెయిరీ ఎన్నికల్లో బీఆర్ఎస్ గెలిస్తే బీర్ల ఐలయ్య నైతిక బాధ్యత వహించి రాజీనామా చేయాలన్నారు.

author-image
By Nikhil in నల్గొండ రాజకీయాలు
New Update
Beerla Ilaiah Vs Mandula Samel

ఉమ్మడి నల్గొండ కాంగ్రెస్ లో మరోసారి వర్గ విభేదాలు భగ్గుమన్నాయి. ఆలేరు ఎమ్మెల్యే బీర్ల ఐలయ్యపై తుంగతుర్తి ఎమ్మెల్యే మందుల సామేలు సంచలన వ్యాఖ్యలు చేశారు. ఈ రోజు భువనగిరి సమీపంలోని వివేరా హోటల్ లో ఆయన మీడియాతో మాట్లాడారు. మదర్ డెయిరీ ఎన్నికల్లో జిల్లాకు చెందిన కొందరు కాంగ్రెస్ నేతలు బీఆర్ఎస్ తో పొత్తుపెట్టుకున్నారని ఆరోపించారు. మీ బంధుత్వాల కోసం కాంగ్రెస్ ను బలిచేయొద్దన్నారు. మదర్ డెయిరీ ఎన్నికల్లో బీఆర్ఎస్ గెలిస్తే బీర్ల ఐలయ్య నైతిక బాధ్యత వహించి రాజీనామా చేయాలని డిమాండ్ చేశారు. 

మదర్ డెయిరీ ఎన్నికల్లో తన నియోజకవర్గంలో బీఆర్ఎస్ పార్టీతో పొత్తుపెట్టుకునే హక్కు ఐలయ్యకు ఎవరు ఇచ్చారని సామేలు ప్రశ్నించారు. కాంగ్రెస్ పార్టీని బొందపెట్టే కుట్ర జరుగుతోందని ధ్వజమెత్తారు. ఈ పరిణామాలను కాంగ్రెస్ కార్యకర్తలు ఎట్టి పరిస్థితుల్లోనూ క్షమించరన్నారు. కాంగ్రెస్ ఓడితే కార్యకర్తలు బుద్ధి చెబుతారని హెచ్చరించారు. ఈ విషయమై సీఎం రేవంత్ రెడ్డి, పీసీసీ చీఫ్ మహేష్ కుమార్ గౌడ్, ఏఐసీసీ ఇన్ఛార్జి మీనాక్షి నటరాజన్ కు ఫిర్యాదు చేయనున్నట్లు చెప్పారు సామేలు. 

సామేలు వ్యాఖ్యలు ఇప్పుడు ఉమ్మడి నల్గొండ జిల్లాతో పాటు రాష్ట్ర వ్యాప్తంగా సంచలనంగా మారాయి. ఒకే జిల్లాకు చెందిన అధికార కాంగ్రెస్ పార్టీ ఎమ్మెల్యే మరో ఎమ్మెల్యేపై తీవ్ర ఆరోపణలు చేయడం హాట్ టాపిక్ గా మారింది. దీనిపై ఇప్పుడు కాంగ్రెస్ పార్టీ ఎలాంటి నిర్ణయం తీసుకుంటుందనే అంశంపై ఉత్కంఠ నెలకొంది. ఉమ్మడి నల్గొండ జిల్లా నుంచి కాంగ్రెస్ పార్టీలో కోమటిరెడ్డి వెంకట్ రెడ్డి, ఉత్తమ్ కుమార్ రెడ్డి, జానారెడ్డి తదితర అగ్ర నేతలు ఉన్నారు. వీరు ఇప్పుడు ఈ ఎమ్మెల్యేల పంచాయితీని ఎలా పరిష్కరిస్తారన్న అంశం కూడా హాట్ టాపిక్ గా మారింది.  

సంబంధిత కథనాలు
Advertisment
తాజా కథనాలు