కేటీఆర్‌కి బర్త్‌ డే గిఫ్ట్.. తనయుడి హిమాన్షు న్యూ సాంగ్‌ రిలీజ్‌..!

స్పాటిఫైలో హిమాన్షు సాంగ్ రిలీజ్

కేటీఆర్‌(ktr) తనయుడు హిమాన్షు (Himanshu) ఈ మధ్యకాలంలో ఫుల్‌గా పాపులర్ అవుతున్నాడు. ఇటివలే ఓ ప్రభుత్వ స్కూల్ రూపు రేఖలు మార్చేసిన కేసీఆర్(KCR) మనువడు.. తన సింగింగ్‌(singing) టాలెంట్‌ని మరోసారి చూపించేందుకు రెడీ అయ్యాడు. ఇవాళ(జులై 24) స్పాటిఫై(spotify) వేదికగా హిమాన్షు పాట విడుదల కానుంది. ఈ విషయాన్ని హిమాన్షు తన ట్విట్టర్‌ హ్యాండిల్‌లో పోస్ట్ చేయగా..అది కాస్త వైరల్‌గా మారింది.

వాటే టాలెంట్‌:
తాత సీఎం, తండ్రి మంత్రి..నిజానికి బయట చెప్పుకుని తిరగడానికి ఈ రెండు ఐడెంటీలు చాలనుకునే వాళ్లుంటారు. కానీ హిమాన్షు అలా కాదు..తనకంటూ ఓ ప్రత్యేక గుర్తింపును తెచ్చుకునేందుకు నిత్యం ప్రయత్నిస్తూనే ఉంటాడు. ఇప్పటికే తనకంటూ ఓ ఇమేజ్‌ని కూడా సెట్‌ చేసుకున్నాడు. గతంలో హిమాన్షు పాడిన పాట అతనికి చాలా మంచి పేరు తీసుకొచ్చింది. అమెరికా గాయకుడు, గేయ రచయిత జాకబ్ లాసన్ పాడిన ‘గోల్డెన్ అవర్’(golden hour) సాంగ్‌ను హిమాన్షు గతంలో ఆలపించాడు. ఇంగ్లీష్‌ యాసలో హిమాన్షు పాడడం..అది కూడా అద్భుతంగా ఉండడంతో అతని టాలెంట్ ఏంటో అందరికి అర్థమైంది.

వెయిట్ చేస్తున్నా: కేటీఆర్
హిమాన్షు ట్వీట్‌ని రీట్వీట్ చేశారు కేటీఆర్‌. హిమాన్షు సాంగ్ కోసం ఈగర్‌గా వెయిట్ చేస్తున్నానంటూ క్యాప్షన్ జోడించారు. నిజానికి గతంలో హిమాన్షు పాడిన సాంగ్‌ అతని య్యూట్యూబ్‌ ఛానెల్‌లో రిలీజ్ చేయగా.. ఈసారి మాత్రం స్పాటిఫైలో అలరించనుంది. హిమాన్షు ఫస్ట్ సాంగ్‌కి య్యూట్యూబ్‌లో 2 లక్షల కంటే ఎక్కువే వ్యూస్‌ వచ్చాయంటే అతని టాలెంట్‌ ఏంటో అర్థం చేసుకోవచ్చు. అసలు ఒరిజినల్ సాంగ్‌ని హిమాన్షు పాటని కంపేర్ చేస్తూ సోషల్‌మీడియాలో యూజర్లు పెట్టిన పోస్టులు అప్పట్లో తెగ వైరల్ అయ్యాయి.

వీడియో అదిరింది:
అటు సోషల్‌మీడియాలోనూ హిమాన్షు దూసుకుపోతున్నాడు. ప్రస్తుతం అతనికి 37వేల మంది ఫాలోవర్లు ఉండగా.. తాజాగా తన నెక్ట్స్ సాంగ్ రిలీజ్ గురించి హిమాన్షు చేసిన పోస్ట్ వైరల్‌గా మారింది. ట్వీట్‌లో ఓ వీడియోను పోస్ట్ చేసిన హిమాన్షు అందులో సాంగ్‌ పాడుతూ కనిపించాడు. సాంగ్‌కి సంబంధించి హోం వర్క్ చేసుకుంటున్నట్టు వీడియోలో కనిపిస్తోంది. ఈ వీడియో చూసిన కేటీఆర్‌ అభిమానులు, బీఆర్‌ఎస్‌ కార్యకర్తలు తెగ మురిసిపోతున్నారు. ఈసారి కూడా సాంగ్‌ దుమ్మురేపడం ఖాయమంటున్నారు. అందులోనూ ఇవాళ(జులై 24) కేటీఆర్‌ బర్త్ డే కావడంతో బీఆర్‌ఎస్‌ శ్రేణులకి డబుల్ ట్రీట్ లభించడం ఫిక్స్‌. ఓవైపు తమ అభిమాన పొలిటిషియన్‌ బర్త్‌డేతో పాటు ఆయన తనయుడి సాంగ్‌ స్పాటిఫైలో రిలీజ్ అవుతుండడం నిజంగా డబుల్ ఫీస్ట్.