Hole on the Sun: సూర్యుడు చనిపోబోతున్నాడా? NASA ఒళ్ళు గగుర్పొడిచే నిజాలు..!

Hole on the Sun: ఈ వారం NASA విడుదల చేసిన కొన్ని అద్భుతమైన సూర్యుడి చిత్రాలు సోషల్ మీడియాలో పెద్ద చర్చకు దారితీశాయి. సూర్యుడి ఉపరితలంపై కనిపించిన ఒక పెద్ద “సీతాకోకచిలుక” ఆకారపు కొరొనల్ హోల్ (coronal hole) అందరినీ ఆశ్చర్యపరిచింది. ఈ రంధ్రం సెప్టెంబరులోనే శాస్త్రవేత్తలు గమనించినప్పటికీ, దీని ప్రత్యేకమైన ఆకారం ఇప్పుడు వైరల్ అవుతోంది.

NASA యొక్క Solar Dynamics Observatory ఈ దృశ్యాన్ని క్యాప్చర్ చేసింది. ఈ రంధ్రం దాదాపు 3 లక్షల మైళ్ల పొడవుగా ఉంది - అంటే భూమి వెడల్పు కంటే సుమారు 30 రెట్లు పెద్దది. దీని అంచులు సీతాకోకచిలుక రెక్కలలాగా విస్తరించి ఉండడం వల్ల ఇది సోషల్ మీడియాలో వెంటనే ట్రెండ్ అయింది.

NASA captured a massive butterfly shaped coronal hole on the Sun stretching about five hundred thousand kilometers across. These regions form when magnetic field lines open and release fast moving solar wind. The stream from this giant opening is expected to reach Earth and may… pic.twitter.com/UJb5CItYQI

— marianne tioran (@mtioran) November 17, 2025

కొరొనల్ హోల్స్ అంటే ఏమిటి?

సూర్యుడిపై కనిపించే ఇవి అసాధారణం కాదు. కొరొనల్ హోల్స్ అంటే సూర్యుడి మాగ్నెటిక్ ఫీల్డ్‌లో ఉన్న ఖాళీలు. ఈ ప్రాంతాల నుంచి వేగంగా కణాలు అంతరిక్షంలోకి బయటకు వస్తాయి. సెప్టెంబరులో ఇదే రంధ్రం భూమివైపు తిరిగినప్పుడు, ఉత్తర ప్రాంతాల్లో ప్రకాశవంతమైన ఆరోరాలు (Northern Lights) ఏర్పడ్డాయి. అలాస్కా, కెనడా వంటి ప్రాంతాల్లో ఇవి బాగా కనిపించాయి.

సోషల్ మీడియాలో చర్చలు, జోకులు.. ఈ చిత్రాలు వైరల్ అవడంతో ప్రజలు ఎన్నో విధాలుగా స్పందించారు. కొందరు సరదా కామెంట్లు చేస్తూ:

“Stranger Things ప్రమోషన్ ఇలా మొదలైందా?” “ఇదే నిజమైన బటర్‌ఫ్లై ఎఫెక్ట్!” అంటూ జోకులు పేల్చగా.. మరికొందరు ఆందోళన చెందుతున్నారు.

భూమికి ప్రమాదమా?

శాస్త్రవేత్తల ప్రకారం, ఇందులో అసాధారణం ఏమీ లేదు. ఇలాంటి రంధ్రాలు తరచూ సూర్యుడి ఉపరితలం మీద కనిపిస్తాయి, తిరుగుతాయి, తర్వాత మాయమవుతాయి. ఈసారి ఆకారం మాత్రమే సోషల్ మీడియా దృష్టి ఆకర్షించింది. సూర్యుడు ప్రస్తుతం యాక్టివ్ దశలో ఉన్నందున, ఈ వారం వచ్చిన సౌర జ్వాలల కారణంగా అమెరికా దక్షిణ ప్రాంతాల్లో కూడా ఆరోరాలు కనిపించాయి.. ఫ్లోరిడా వరకు చేరాయి.

సూర్యుడిపై అరుదుగా కనిపించే గుర్తుపట్టగలిగిన ఆకారం కావడంతో ఈ వార్త ఫుల్ వైరల్ అయ్యింది! ఇది కూడా కొద్ది గంటల్లో కనిపించి మాయమైపోయే ఒక చిన్న మార్పు మాత్రమే అయినప్పటికీ, సీతాకోకచిలుక లాంటి రూపం కావడంతో ప్రపంచవ్యాప్తంగా దృష్టిని ఆకర్షించింది.