World Cup Super 8: టీ20 వరల్డ్ కప్ సూపర్-8 రౌండ్స్ లో టీమిండియా తీరిదే!

T20 World Cup Super 8: ఈ టీ20 ప్రపంచకప్ (టీ20 ప్రపంచకప్ 2024)లో టీమిండియా (Team India) అద్భుత ప్రదర్శనతో సూపర్-8 రౌండ్‌లోకి ప్రవేశించింది. సూపర్-8లో భారత్ అఫ్గానిస్థాన్ (Afghanistan), బంగ్లాదేశ్ (Bangladesh), ఆస్ట్రేలియాతో (Australia) తలపడనుంది. టోర్నీలో ఇప్పటి వరకు టీమ్‌ ఇండియాకు ఒక్క ఓటమీ లేదు. ఈ స్థితిలో సూపర్-8 రౌండ్‌లో భారత జట్టు ఎలా రాణిస్తుందనే ప్రశ్న క్రికెట్ అభిమానులందరిలో మెదులుతోంది. గత 8 ఎడిషన్లలో సూపర్-8 రౌండ్‌లో భారత జట్టు ఎలా రాణించింది? తెలుసుకోవడం ముఖ్యం. అయితే సూపర్ 8 రౌండ్‌లో టీమ్ ఇండియాకు 3 సార్లు ఫెయిల్ అయిన  చేదు అనుభవం ఉంది. ఆ ఓటములు ఎలా అంటే.. 

2009లో మొత్తం 3 మ్యాచ్‌ల్లో నూ ఓటమి..
2007లో జరిగిన తొలి ఎడిషన్‌ టోర్నీలో పాకిస్థాన్‌ను ఓడించి టీమిండియా తొలి టైటిల్‌ను కైవసం చేసుకుంది. దీని తర్వాత 2009లో రెండో ఎడిషన్‌లో భారత్‌ సూపర్‌-8లోకి ప్రవేశించింది. ఈ రౌండ్‌లో భారత్, దక్షిణాఫ్రికా, ఇంగ్లండ్, వెస్టిండీస్ మూడు జట్లతో తలపడ్డాయి. అయితే ఈ మూడు జట్లపైనా ఓడిపోయింది. దీంతో గ్రూప్‌లో చివరి స్థానంలో నిలిచి టోర్నీ నుంచి నిష్క్రమించారు.

2010లో అదే కథ
World Cup Super 8: 2010 ప్రపంచకప్‌లో గ్రూప్ సిలో భాగంగా భారత్ ఆడిన రెండు మ్యాచ్‌ల్లోనూ గెలిచి సూపర్-8లోకి ప్రవేశించింది. ఆ తర్వాత సూపర్-8 రౌండ్‌లో ఆస్ట్రేలియా, శ్రీలంక, వెస్టిండీస్‌తో తలపడిన టీమిండియా.. ఆడిన మూడు మ్యాచ్‌ల్లోనూ ఓడిపోయింది. దీంతో ఆ జట్టు గ్రూప్‌లో చివరి స్థానంలో నిలిచి ప్రయాణాన్ని ముగించింది.

2012లో షాకిచ్చిన నెట్ రన్ రేట్
2009, 2010 ప్రపంచకప్‌ల మాదిరిగానే 2012 ప్రపంచకప్‌లోనూ భారత్‌ మరోసారి సూపర్‌-8 రౌండ్‌కు దూరమైంది. ఈ ప్రపంచకప్‌లో గ్రూప్‌ దశలో ఆడిన రెండు మ్యాచ్‌ల్లోనూ విజయం సాధించి భారత్ సూపర్-8లోకి ప్రవేశించింది. ఈ రౌండ్‌లో భారతదేశం ఆస్ట్రేలియా, పాకిస్తాన్, దక్షిణాఫ్రికాతో తలపడింది, 2 జట్లపై గెలిచి ఆస్ట్రేలియాపై ఓడిపోయింది. అయితే నెట్ రన్ రేట్ పరంగా పాకిస్థాన్ కంటే వెనుకబడి ఉండటంతో ఈసారి కూడా భారత జట్టు సూపర్-8 రౌండ్‌కు దూరమైంది.

ఈసారి ఈ మూడు జట్లపైనే..
ప్రస్తుత ప్రపంచకప్‌లో భారత్‌ సూపర్‌-8 రౌండ్‌లో ఆస్ట్రేలియా, ఆఫ్ఘనిస్థాన్‌, బంగ్లాదేశ్‌తో తలపడనుంది. ఈ మూడు జట్లపై భారత్ అద్భుత ప్రదర్శన చేసింది. అయితే ప్రస్తుతం ఆస్ట్రేలియా, ఆఫ్ఘనిస్థాన్‌ల ఫామ్‌ను చూస్తుంటే భారత్‌ సెమీఫైనల్‌ ప్రయాణం అంత సులువు కాదు. కాబట్టి ఈ రౌండ్‌లో భారత్ జాగ్రత్తగా ఆడాల్సిన అవసరం ఉంది.

టీ20 ప్రపంచకప్‌లో భారత్‌ ప్రయాణం

• 2007- ఛాంపియన్
• 2009- సూపర్-8
• 2010- సూపర్-8
• 2012- సూపర్-8
• 2014- రన్నరప్
• 2016- సెమీఫైనల్
• 20200- సూపర్-12
• 2022- సెమీఫైనల్

Also Read: బీచ్ లో వాలీబాల్ ఆడుతున్న టీమిండియా ఆటగాళ్లు! వీడియో రిలీజ్ చేసిన బీసీసీఐ.