తెలంగాణలో బీజేపీ గెలిస్తే బీసీ అభ్యర్థినే ముఖ్యమంత్రిగా నియమిస్తామంటూ కేంద్ర హోంమంత్రి అమిత్ షా చేసిన ప్రకటన హాట్ డిస్కషన్‌కు తెరలేపింది. ఒకవేళ బీజేపీ గెలిస్తే సీఎం రేసులో నిలిచేది వీరే అంటూ కె. లక్ష్మణ్, ఈటల రాజేందర్, బండి సంజయ్ పేర్లు ప్రధానంగా వినిపిస్తున్నాయి. ప్రస్తుతమైతే.. బీజేపీలో బలమైన బీసీ నేతలుగా వీరు ముగ్గురు చలామణి అవుతున్నారు. దీంతో వీరిలో ఎవరు సీఎం అవుతారు? అనే చర్చ నడుస్తోంది.
తెలంగాణ బీజేపీ అభ్యర్థుల రెండో జాబితా వచ్చేసింది. ఈ జాబితాలో కేవలం ఒక్కరి పేరును మాత్రమే ప్రకటించింది బీజేపీ. మహబూబ్ నగర్ నియోజకవర్గానికి సంబంధించి ఏపీ మిథున్ కుమార్ రెడ్డి పేరును ఖరారు చేసింది బీజేపీ అధిష్టానం. ఇప్పటికే మొదటి విడత జాబితాను విడుదల చేసిన బీజేపీ.. ఇప్పుడు రెండో విడత పేరుతో ఒక్కరి పేరునే ప్రకటించడం ఇంట్రస్టింగ్ గా మారింది.
తెలంగాణ బీజేపీలో కొత్త సమస్య తలెత్తింది. ఇద్దరు అగ్రనేతల మధ్య ఆధిపత్య పోరు తారాస్థాయికి చేరుకుంది. ఈ ఇద్దరి నేతల మధ్య సయోధ్య కుదర్చలేక అధిష్టానం తలపట్టుకుంటోంది. ఎమ్మెల్యే ఈటెల రాజేందర్, బండి సంజయ్లు పలు చోట్ల వారి అనుచరులకే టికెట్లు కేటాయించాలంటూ పట్టుపడుతున్నారు. దీంతో కొన్ని సీట్లు అలాగే పెండింగ్లో ఉన్నాయి. ఎన్నికల సమయం దగ్గరపడుతున్న సమయంలో ఇలా ఇద్దరు అగ్రనేతలు మొండికేయడం బీజేపీ పెద్దలకు తలనొప్పిగా మారింది
తెలంగాణ ఎన్నికల నేపథ్యంలో బీజేపీ అధినాయకత్వం రాష్ట్రానికి క్యూ కట్టనుంది. ఇందులో భాగంగా.. తొలుత కేంద్ర హోంమంత్రి అమిత్ షా తెలంగాణకు రానున్నారు. ఈ పర్యటనలో అధికారిక కార్యక్రమంతో పాటు.. పార్టీ కార్యక్రమాల్లోనూ పాల్గొననున్నారు. అయితే, శుక్రవారం ఈ కార్యక్రమాలు ఉండగా.. గురువారం రాత్రే ఆయన హైదరాబాద్ కు పయనం అవుతున్నారు. ఢిల్లీ నుంచి గురువారం రాత్రి 10 గంటలకు బయలుదేరి తెలంగాణకు చేరుకుంటారు.
బీజేపీకి నిర్మల్ జిల్లా అధ్యక్షురాలు రామాదేవి పార్టీకి రాజీనామా చేశారు. ఇన్నాళ్లూ కష్టపడి పని చేసిన తనకు టికెట్ ఇవ్వకుండా పార్టీ అన్యాయం చేసిందని ఆవేదన వ్యక్తం చేశారు. భవిష్యత్ కార్యాచరణను త్వరలో ప్రకటిస్తానన్నారు.
