Rtvlive.com

RTV NEWS NETWORK

RTV NEWS NETWORK

Latest News Updates from Andhra Pradesh and Telangana

ikea

Hyderabad: హైదరాబాద్‌లో భారీగా ట్రాఫిక్ జామ్.. చుక్కలు చూస్తున్న వాహనదారులు

Published on by

హైదరాబాద్‌లో ఐకియా నుంచి బయోడైవర్సిటీకి వెళ్లే మార్గంలో భారీగా ట్రాఫిక్ జాం అయ్యింది. ఐకియా సర్కిల్ వద్ద చాలా వాహనాలు బారులు తీరాయి. రోడ్డుకు ఇరువైపు పెద్దఎత్తున నిలిచిపోయాయి. భారీ ట్రాఫిక్ జామ్‌తో వాహనాలు నెమ్మదిగా కదులుతున్నాయి. ఈ నేపథ్యంలో హైదరాబాద్ వాసులకు ట్రాఫిక్ పోలీసులు కీలక ఆదేశాలు జారీ చేశారు. ప్రత్యామ్నాయ మార్గాల్లో వెళ్లాలని సూచిస్తున్నారు. అలాగే ఐటీ ఉద్యోగులు దశల వారిగా వెళ్లాలని కోరుతున్నారు. ఇదిలాఉండగా.. ఈరోజు హైదరాబాద్‌లోని పలు ప్రాంతాల్లో భారీ వర్షం కురిసింది.

Also Read: అమరావతి రాజధాని ఐడియా రామోజీదే: చంద్రబాబు

Traffic Alert : ఈ నెల 22న ఆ రూట్లో వెళ్లకండి.. ప్రయాణికులకు ట్రాఫిక్‌ పోలీసుల హెచ్చరిక!

Published on by

Traffic Police : హైదరాబాద్‌(Hyderabad) నగర వాసులకు ట్రాఫిక్‌ పోలీసులు(Traffic Police)  హెచ్చరికలు జారీ చేశారు. సైబరాబాద్‌ ట్రాఫిక్‌ పోలీసులు(Cyberabad Traffic Police) మార్చి 22 నుంచి ఐకియా(IKEA) రోటరీకి వెళ్లే మార్గాల్ల ట్రాఫిక్‌ ను దారి మళ్లించనున్నట్లు అధికారులు వెల్లడించారు. ఈ ప్రాంతంలో గత కొంతకాలంగా ట్రాఫిక్‌ రద్దీ ఎక్కువగా ఉండడంతో ట్రాఫిక్‌ అధికారులు ఈ నిర్ణయాన్ని తీసుకున్నట్లు తెలుస్తుంది.

ఈ ప్రాంతం నుంచి ప్రయాణించే వారు ఏఏ రూట్లలో వెళ్లాలో కూడా అధికారులు వివరించారు. బయోడైవర్సిటీ జంక్షన్‌(Bio-Diversity Junction) నుంచి ఐకియా రీటరీ వైపు వచ్చే ట్రాఫిక్‌… సైబర్‌ టవర్‌(Cyber Tower) లను చేరుకోవాలనే తొందరతో ఉన్న ప్రయాణికులు ఐకియా అండర్ పాస్‌ ద్వారా తమ ప్రయాణాన్ని కొనసాగించాలని అధికారులు తెలిపారు.

కేబుల్‌ బ్రిడ్జి(Cable Bridge) వైపు నుంచి ప్రయాణించే వారు ఐకియా రోటరీ వద్ద కుడి మలుపు తీసుకుని రోటరీ వద్ద నుంచే యాంటీ క్లాక్‌ వైస్‌ డైరెక్షన్‌ లో వెళ్లాలని అధికారులు తెలిపారు.సైబర్‌ టవర్స్‌ నుంచి ఐకియా రోటరీ వైపు వచ్చే ట్రాఫిక్‌ ఈ మార్గంలో వెళ్లే ప్రయాణికులు ఐకియా రోటరీ వద్ద నుంచి యూ- టర్న్‌ తీసుకోవాలని అధికారులు తెలిపారు.

