ఈ మధ్య గుండెపోటు మరణాలు పెరగడం కలవరానికి గురి చేస్తున్నాయి. తాజాగా హర్యానాలోని పానిపట్ జిల్లా జైల్లో డిప్యూటీ సూపరింటెండెంట్‌గా పనిచేస్తున్న పోలీస్ ఉన్నతాధికారి గుండెపోటుతో మృతి చెందాడు. సోమవారం ఉదయం అలా జిమ్ చేస్తుండగానే అకస్మాత్తుగా కుప్పకూలిపోయారు. దీంతో ఆ పోలీస్ అధికారిని ఆస్పత్రికి తరలించారు. కానీ అప్పటికే ఆయన గుండెపోటుతో మృతి చెందినట్లు వైద్యులు ధృవీకరించారు. డీఎస్పీ మృతితో హర్యానా పోలీసు శాఖలో విషాదం నెలకొంది.
ఉత్తరప్రదేశ్‌లోని గోండా జిల్లాలో ఆడబిడ్డల ఆరాధన మహోత్సవం 'శక్తివందనం' కార్యక్రమాన్ని నిర్వహించారు. అయితే ఈ కార్యక్రమంలో 11,888 మంది బాలికలకు పూజలు చేసి, కన్యా భోజనం ఏర్పాటు చేశారు. షాహీద్-ఎ-ఆజం సర్దార్ భగత్ సింగ్ ఇంటర్ కళాశాల ప్రాంగణంలో జిల్లా యంత్రాంగం ఈ వేడుకలను నిర్వహించినట్లు జిల్లా మేజిస్ట్రేట్ నేహా శర్మ తెలిపారు.
కాంగ్రెస్ ఎంపీ శశీథరూర్.. టీఎంసీ ఎంపీ మహువా మొయిత్రాతో కలిసి దిగిన ఫోటోలు ఇటీవల వైరల్ అయ్యాయి. అయితే దీనిపై స్పందించిన ఆయన అసహనం వ్యక్తం చేశారు. ఆ ఫోటోలు ఓ పుట్టినరోజు వేడుకలో దిగినవంటూ తెలిపారు. కొందరు కావాలనే దురుద్దేశపూర్వకంగా ఆ ఫోటోలను ఎడిట్ చేశారంటూ పేర్కొన్నారు. ఇవి నీచపు రాజకీయాలంటూ ధ్వజమెత్తారు. పార్టీకి వచ్చిన మిగతావారందరిని తొలగించి.. కేవలం వ్యక్తిగతంగా ఉన్నట్లు ఫోటోలను వక్రీకరించారంటూ క్లారిటీ ఇచ్చారు.
ఇస్రో చేపట్టనున్న గగన్యాన్ ప్రాజెక్టులో మహిళలకు అధిక ప్రాధాన్యం ఇస్తామని ఇస్రో ఛైర్మన్ సోమనాథ్ వ్యాఖ్యానించారు. ప్రస్తుతం ఎయిర్‌ఫోర్స్‌కు చెందిన వారిని ఫైటర్ టెస్ట్ అభ్యర్థులుగా ఎంపిక చేస్తున్నామని.. వాళ్లు వివిధ కేటగిరీల నుంచి ఉన్నారని తెలిపారు. అయితే ఇప్పుడు మహిళా ఫైటర్ టెస్టు ఫైలట్లు అందుబాటులో లేరని.. వారు ముందుకు వచ్చినట్లైతే ఓ మార్గం సుగమం అవుతుందంటూ సోమనాథ్ తెలిపారు. అలాగే ఈ ప్రాజెక్టులో మహిళలను భాగం చేసేందుకు రెండో ఎంపిక శాస్త్రీయ కార్యకలాపాలతో ఉంటుందని.. అయితే ఈ ఎంపికలో శాస్త్రవేత్తలే వ్యోమగాములుగా వ్యవహరించాల్సి ఉంటుందని చెప్పారు.
ఉత్తరప్రదేశ్‌లోని ఓ మహిళా కానిస్టేబుల్ ఆత్మహత్య చేసుకోవడం సంచలనం రేపుతోంది. ఆమె మృతదేహంపై 500లకు పైగా గాయాల గుర్తులు ఉండటం అనేక అనుమానాలకు దారి తీస్తోంది. గురువారం తన గదిలో ఆత్మహత్య చేసుకునేందుకు యత్నించగా.. ఆమె కుటుంబ సభ్యులు అప్రమత్తమై ఆసుపత్రికి తరలించారు. కానీ మార్గమధ్యంలోనే ఆమె మృతి చెందింది. పోస్టు మార్టం నివేదికలో ఆమె ఒంటిపై 500లకు పైగా గాయాలు ఉన్నట్లు వెల్లడైంది. అయితే ఆమెకు మరో కానిస్టేబుల్ యువకునితో ప్రేమ సంబంధం ఉండేదని స్థానికులు తెలిపారు. అతను వేరే అమ్మాయిని పెళ్లి చేసుకోవండంతో.. ఈమె మనస్తాపం చెంది ఆత్మహత్య చేసుకున్నట్లు పోలీసులు భావిస్తున్నారు.
