Tax on Crypto: క్రిప్టో కరెన్సీపై టాక్స్ సేవింగ్స్ కోసం ఏం చేయాలంటే.. 

Tax on Crypto: క్రిప్టోకరెన్సీలో పెట్టుబడి పెట్టే వారికి 'మంచి రోజులు' తిరిగి వచ్చాయి. మనం గత సంవత్సరం డేటాను పరిశీలిస్తే, చాలా క్రిప్టోకరెన్సీలు మెరుగైన రాబడిని ఇచ్చాయి.  వాస్తవానికి, చాలా మందికి, అవి 'మల్టీబ్యాగర్ రిటర్న్' ఆస్తులుగా కూడా ఉద్భవించాయి. అయితే భారతదేశంలో క్రిప్టోకరెన్సీలో పెట్టుబడి ఆదాయపు పన్ను పరిధిలోకి వస్తుందనే విషయం మీకు తెలిసిందే కదా. అందువల్ల ఈ పన్నును ఆదా చేయడానికి ఏదైనా మార్గం ఉందా? అనే విషయాన్ని తెలుసుకుందాం. 

భారతదేశంలో క్రిప్టోకరెన్సీ(Tax on Crypto)లో పెట్టుబడి మూలధన లాభాల పన్ను(క్యాపిటల్ గెయిన్స్ టాక్స్)  వర్గం కిందకు వస్తుంది. భారత ప్రభుత్వం దీనిని కరెన్సీగా గుర్తించలేదు.  దీని అర్థం మీరు క్రిప్టోకరెన్సీతో ఏ వస్తువులు లేదా సర్వీసులను కొనుగోలు చేయలేరు. అదేవిధంగా విక్రయించలేరు.  మీరు భారతదేశంలో దానితో ఎలాంటి చెల్లింపులు చేయలేరు. భారత ప్రభుత్వం దీనిని డిజిటల్ అసెట్ క్లాస్‌గా గుర్తించినప్పటికీ, మీరు డీమ్యాట్ రూపంలో షేర్‌లో పెట్టుబడి పెట్టినట్లు లేదా NFTని కొనుగోలు చేసినట్లుగా మీరు క్రిప్టోకరెన్సీలలో పెట్టుబడి పెట్టవచ్చు లేదా వ్యాపారం చేయవచ్చు. ఇప్పుడు దీనిపై పన్ను(Tax on Crypto) ఆదా చేయడానికి కొన్ని సులభమైన చిట్కాలు ఇక్కడ మనం తెలుసుకుందాం. 

Also Read: ఆన్‌లైన్ బ్యాంకింగ్ లో చూస్తూ..చూస్తూనే మోసపోతాం.. ఇలా!

క్రిప్టోకరెన్సీపై పన్ను ఆదా చేసేందుకు చిట్కాలు
మీరు క్రిప్టోకరెన్సీ పెట్టుబడిపై మీ పన్ను(Tax on Crypto)ను ఆదా చేయాలనుకుంటే, మీరు కొన్ని విషయాలను గుర్తుంచుకోవాలి…

• మొదటిది, మీరు మీ అన్ని క్రిప్టోకరెన్సీ పెట్టుబడి లావాదేవీల ఖచ్చితమైన రికార్డులను ఉంచుకోవాలి. అంటే, ఎప్పుడు, ఏ తేదీన, మీరు ఎంత క్రిప్టోకరెన్సీని కొనుగోలు చేసారు అలాగే  ఎప్పుడు విక్రయించారు వంటి వివరాలను జాగ్రత్తగా ఉంచుకోవాలి. ఇది మీ క్రిప్టోకరెన్సీకి సంబంధించిన లావాదేవీలను సులభతరం చేస్తుంది.  నిర్దిష్ట సమయ వ్యవధిలో దానిపై పన్ను(Tax on Crypto)ను లెక్కించవచ్చు.
• క్రిప్టోకరెన్సీపై మూలధన లాభాల పన్ను వర్తిస్తుంది.  కానీ మీరు దానిని ఒక సంవత్సరం కంటే ఎక్కువ కాలం పాటు ఉంచుకుంటే, అది స్వల్పకాలిక బదులు దీర్ఘకాలిక మూలధన లాభాల పన్ను పరిధిలోకి వస్తుంది.  దీని వలన మీకు స్వల్ప కాలిక లాభాలపై విధించే పన్ను(Tax on Crypto) కంటే తక్కువ చెల్లిస్తే సరిపోతుంది. 
• క్రిప్టోకరెన్సీపై పన్ను ఆదా చేయడానికి ఒక మార్గం దానిని విరాళంగా ఇవ్వడం. ఈ విధంగా, మీరు విరాళాలపై అందుబాటులో ఉన్న పన్ను మినహాయింపును పొందుతారు.
• క్రిప్టోకరెన్సీలపై పన్ను లెక్కలు  కోసం, మీరు 'క్రిప్టో-నిర్దిష్ట' పన్ను సాఫ్ట్‌వేర్‌ను ఉపయోగించాలి. దీని కోసం ఆన్‌లైన్‌లో అనేక సాధనాలు ఉన్నాయి.  ఇది పన్ను(Tax on Crypto)ను లెక్కించడాన్ని సులభతరం చేస్తుంది.
• చాలా సార్లు కొంతమంది పెట్టుబడిదారులు తమ క్రిప్టోకరెన్సీ లావాదేవీలన్నింటినీ తమ ITRలో చూపించరు. కానీ ఇలా చేయడం మానుకోవాలి. మీరు చేసిన క్రిప్టోకరెన్సీ లావాదేవీ ఎంత చిన్నదైనా, అది మీ ITRలో చూపించాలి. లేకుంటే మీరు భారీ జరిమానాను ఎదుర్కోవలసి ఉంటుంది.

క్రిప్టోకరెన్సీపై పన్ను ఎలా లెక్కిస్తారు?
భారతదేశంలో, ఆదాయపు పన్ను చట్టంలోని సెక్షన్ 115BBH ప్రకారం క్రిప్టోకరెన్సీ డిజిటల్ ఆస్తి తరగతిగా పరిగణిస్తారు.  క్రిప్టోకరెన్సీలో ట్రేడింగ్ చేస్తే 30 శాతం పన్ను చెల్లించాలి. 4 శాతం సెస్ కూడా ఉంటుంది. 

ఇది మాత్రమే కాదు, మీరు ఒకేసారి రూ. 50,000 కంటే ఎక్కువ విలువైన క్రిప్టోకరెన్సీని కొనుగోలు చేస్తే, మీరు 1 శాతం TDS కూడా చెల్లించాలి. భారతదేశంలో క్రిప్టోకరెన్సీల వ్యాపారం, అమ్మకం, ప్రాఫిట్ బుకింగ్ అలాగే మార్పిడిపై పన్ను చెల్లించాల్సిన బాధ్యత ఉంది.