తెలంగాణలో బీజేపీని గెలిపించడమే నాలాంటి సామాన్యుల ఎజెండా అని ఆ పార్టీ ఎమ్మెల్యే ఈటల రాజేందర్‌ అన్నారు. మా సభ చూసి సీఎం కేసీఆర్ గుండెల్లో వణుకు మొదలైందన్నారు. ఎన్ని ప్రలోభాలు పెట్టినా.. ఎంత డబ్బులు పెంచినా ఆదిలాబాద్‌లో బీజేపీని ఆదరించేది ఖాయమని ఈటల వ్యాఖ్యానించారు.
ఎమ్మెల్సీ పల్లా వ‌ర్సెస్ జ‌న‌గాం ఎమ్మెల్యే ముత్తిరెడ్డి యాద‌గిరి రెడ్డి మ‌ధ్య గత కొంత కాలంగా సాగిన మాట‌ల యుద్ధానికి తెరపడింది. జనగామలో జరిగిన సభలో పల్లా రాజేశ్వర్‌ రెడ్డిని జనగామ ప్రజలు ఆదరించాలని ముత్తిరెడ్డి తన ప్రసంగంలో కోరారు. ఆ వెంటనే మైకు వద్దకు వచ్చిన పల్లా రాజేశ్వర్‌రెడ్డి ముత్తిరెడ్డి కాళ్లు మొక్కి కృతజ్ఞతలు తెలియజేశారు. దీన్ని చూసిన వారంతా ఔరా అంటూ అవాక్కయ్యారు.
ఇల్లందు నియోజకవర్గంలో చరిత్ర తిరగరాస్తానని.. రెండోసారి ఎమ్మెల్యేగా గెలిచి తన సత్తా చూపిస్తానని బీఆర్ఎస్ అభ్యర్థి బానోతు హరిప్రియ నాయక్ సవాల్ చేశారు. చిన్న చిన్న అసంతృప్తులు మినహా నియోజకవర్గంలో తనకు ఎలాంటి ఇబ్బంది లేదన్నారు. పార్టీ నిర్ణయానికి నాయకులంతా కట్టుబడి ఉంటారని తెలిపారు. పార్టీని ఎదిరించిన వారిని పార్టీ పెద్దలు చూసుకుంటారని హెచ్చరికలు చేశారు.
గత 36 సంవత్సరాలుగా ఎమ్మెల్యేగా ఉన్న జానారెడ్డి తన కుటుంబం మొత్తాన్ని హైదరాబాద్‌లోనే ఉంచారని, ఇక్కడ కనీసం నివాసం కూడా లేదన్నారు. ఇప్పుడు ఆయన కొడుకు వచ్చి మండలానికి ఒకరికి బాధ్యతలు అప్పజెప్పి హైదరాబాద్‌లో ఉంటూ.. మరో 20 ఏళ్లు మమ్మల్ని బానిసలుగా మారుస్తారన్న భయం ప్రజల్లో ఉందన్నారు. ఆయన కొడుకు వచ్చినా, ఆయన వచ్చినా బీఆర్ఎస్ గెలుపు ఖాయమన్నారు.
మీరు కూరగాయల తొక్కలు తీసేసి వంట చేస్తున్నారా? అయితే, మీరు పెద్ద పొరపాటు చేస్తున్నట్లే. కొన్ని రకాల కూరగాయల్లో పోషకాలు ఎక్కువగా తొక్కల్లోనే ఉంటాయి. అందకే ఆ తొక్కలను అస్సలు తీసేయొద్దు అని చెబుతున్నారు ఆరోగ్య నిపుణులు. అవేంటంటే.. దోసకాలు, క్యారెట్, వంకాయ, ఆలుగడ్డ, గుమ్మడికాయ తొక్క తీయకుండానే వండుకుని తినాలి.
