డ్రగ్స్‌పై కేటీఆర్‌ ఇప్పుడేమంటారో: బండి సంజయ్

Bandi Sanjay: బీఆర్ఎస్ మాజీ మంత్రి కేటీఆర్ బావమరిది డ్రగ్స్ పార్టీలో పట్టుబడంపై కేంద్ర మంత్రి బండి సంజయ్ స్పందించారు. కేటీఆర్‌ బావమరిది ఫామ్‌హౌస్‌లోనే రేవ్‌ పార్టీలా అని ప్రశ్నించారు.  తన బావమరిది రాజ్‌ పాకాల ఫామ్‌హౌస్‌లో డ్రగ్స్‌పై కేటీఆర్‌ ఏం సమాధానం చెబుతారో చెప్పాలని డిమాండ్ చేశారు. డ్రగ్స్‌ తీసుకుంటూ అడ్డంగా దొరికినా బుకాయిస్తాడేమో? అని చురకలు అంటించారు. అధికారంలో ఉన్న కాంగ్రెస్‌ పార్టీకి చిత్తశుద్ధి ఉంటే సమగ్ర విచారణ జరపాలని అన్నారు.  పార్టీ జరిగే సమయంలో రికార్డ్ అయిన సీసీ ఫుటేజ్‌ సహా ఆధారాలు ధ్వంసం కాకుండా చూడాలని పోలీసులను కోరారు. బడా నేతలతో సహా రేవ్‌పార్టీలో ఉన్న వాళ్లందరినీ అరెస్టు చేయాలని డిమాండ్ చేశారు.

నిన్న రాత్రి పోలీస్ రైడ్స్...

జన్వాడలోని ఓ ఫాం హౌస్‌లో రేవ్‌ పార్టీ కలకలం రేపింది. నిన్న సమాచారం అందుకున్న పోలీసులు..  ఫాం హౌస్‌ ల , ఓ తనిఖీలు చేపట్టారు. మొత్తం ఈ పార్టీలో  21 మంది మహిళలు, 14 మంది పురుషులు ఉన్నట్లు పోలీసులు గుర్తించినట్లు సమాచారం. పక్కా సమాచారంతో పోలీసుల దాడులు చేసి డ్రగ్స్ పార్టీలో పాల్గొన్న వారందరికీ టెస్టులు జరిపారన్న వార్తలు వినిపిస్తున్నాయి.