తెలంగాణ ఎన్నికల్లో ఎలాగైనా అధికారంలోకి రావాలని భావిస్తున్న బీజేపీ.. అందుకు అనుగుణంగా అడుగులు వేస్తోంది. ప్రధానంగా రాష్ట్రంలో అధికశాతం ఓటు బ్యాంకు ఉన్న బీసీలను తమవైపు లాగేందుకు ప్రయత్నిస్తోంది. ఇందులో భాగంగానే.. ఆ పార్టీ విడుదల చేసిన మొదటి లిస్ట్ లో బీసీలకే అధికంగా టిక్కెట్లు కేటాయించింది. మొత్తం విడుదల చేసిన 52 మంది అభ్యర్థుల లిస్ట్ లో 19 మంది బీసీలు ఉన్నారు. దీన్ని బట్టి తెలంగాణలో బీజేపీ బీసీ కార్డ్ ను ప్రయోగిస్తుందని అంచనా వేస్తున్నారు రాజకీయ విశ్లేషకులు.
కిషన్ రెడ్డి, లక్ష్మణ్, కోమటిరెడ్డి రాజగోపాల్ రెడ్డి, డీకే అరుణ, జితేందర్ రెడ్డి, వివేక్ వెంకటస్వామి తదితర ప్రముఖుల పేర్లు లేకుండానే తెలంగాణ బీజేపీ ఫస్ట్ లిస్ట్ విడుదలైంది. ఇందులో కిషన్ రెడ్డి, లక్ష్మణ్ పోటీకి ఆసక్తి చూపడం లేదన్న ప్రచారం సాగుతోంది. మిగిలిన వారి పేర్లు సెకండ్ లిస్ట్ లో ప్రకటించే అవకాశం ఉన్నట్లు తెలుస్తోంది.
బండి సంజయ్‌కు అసెంబ్లీ ఎన్నికల్లో పోటీ చేసే అవకాశం లేనట్లే కనిపిస్తోంది. పార్టీ అధిష్టానం ఆయనకు వేరే బాధ్యతలు అప్పగించింది. దాని ఫలితంగా ఎమ్మెల్యే క్యాండిడేట్‌గా బండి నిలబడతారా? లేదా? అనేది ప్రశ్నార్థకంగా మారింది. దేశంలో తెలంగాణతో పాటు మరో నాలుగు రాష్ట్రాలకు అసెంబ్లీ ఎన్నికలు జరుగుతున్నాయి.ఈ నేపథ్యంలోనే పార్టీ జాతీయ కార్యదర్శిగా ఉన్న బండి సంజయ్‌ను ఛత్తీస్‌ ఘడ్ రాష్ట్రానికి స్టార్ క్యాంపెయినర్‌గా నియమించింది. దాంతో ఆయన ఆ రాష్ట్ర ఎన్నికల ప్రచారంలో పాల్గొనాల్సి ఉంటుంది.
తెలంగాణ ఎన్నికల్లో పోటీ చేసే బీజేపీ అభ్యర్థుల ఫస్ట్ లిస్ట్ ఈ రోజు రాత్రిలోగా విడుదలయ్యే అవకాశం ఉంది. కిషన్ రెడ్డి, ఈటల రాజేందర్, కోమటిరెడ్డి రాజగోపాల్ రెడ్డి, జితేందర్ రెడ్డి, డీకే అరుణ తదితరులు తమతో పాటు తమ కుటుంబ సభ్యులకు కూడా టికెట్ ఇవ్వాలని కోరుతున్నారు. వీరి వినతికి హైకమాండ్ ఎలా స్పందిస్తుందనే అంశం ఆసక్తిగా మారింది.
/rtv/media/post_attachments/wp-content/uploads/2023/10/MO-Vivek-jpg.webp)
/rtv/media/post_attachments/wp-content/uploads/2023/10/Telangana-BJP-CM-1-jpg.webp)
/rtv/media/post_attachments/wp-content/uploads/2023/10/tbjp-jpg.webp)
/rtv/media/post_attachments/wp-content/uploads/2023/10/etela-vs-bandi-jpg.webp)
/rtv/media/post_attachments/wp-content/uploads/2023/10/Home-Minister-Amit-Shah-jpg.webp)
/rtv/media/post_attachments/wp-content/uploads/2023/10/TS-BJP-jpg.webp)
/rtv/media/post_attachments/wp-content/uploads/2023/10/BJP-BC-Candidates-jpg.webp)
/rtv/media/post_attachments/wp-content/uploads/2023/10/BJP-First-List-jpg.webp)
/rtv/media/post_attachments/wp-content/uploads/2023/10/Bandi-Sanjay-Kumar-1-jpg.webp)
/rtv/media/post_attachments/wp-content/uploads/2023/10/BJP-Tickets--jpg.webp)
