AI Robo Dogs Food Delivery: వావ్.. వాటే కాన్సెప్ట్..! రోబో కుక్కలతో ఫుడ్ డెలివరీ.. ఎక్కడంటే..?

AI Robo Dogs Food Delivery: స్విస్ నగరం జ్యూరిక్‌లో ఓ కొత్త తరహా ఫుడ్ డెలివరీ ప్రారంభమైంది. ఇప్పుడు మనకు ఫుడ్ డెలివరీ చేయడానికి మనుషులు కాకుండా, రోబో కుక్కలు వస్తున్నాయంటే ఆశ్చర్యమే కదా! Just Eat Takeaway.com అనే డచ్ ఫుడ్ డెలివరీ కంపెనీ, స్విట్జర్లాండ్‌కి చెందిన RIVR అనే రోబోటిక్స్(Swiss Robotics Company) సంస్థతో కలిసి ఈ సరికొత్త టెక్నాలజీని తెచ్చేందుకు ప్రయత్నాలు చేస్తోంది.

🔥🚨Just Eat https://t.co/K5Lfg5bMkb and Swiss🇨🇭 robotics firm RIVR launched AI-powered robo-dogs in Zurich for food delivery. These agile bots climb stairs, dodge obstacles, run 15 km/h, withstand harsh weather, are remotely monitored, and may soon expand Europe-wide. pic.twitter.com/6NBa74uTSY

— Erumudi Cholan (@sharpX0777) August 23, 2025

ఈ ప్రాజెక్ట్‌ని మొదట జ్యూరిక్‌లో ప్రారంభించారు. Zekis World అనే స్థానిక రెస్టారెంట్ నుండి ఫాస్ట్ ఫుడ్‌ను ఇలాంటి రోబో కుక్కలతో డెలివరీ చేస్తుండగా, త్వరలోనే ఈ సేవలను ఇతర యూరోప్ నగరాలకు విస్తరించాలనే ఉద్దేశంతో ఉన్నారు.

Robo-dogs are now delivering fast food in Zurich! 🐶🤖 https://t.co/gzkURVx6VQ & Swiss firm RIVR launched AI-powered four-legged robots that climb stairs, dodge obstacles, and brave all weather. Next up: groceries & wider European rollout. The future of delivery is here. 🍔🏙️ #AI…

— Karthikeyan (@karthikeayan) August 23, 2025

ఫిజికల్ AI తో రోబో కుక్కలు

ఈ రోబో కుక్కలు నడిచే చక్రాలతో పాటు నాలుగు కాళ్లు కూడా కలిగి ఉంటాయి. వాటిలో ఫిజికల్ AI అనే ప్రత్యేకమైన సాంకేతికత ఉంది, దీని ద్వారా అవి సొంతంగా మార్గాన్ని గుర్తించి, ముందున్న అడ్డంకులను తప్పించుకుంటూ ముందుకెళ్లగలవు. ట్రాఫిక్‌, పాదచారులు, రోడ్డు పక్కన ఉన్న చెత్త బుట్టలు, మెట్లు వంటి వాటిని అవి దాటగలుగుతాయి.

రోబో కుక్కలు గంటకు 15 కిలోమీటర్ల వేగంతో నడవగలవు. వర్షం, మంచు, గాలి, ఎండ వంటి వాతావరణ పరిస్థితుల్లోనూ అవి పనిచేస్తాయి. ప్రతి డెలివరీని రియల్ టైమ్‌లో పర్యవేక్షించడానికి వీలుగా డిజైన్ చేశారు. అవసరమైతే ఈ రోబోను రిమోట్ ద్వారా నియంత్రించవచ్చు కూడా.

🚨ROBO-DOGS HIT ZURICH: JUST EAT PILOTS AI DELIVERY REVOLUTION

Just Eat https://t.co/uxl4ZXW1gS and 🇨🇭Swiss robotics firm RIVR have launched AI-powered robo-dogs to deliver fast food in Zurich.

🔹These wheeled-legged robots, equipped with Physical AI, can climb stairs, dodge… pic.twitter.com/0c0CVYzdaO

— Info Room (@InfoR00M) August 23, 2025

భవిష్యత్తులో మరిన్ని అద్భుతాలు.. 

ఈ రోబో కుక్కలు ప్రస్తుతం ఫాస్ట్ ఫుడ్‌ను డెలివరీ చేస్తున్నప్పటికీ, భవిష్యత్తులో పార్సెల్లు, కిరాణా సరుకులు, ఇతర వస్తువులు పంపేందుకు కూడా ఉపయోగించాలన్న లక్ష్యంతో ఉన్నారు. RIVR CEO మార్కో బెలొనిక్ మాట్లాడుతూ, "ఈ ప్రాజెక్ట్ మన నగరాల్లో ఆటోమేషన్ ఎలా సహజంగా కలిసిపోతుందో చూపుతుంది. మా ఫిజికల్ AI టెక్నాలజీ వల్ల రోబోలు నిజమైన ప్రపంచాన్ని అర్థం చేసుకుని స్పందించగలుగుతున్నాయి" అని చెప్పారు.

అలాగే Just Eat కంపెనీ, ఐర్లాండ్‌లో డ్రోన్‌లతో ఫుడ్ డెలివరీ కూడా పరీక్షించింది. ఇప్పుడు రోబో కుక్కల ద్వారా డెలివరీ చేయడం ద్వారా, వారు టెక్నాలజీని మరింతగా అడ్వాన్స్ గా వినియోగిస్తున్నారు.

ఈ సరికొత్త ప్రయత్నం నగరాల్లో డెలివరీ విధానాలను పూర్తిగా మార్చే అవకాశముంది. త్వరలోనే మరిన్ని యూరోపియన్ నగరాల్లో కూడా ఈ ఫుడ్ డెలివరీ రోబోలు నడవడం చూస్తామేమో!