నిన్న అడిగిన ప్రశ్నలే మళ్ళీ అడిగారన్నారు నారా లోకేశ్‌. కొత్త ప్రశ్నలు ఏమి అడగలేదని లోకేశ్‌ చెప్పారు. 47 ప్రశ్నలు వేశారన్నారు. ఐదు ప్రశ్నలు ఇన్నర్ రింగ్ రోడ్ గురించి మాత్రమే అడిగారన్నారు. లంచ్ తరవాత బాహుబలి సినిమా చూపించినట్టు చెప్పారు. ఈరోజుతో నారా లోకేశ్‌ విచారణ ముగిసిందన్నారు. సిట్ ఆఫీస్ నుంచి నేరుగా ఢిల్లీకి వెళ్ళనున్నారు లోకేశ్‌.
మాజీ మంత్రి నారాయణ(Narayana)కు సీఐడీ జారీ చేసిన 41a నోటీసుపై హైకోర్టు(High court)లో విచారణ జరుపుతోంది. మరోసారి నారాయణకు నోటీస్ ఇచ్చి విచారించాలని కోర్టు ఆదేశించింది. నారాయణ ఇంటి వద్ద విచారించాలని చెప్పింది. ఇక ఐఆర్ఆర్ కేసులో నారాయణ అల్లుడు పునీత్ కు సీఐడీ నోటీసులు జారీ చేసిన సంగతి తెలిసిందే. సీఐడీ ఇచ్చిన నోటీసులను డిస్మిస్ చేయాలని పునీత్ పిటిషన్ దాఖలు చేశారు.
మల్కాజ్ గిరి, మెదక్, మేడ్చల్ తో పాటు మరో పది పదిహేను నియోజకవర్గాలపై తాను దృష్టి పెడుతున్నానని.. వీటన్నింటిలో బీఆర్ఎస్ ను ఓడిస్తానని మైనంపల్లి హన్మంతరావు సవాల్ చేశారు. కాంగ్రెస్ కు ప్రజలు బ్రహ్మరథం పడుతున్నారని, అన్ని వర్గాలు కాంగ్రెస్ వైపు చూస్తున్నాయన్నారు. బీఆర్ఎస్ మంత్రుల పని దోచుకోవడమే తప్ప వేరేమీ లేదన్నారు. 2 ఎకరాలు కొనడం 10 ఎకరాలు కబ్జా చేయడమే వారికి తెలుసన్నారు. మల్లారెడ్డి కాలేజీలన్నీ కబ్జా చేసిన చెరువుల్లోనే ఉన్నాయని మండిపడ్డారు.
కేంద్రమంత్రి కిషన్‌రెడ్డి సంచలన హామీ ఇచ్చారు. బీజేపీ అధికారంలోకి వస్తే గిరిజనులకు 10శాతం రిజర్వేషన్లు ప్రకటిస్తామని తెలిపారు. స్థానిక సంస్థల ఎన్నికలు, విద్య, ఉపాధి అవకాశాల్లోనూ గిరిజన యువతీ, యువకులకు ఈ రిజర్వేషన్లను అమలు చేస్తామన్నారు. ములుగు జిల్లా మేడారంలో కొలువైన వనదేవతలు సమ్మక్క, సారలమ్మల దర్శనం చేసుకున్న కేంద్రమంత్రి ఈ వ్యాఖ్యలు చేశారు.
/rtv/media/post_attachments/wp-content/uploads/2023/10/nanded-jpg.webp)
/rtv/media/post_attachments/wp-content/uploads/2023/10/eetela.jpeg-jpg.webp)
/rtv/media/post_attachments/wp-content/uploads/2023/10/mutti-reddy-jpg.webp)
/rtv/media/post_attachments/wp-content/uploads/2023/10/WhatsApp-Image-2023-10-11-at-18.29.53-1-jpeg.webp)
/rtv/media/post_attachments/wp-content/uploads/2023/10/nomula-jpg.webp)
/rtv/media/post_attachments/wp-content/uploads/2023/10/Health-jpg.webp)
/rtv/media/post_attachments/wp-content/uploads/2023/09/lokesh-4-1-jpg.webp)
/rtv/media/post_attachments/wp-content/uploads/2023/10/narayana-jpg.webp)
/rtv/media/post_attachments/wp-content/uploads/2023/10/mynampalli-jpg.webp)
/rtv/media/post_attachments/wp-content/uploads/2023/10/kishan-reddy-kcr-jpg.webp)
