బిహార్ సర్కార్ ఇటీవల కులగణన సర్వే చేపట్టిన సంగతి తెలిసిందే. అయితే ఈ తాజా గణంకాల ఆధారంగా ప్రస్తుతం ఉన్న 60 శాతం రిజర్వేషన్లను 75 శాతానికి పెంచేలా ఆ రాష్ట్ర ప్రభుత్వం అసెంబ్లీలో బిల్లు ప్రవేశపెట్టనుంది. ఇప్పటికే ఈ బిల్లుకు మంత్రి మండలి ఆమోదం తెలిపింది.
బీహార్‌ కుల గణన నివేదిక రాజకీయంగా పెద్ద రచ్చ లేపుతోంది. తమ రాష్ట్రంలో కులాల లెక్కలను నితీశ్‌ సర్కార్ బహిర్గతం చేసింది. కులాల ప్రతిపాదికన జనాభా గణన జరగాలని కాంగ్రెస్‌ సహా అనేక యాంటీ బీజేపీ పార్టీలు పట్టుపడుతున్న వేళ ఈ నివేదిక రిలీజ్ అయ్యింది. దీనిపై ప్రధాని మోదీ పరోక్ష విమర్శలు గుప్పించారు. కులం పేరిట దేశాన్ని విడగొట్టాలని చూస్తున్నారని వ్యాఖ్యానించారు.
బీహార్‌ సీఎం నితీశ్‌కుమార్‌ అన్నంత పనీ చేశారు. బీహార్‌లో నిర్వహించిన కుల ఆధారిత నివేదికను విడుదల చేశారు. మొత్తం 13కోట్ల బీహార్‌ జనాభాలో 63శాతం ఓబీసీల శాతం ఉన్నట్టు తేలింది. బ్రాహ్మణులు 3.66 శాతంగా ఉన్నారు. కుల ఆధారిత జనాభా గణనను మొదటి నుంచి వ్యతిరేకిస్తోన్న బీజేపీకి ఇది పెద్ద ఎదురుదెబ్బగా తెలుస్తోంది. ఎందుకంటే మండల్‌కమిషన్‌ ప్రకారం బీసీల రిజర్వేషన్ వారి జనాభా ఆధారంగా ఇస్తున్నారు. 54శాతం బీసీలకు 27శాతం రిజర్వేషన్లు అమలుతుండగా.. ఇప్పుడా సంఖ్య పెరిగితే రిజర్వేషన్లు పెంచాల్సి ఉంటుంది. ఇది అగ్రవర్ణాల ఓట్లను ప్రభావితం చేస్తుంది.
/rtv/media/post_attachments/wp-content/uploads/2023/11/Nitish-Kumar-1-jpg.webp)
/rtv/media/post_attachments/wp-content/uploads/2023/11/Bihar-jpg.webp)
/rtv/media/post_attachments/wp-content/uploads/2023/10/modidd-jpg.webp)
/rtv/media/post_attachments/wp-content/uploads/2023/10/modi-bc-commis-jpg.webp)
