Champions Trophy 2025: టీమిండియా పాకిస్థాన్ వెళ్ళదు.. ఛాంపియన్స్ ట్రోఫీలో భారత్ మ్యాచ్‌లు అక్కడ పెట్టండి!

Champions Trophy 2025: వచ్చే ఏడాది ICC టోర్నమెంట్ ఛాంపియన్స్ ట్రోఫీ జరగనుంది.  దీనికి పాకిస్థాన్ ఆతిథ్యం ఇవ్వనుంది. దీని కోసం, పాకిస్థాన్ క్రికెట్ బోర్డు ఐసిసికి ఒక షెడ్యూల్ ప్రతిపాదనను కూడా ఇచ్చింది, దాని ప్రకారం ఈ టోర్నమెంట్ 2025 ఫిబ్రవరి 19 నుండి మార్చి 9 వరకు జరుగుతుంది. అయితే టీం ఇండియాను పాకిస్థాన్‌కు పంపడం బీసీసీఐకి ఇష్టం లేదు. నిజానికి 2008 నుంచి భారత జట్టు పాకిస్థాన్‌లో పర్యటించలేదు. ఇప్పుడు కూడా చాంపియన్స్ ట్రోఫీ కోసం పాకిస్థాన్ వెళ్లే పరిస్థితి లేదని బీసీసీఐ అంటోంది. అందుకోసం ఐసీసీకి ఒక ప్రతిపాదనను బీసీసీఐ పంపించినట్లు తెలుస్తోంది. 

ఛాంపియన్స్ ట్రోఫీ 2025 లేటెస్ట్ అప్ డేట్ ఇదే..
2025 ఐసీసీ ఛాంపియన్స్ ట్రోఫీ కోసం భారత క్రికెట్ జట్టు పాకిస్థాన్ వెళ్లే అవకాశం లేదు. రిపోర్ట్స్ ప్రకారం  దుబాయ్ లేదా శ్రీలంకలో మ్యాచ్‌లను నిర్వహించాలని BCCI - ICCని కోరవచ్చు. ఈ మేరకు బీసీసీఐ వర్గాలు ఏఎన్‌ఐకి సమాచారం అందించినట్టు X లో ఒక పోస్ట్ చేసింది.  గత కొంతకాలంగా భారత్‌, పాకిస్థాన్‌ల మధ్య సంబంధాలు బాగా లేవు. అటువంటి పరిస్థితిలో, ఈ అంశంపై తుది నిర్ణయం కేంద్ర ప్రభుత్వంపై ఆధారపడి ఉంటుంది. దీని కారణంగా, రెండు జట్ల మధ్య ఎటువంటి సిరీస్‌లు జరిగే అవకాశం లేదు. ఐసిసి టోర్నమెంట్లు, ఆసియా కప్ సమయంలో మాత్రమే భారత్ - పాకిస్థాన్ మధ్య మ్యాచ్‌లు జరుగుతాయి.

ANI ట్వీట్ ఇదే.. 

Indian Cricket team is unlikely to travel to Pakistan for the 2025 ICC Champions Trophy. BCCI will ask ICC to host matches in Dubai or Sri Lanka: BCCI sources to ANI pic.twitter.com/o7INJKhk1E

— ANI (@ANI) July 11, 2024

ఆసియా కప్ ఫార్ములా అమలవుతుందా?
2023 ఆసియా కప్‌కు ఆతిథ్యం కూడా పాకిస్థాన్‌కే దక్కింది. అయితే అప్పుడు కూడా భారత జట్టు పాకిస్థాన్‌లో పర్యటించలేదు. టోర్నమెంట్‌ను హైబ్రిడ్ మోడల్‌లో నిర్వహించారు. నాలుగు మ్యాచ్‌లు పాకిస్థాన్‌లో, మిగిలిన మ్యాచ్‌లు శ్రీలంకలో జరిగాయి. టీమ్ ఇండియా తన అన్ని మ్యాచ్‌లను శ్రీలంకలో ఆడింది.  ఫైనల్ కూడా ఇక్కడ జరిగింది. అటువంటి పరిస్థితిలో, ఈసారి కూడా బిసిసిఐ ఐసిసికి హైబ్రిడ్ మోడల్‌ను ప్రతిపాదించవచ్చని అంటున్నారు. 

టీమ్ ఇండియా అన్ని మ్యాచ్‌లు లాహోర్‌లో..
డ్రాఫ్ట్ షెడ్యూల్ ప్రకారం, టీమ్ ఇండియా తన అన్ని మ్యాచ్‌లను లాహోర్‌లో ఆడాలి. ఫిబ్రవరి 20న బంగ్లాదేశ్‌తో టీమిండియా తన తొలి మ్యాచ్ ఆడనుంది. దీని తర్వాత ఫిబ్రవరి 23న న్యూజిలాండ్‌తో రెండో మ్యాచ్ ఆడనుంది. అదే సమయంలో, టోర్నమెంట్ హోస్ట్ మరియు దాని చిరకాల ప్రత్యర్థి పాకిస్థాన్‌తో మార్చి 1న భారత్ గ్రూప్ దశలో మూడో, చివరి మ్యాచ్ ఆడనుంది.