Market Cap: భారీగా పడిపోయిన టాటా కన్సల్టెన్సీ సర్వీసెస్ మార్కెట్ క్యాప్.. 

Market Cap: మార్కెట్ క్యాపిటలైజేషన్ పరంగా దేశంలో రెండవ అతిపెద్ద కంపెనీ అయిన టాటా కన్సల్టెన్సీ సర్వీసెస్ (TCS) మార్కెట్ క్యాప్ గత వారం ₹ 1,10,134.58 కోట్లు పడిపోయింది. ఇప్పుడు కంపెనీ మార్కెట్ క్యాప్ ₹ 14.16 లక్షల కోట్లు. వారం క్రితం ఇది ₹15.26 లక్షల కోట్లుగా ఉండేది. ఈ సమయంలో, దేశంలోని టాప్ 10 కంపెనీల్లో 5 కంపెనీల విలువ కలిపి ₹ 1.98 లక్షల కోట్లు తగ్గింది. TCS కాకుండా, టెక్ కంపెనీ ఇన్ఫోసిస్ కంపెనీ విలువ ₹ 52,291.05 కోట్లు, FMCG హిందుస్థాన్ యూనిలీవర్ మార్కెట్ క్యాప్ ₹ 16,834.82 కోట్లు తగ్గింది.  ఇక వాల్యుయేషన్ పరంగా అతిపెద్ద కంపెనీ అయిన రిలయన్స్ ఇండస్ట్రీస్ లిమిటెడ్ మార్కెట్ క్యాప్ ఈ వారంలో ₹ 49,152.89 కోట్లు పెరిగి ₹ 19.69 లక్షల కోట్లకు చేరుకుంది. ఇది కాకుండా, స్టేట్ బ్యాంక్ ఆఫ్ ఇండియా (SBI), ITC, భారతీ ఎయిర్‌టెల్, ICICI బ్యాంక్‌ల మార్కెట్ క్యాపిటలైజేషన్(Market Cap) పెరిగింది.

గత వారం సెన్సెక్స్ 188.51 పాయింట్లు లాభపడింది.. 
గత వారం సెన్సెక్స్ 188.51 పాయింట్లు లేదా 0.25 శాతం లాభపడింది. అదే సమయంలో, వారం చివరి ట్రేడింగ్ రోజున అంటే శుక్రవారం మార్చి 22, సెన్సెక్స్ 190 పాయింట్లు పెరిగి 72,831 స్థాయి వద్ద ముగిసింది. ఇక నిఫ్టీలో 84 పాయింట్లు పెరిగి, 22,096 స్థాయి వద్ద ముగిసింది. సెన్సెక్స్‌లోని 30 షేర్లలో 21 లాభపడగా, 9 పతనమయ్యాయి.

Also Read: రిపేరుకే రెండు లక్షలు..అసలు ఈ యాపిల్ ప్రొడక్ట్ ఎంతుంటుంది?

మార్కెట్ క్యాపిటలైజేషన్ అంటే ఏమిటి?
మార్కెట్ క్యాప్(Market Cap) అనేది ఏదైనా కంపెనీ మొత్తం బకాయి షేర్ల విలువ.  అంటే ప్రస్తుతం దాని వాటాదారుల వద్ద ఉన్న అన్ని షేర్లు. కంపెనీ జారీ చేసిన మొత్తం షేర్ల సంఖ్యను స్టాక్ ధరతో గుణించడం ద్వారా దీనిని లెక్కిస్తారు. పెట్టుబడిదారులు తమ రిస్క్ ప్రొఫైల్ ప్రకారం వాటిని ఎంచుకోవడంలో సహాయపడటానికి కంపెనీల షేర్లను లార్జ్ క్యాప్, మిడ్ క్యాప్, స్మాల్ క్యాప్ కంపెనీలుగా వర్గీకరించడానికి మార్కెట్ క్యాప్ ఉపయోగపడుతుంది.  

మార్కెట్ క్యాప్ = (బాకీ ఉన్న షేర్ల సంఖ్య) x (షేర్ల ధర)