కేంద్రం పెద్ద నోట్లను వెనక్కి తీసుకున్న నేపథ్యంలో.. మళ్లీ పాత పెద్ద నోట్లు చలామణిలోకి వస్తాయానే వార్తలు సోషల్ మీడియాలో వైరలవుతున్నాయి. అయితే దీనిపై కేంద్ర బ్యాంకైన రిజర్వ్ బ్యాంక్ ఆఫ్ ఇండియా స్పష్టత ఇచ్చినట్లు తెలుస్తోంది. మళ్లీ వెయ్యి రూపాయల నోట్లను ప్రవేశపెట్టే అవకాశాలు లేవని.. సోర్సెస్‌ను ఉటంకిస్తూ ఏఎన్‌ఐ రిపోర్టు చేసింది. మరోవైపు ప్రస్తుతం అలాంటి ప్రతిపాదనలు తమ వద్ద ఏమి లేవని గతంలోనే ఆర్‌బీఐ గవర్నర్ శక్తికాంత దాస్ క్లారిటీ ఇచ్చారు.
భారత అంతరిక్ష సంస్థ (ఇస్రో) మరో పరీక్షకు సిద్ధమైపోయింది. ప్రతిష్ఠాత్మక గగన్యాన్ ప్రోగ్రామ్‌లో వినియోగించేటటువంటి ఫ్లైట్ టెస్ట్ వెహికల్ అబార్ట్ మిషన్-1 వాహకనౌక తొలి పరీక్షను శనివారం నిర్వహించనుంది. అంతరిక్షంలోకి మానవులను తీసుకెళ్లేందుకు గగన్యాన్ మిషన్ ప్రయోగాల్లో భాగంగా ఇస్రో ఈ పరీక్షలు నిర్వహిస్తోంది. అయితే ఇందులో భాగంగానే ముందుగా క్రూ మాడ్యూల్‌లోని సిబ్బంది తప్పించుకునే వ్యవస్థ పనితీరును పరీక్షిస్తోంది.
టీనేజీలో ఉండే.. అమ్మాయిలు తమ లైంగిక కోరికలను నియంత్రించుకోవాలంటూ కలకత్తా హైకోర్టు సూచించింది. రెండు నిమిషాల సుఖం కోసం లొంగిపోకూడదని.. సమాజంలో ఇది ఆమె గౌరవాన్ని తగ్గిస్తుందని పేర్కొంది. అలాగే అబ్బాయిలు కూడా మహిళల పట్ల గౌరవంగా, మర్యాదగా వ్యవహరించాలని తెలిపింది. పరస్పర సమ్మతితో శృంగారంలో పాల్గొనే కేసుల్లో.. పోక్సో చట్టాన్ని ప్రయోగించే అంశంపై కలకత్తా హైకోర్టు ఈ హైకర్టు ఇలా వ్యాఖ్యానించింది.
మురుగును శుభ్రం చేసే కార్మికులు మృతి చెందింతే వారి కుటుంబాలకు రూ.30 లక్షల ఆర్థిక సాయాన్ని ప్రకటించాలని సుప్రీంకోర్టు ఆదేశించింది. మాన్యువల్‌ స్కావెంజర్‌గా పని చేస్తూ శాశ్వత వైకల్యానికి గురైన బాధితులకు రూ.20లక్షలు పరిహారంగా ఇవ్వాలని సూచనలు చేసింది. అలాగే ఇతర రకాల వైకల్యానికి గురైన వారికి రూ.10లక్షల చొప్పున ఇవ్వాలని పేర్కొంది. ఈ వృత్తిలో కొనసాగేవారికి ఎలాంటి ప్రమాదాలు జరగకుండా ప్రభుత్వ యంత్రాంగం చర్యలు తీసుకోవాలని తెలిపింది.
/rtv/media/post_attachments/wp-content/uploads/2023/10/Vote-1-jpg.webp)
/rtv/media/post_attachments/wp-content/uploads/2023/10/DSP-Jogindar-jpg.webp)
/rtv/media/post_attachments/wp-content/uploads/2023/10/Childrens-jpg.webp)
/rtv/media/post_attachments/wp-content/uploads/2023/10/Shahsi-Tharoor-and-Mahua-moitra-jpg.webp)
/rtv/media/post_attachments/wp-content/uploads/2023/10/ISRO-Chairman-Somnath-jpg.webp)
/rtv/media/post_attachments/wp-content/uploads/2023/10/Woman-Constable-jpg.webp)
/rtv/media/post_attachments/wp-content/uploads/2023/10/1000-Rupees-Notes-jpg.webp)
/rtv/media/post_attachments/wp-content/uploads/2023/10/Gaganyaan-jpg.webp)
/rtv/media/post_attachments/wp-content/uploads/2023/10/Girl-1-jpg.webp)
/rtv/media/post_attachments/wp-content/uploads/2023/08/supreme-3-jpg.webp)