కేబుల్‌ బ్రిడ్జి వైపు వెళ్లే వాహనదారులు ఫ్రీ లెఫ్ట్‌ తీసుకోవచ్చు. బయో డైవర్సిటీ జంక్షన్‌ కు చేరుకోవాలనుకునే ప్రయాణీకులు ఐకీయా అండర్‌ పాస్‌ ద్వారా తమ ప్రయాణాన్ని సాగించాలి. మీనాక్షి జంక్షన్ నుంచి బయోడైవర్సిటీ జంక్షన్ వైపు వచ్చే ట్రాఫిక్.. ఈ మార్గంలో వెళ్లే ప్రయాణికులు నేరుగా ఐకియా రోటరీ వైపు వెళ్లాలి. సీ-గేట్ చేరుకున్న తర్వాత ఐకియా రోటరీ వద్ద నేరుగా U-టర్న్ తీసుకోవాలని సూచించారు.

Also Read : కాకినాడలో జంట హత్యల కలకలం..అడ్డొచ్చిన మహిళ ని కూడా

Ikea Hyderabad : హైదరాబాద్‎లో బ్రేక్‎ఈవెన్ కొడతాం…ఐకియా దూకుడు..!!

Published on by

Ikea Hyderabad : స్వీడిష్ ఫర్నీచర్ తయారీదారు ఐకియా తన హైదరాబాద్ స్టోర్ త్వరలోనే ఆపరేషనల్ బ్రేక్ ఈవెన్ ను సాధించి దేశంలోనే నెంబర్ వన్ గా నిలుస్తుందని ఆ కంపెనీ సీఈవో సుసాన్ పుల్వీరర్ అన్నారు. 2018లో ప్రారంభించిన హైదరాబాద్ స్టోర్ గత 12నెలల కాలంలో మూడుమిలియన్లకు అడుగుపెట్టిందని తెలిపారు. అంతకుముందు ఏడాదికి 2.90మిలియన్లు వచ్చినట్లు వెల్లడించారు. కోవిడ్ 19 మహమ్మారి కారణంగా గతేడాది ఆశించిన స్థాయిలో ఆదాయం రాలేదని..ఆ ఏడాదితో ఈ గణాంకాలు పోల్చదగినవి కావన్నారు.

ఇది కూడా చదవండి: AI‎తో ఉద్యోగాలకు ఎలాంటి భయం అక్కర్లేదు బ్రో: UNరిపోర్ట్

హైదరాబాద్ స్టోర్ ఏర్పాటు చేసి ఐదు సంవత్సరాలు పూర్తయిన సందర్భంగా సోమవారం నిర్వహించిన కార్యక్రమంలో ఆమె మాట్లాడారు. గుర్గావ్, నోయిడా వంటి నగరాల్లో స్టోర్లు ఏర్పాటు చేశామని తెలిపారు. ఇప్పటివరకు తమకు ఇండియాలో ఐదు స్టోర్లు ఉన్నాయన్నారు. మరో ఒకటి రెండేళ్లలో బ్రేక్ ఈవెన్ సాధిస్తామని..హైదరాబాద్ స్టోర్ ను ఇప్పటివరకు 17.5 కోట్ల మంది సందర్శించినట్లు తెలిపారు. కాగా ఐకియా హైదరాబాద్ లో 9.500వరకు ప్రొడక్టులు అమ్ముతున్నట్లు వెల్లడించారు.

మాకు వచ్చే ఆదాయంలో ఆన్ లైన్ నుంచి 17శాతం వరకు ఉంది. ఇండియాలో 60 సప్లయర్స్ ఉన్నారు. ఇక్కడ మేము తయారు చేసిన టెక్స్ టైల్, కార్పెట్స్ , ప్లాస్టిక్ ఉత్పత్తుల్లో కొన్నింటిని విదేశాలకు పంపిస్తున్నాము. లోకల్ సోర్సింగ్ ను 50శాతానికి పెంచే ప్రయత్నం చేస్తున్నాం. ఇండియాలో మాకు 3వేల మంది ఉద్యోగులు ఉన్నారు. వీరిలో 620మంది హైదరాబాద్ లో పనిచేస్తున్నారు. స్టోర్లలో 70శాతం ఉద్యోగాలను స్థానికులకే ఇచ్చాము. ఉద్యోగుల సంఖ్యను 10వేలకు పెంచాలని నిర్ణయించుకున్నామని సీఈవో సూజన్ పుల్వెలర్ అన్నారు. . రాబోయే సంవత్సరాల్లో 50 శాతానికి చేరుకోవాలనే ఆశయంతో స్థానిక సోర్సింగ్ కు ప్రధాన్యత ఇస్తోందని ఆమె తెలిపారు.

ఇది కూడా చదవండి:  లండన్ వెళ్లేందుకు అనుమతి కోరుతూ సీబీఐ కోర్టులో సీఎం జగన్ పిటిషన్