ISROకు రేపు కీలకం.. 2026లో తొలి ప్రయోగం PSLV-C62

భారత అంతరిక్ష పరిశోధనా సంస్థ (ISRO) విజయాల్లో 'పోలార్ శాటిలైట్ లాంచ్ వెహికల్' పాత్ర ఎంతో కీలకం. 1990లలో ప్రారంభమైన ఈ రాకెట్ ప్రస్థానం, రేపు (జనవరి 12) ప్రయోగించబోయే PSLV-C62 వరకు ఎన్నో మైలురాళ్లను అధిగమించింది. విదేశీ ఉపగ్రహాలను కక్ష్యలో చేర్చడంలో ప్రపంచ స్థాయి గుర్తింపు పొందిన ఈ రాకెట్, ఇస్రోకు నిజమైన 'నమ్మిన బంటు'గా నిలిచింది.

PSLV-C62 will carry EOS-N1 and 15 co-passenger satellites.

EOS-N1 and 14 co-passengers are planned for injection into Sun Synchronous Orbit; the KID capsule is planned for a re-entry trajectory.

🗓️ 12 Jan 2026 | 🕘 09:45 IST onwards
🚀 Liftoff at 10:18:30 IST

Livestream link:… pic.twitter.com/PZrd1CpgR8

— ISRO (@isro) January 11, 2026

చంద్రయాన్-1: అంతరిక్షంలో భారత్ ముద్ర

PSLV చరిత్రలో అత్యంత కీలకమైన ఘట్టం 2008లో జరిగిన చంద్రయాన్-1 ప్రయోగం. PSLV-C11 రాకెట్ ద్వారా భారత్ తొలిసారిగా చంద్రుడిపైకి ఉపగ్రహాన్ని పంపింది. ఈ ప్రయోగం చంద్రునిపై నీటి జాడను కనుగొని ప్రపంచాన్ని ఆశ్చర్యపరిచింది. కేవలం భూ కక్ష్యలకే పరిమితం కాకుండా, సుదూర అంతరిక్ష ప్రయోగాలకు కూడా పీఎస్‌ఎల్‌వీ సిద్ధమని ఇది నిరూపించింది.

పీఎస్‌ఎల్‌వీ కాలక్రమేణా తన సాంకేతికతను మెరుగుపరుచుకుంటూ వివిధ వెర్షన్లుగా రూపాంతరం చెందింది.
PSLV-CA: స్ట్రాపాన్ మోటార్లు లేకుండా తక్కువ బరువున్న ఉపగ్రహాల కోసం.
PSLV-XL: చంద్రయాన్-1, మంగళయాన్ వంటి భారీ మిషన్ల కోసం శక్తివంతమైన బూస్టర్లతో రూపొందించబడింది.
PSLV-DL/QL: అవసరానికి తగ్గట్టుగా రెండు లేదా నాలుగు స్ట్రాపాన్ మోటార్లను ఉపయోగించే సరికొత్త వేరియంట్లు.

చారిత్రాత్మక రికార్డులు

2014లో మంగళయాన్ మిషన్‌ను అతి తక్కువ ఖర్చుతో అంగారక కక్ష్యలో చేర్చి పీఎస్‌ఎల్‌వీ చరిత్ర సృష్టించింది. అలాగే, 2017లో PSLV-C37 ద్వారా ఒకేసారి 104 ఉపగ్రహాలను కక్ష్యలోకి పంపి ప్రపంచ రికార్డు నెలకొల్పింది. ఇది ఇస్రో వాణిజ్య సామర్థ్యాన్ని ప్రపంచానికి చాటిచెప్పింది.

ప్రస్తుతం 2026లో ఇస్రో చేపడుతున్న తొలి ప్రయోగం PSLV-C62. ఇది పీఎస్‌ఎల్‌వీ శ్రేణిలో 64వ ప్రయోగం. ఈ రాకెట్ ద్వారా DRDO రూపొందించిన EOS-N1 (అన్వేష) అనే అత్యాధునిక భూ పరిశీలన ఉపగ్రహంతో పాటు, మరో 15 విదేశీ ఉపగ్రహాలను అంతరిక్షంలోకి పంపిస్తున్నారు. ఇందులో స్పెయిన్‌కు చెందిన రీ-ఎంట్రీ వెహికల్ ప్రోటోటైప్ 'KID' కూడా ఉండటం విశేషం. మూడు దశాబ్దాల ప్రయాణంలో పీఎస్‌ఎల్‌వీ వైఫల్యాలు చాలా తక్కువ. ఖచ్చితత్వం, తక్కువ ఖర్చు, తిరుగులేని విశ్వసనీయత ఈ రాకెట్‌ను గ్లోబల్ శాటిలైట్ లాంచ్ మార్కెట్‌లో అగ్రగామిగా నిలబెట్టాయి.