హమాస్పై ప్రతీకార చర్యల్లో భాగంగా గాజాకు ఇజ్రాయెల్ ప్రధాన సరఫరాలన్ని నిలిపివేసింది. అందులో నీరు కూడా ఉండడంతో అక్కడి ప్రజలు నరకయాతన అనుభవిస్తున్నారు. మంచినీరు కోసం చిన్నారులు బారుల తీరిన ఫొటోలు నెట్టింట వైరల్గా మారుతున్నాయి. గాజా జనాభాలో 47శాతం మంది 17ఏళ్ల లోపు వారే ఉండడం..వారందరికి ఇప్పుడు తాగడానికి నీళ్లు లేకపోవడం కలవరపెడుతోంది
హమాస్ ఉగ్రవాదులు నగ్నంగా ఊరేగించిన జర్మన్ యువతి సేఫ్ ఉన్నట్లు ఆమె తల్లి తెలిపారు. మ్యూజిక్ఫెస్ట్ నుంచి యువతిని బంధించి తీసుకెళ్లిన హమాస్ ఉగ్రవాదులు..ఆమెను పికప్ ట్రక్పై నగ్నంగా ఊరేగించారు. ఇందుకు సంబంధించిన వీడియో సోషల్ మీడియాలో వైరల్ అయింది. దీంతో యువతి చనిపోయిందని వార్తలు వినిపించాయి. కాగా, తన కుమార్తె బతికే ఉందని తల్లి రికార్డా పేర్కొంది. తన కూతురు షానీ తలకు తీవగ్రాయంతో బాధపడుతోందని, ఆమె పరిస్థతి విషమంగా ఉందని చెబుతూ కన్నీళ్లు పెట్టుకున్నారు. ప్రస్తుత పరిస్థితుల్లో ప్రతీ క్షణం విలువైనదేనని, తన కుమార్తెను రక్షించాలని జర్మన్ ప్రభుత్వానికి విజ్ఞప్తి చేశారు.
హమాస్ తీవ్రవాదులు పైశాచికత్వాన్ని కళ్లకు కట్టే వీడియోలను ఇజ్రాయెల్ సోషల్మీడియా హ్యాండిల్స్ బయటపెడుతున్నాయి. తాజాగా ఓ కుక్క చనిపోయే వరకు హమాస్ మిలిటెంట్ కాల్చి చంపిన వీడియోను ట్విట్టర్లో పోస్ట్ చేశారు. కుక్కను చంపిన తర్వాత అక్కడ నుంచి ఇంటిలోకి ఎంట్రీ ఇచ్చిన హమాస్ తీవ్రవాది లైటర్ ఆన్ చేసి ఇంటిని మొత్తం తగలపెట్టాడు.
ఇజ్రాయెల్-పాలస్తీనా యుద్ధంలో మరణించిన వారి సంఖ్య 3 వేలు దాటింది. హమాస్ తీవ్రవాదుల దాడులను ఇజ్రాయెల్ పీఎం నెతన్యాహు ఐసీస్(ISIS) ఉగ్రవాద సంస్థతో పోల్చారు. మరోవైపు తమ దేశంపై ఆకస్మిక దాడి చేసిన హమాస్ మిలిటెంట్లను...ఇజ్రాయెల్ సైన్యం వెతికి మరీ చంపుతోంది. ఇక గాజా సరిహద్దు ప్రాంతాలను హమాస్ ఉగ్రవాదుల నుంచి తిరిగి స్వాధీనం చేసుకున్నట్లు ఇజ్రాయెల్ తెలిపింది.
మూడు మతాలకి పుట్టినిల్లు, పవిత్రస్థలంగా చెప్పుకునే జెరూసలెం నిత్యం నెత్తుటి స్నానం చేస్తోంది. ఈ పవిత్రస్థలం తమదంటే తమదన్న గొడవ మధ్య లక్షలమంది ప్రాణాలు గాల్లో కలిసిపోయాయి. ఇంకా పోతూనే ఉన్నాయి. ఈ నెత్తుటి దాహానికి ఎప్పుడు ఫుల్స్టాప్ పడుతుందో కాలమే నిర్ణయించాలి. ప్రస్తుతం ఇజ్రాయెల్-పాలస్తీనా మధ్య జరుగుతున్న యుద్ధంలో వేలాది మంది ప్రాణాలు కోల్పోయారు.
/rtv/media/youtube_thumbnails/vi/GX1I9scaKDE/maxresdefault.jpg)
/rtv/media/post_attachments/wp-content/uploads/2023/10/unicef-gaza-strip-jpg.webp)
/rtv/media/post_attachments/wp-content/uploads/2023/10/gg-jpg.webp)
/rtv/media/post_attachments/wp-content/uploads/2023/10/warningg-jpg.webp)
/rtv/media/post_attachments/wp-content/uploads/2023/10/israel-afp-jpg.webp)
/rtv/media/post_attachments/wp-content/uploads/2023/10/jerusalem-jpg.webp)
