Rtvlive.com

RTV NEWS NETWORK

RTV NEWS NETWORK

Latest News Updates from Andhra Pradesh and Telangana

Andhra Pradesh Elections

YSRCP Second List: వైసీపీ సెకండ్ లిస్ట్ విడుదల.. అభ్యర్థులు వీరే..

Published on by

YSRCP Second List: ఆంధ్రప్రదేశ్‌ ఎన్నికలకు సమయం ఆసన్నమవుతున్న తరుణంలో అధికార వైఎస్‌ఆర్‌సీపీ కీలక ప్రకటన చేసింది. అసెంబ్లీ నియోజకవర్గం, పార్లమెంట్ నియోజకవర్గాలకు సంబంధించి రెండో విడత అభ్యర్థుల వివరాలను విడుదల చేసింది. మంత్రి బొత్స సత్యనారాయణ, సజ్జల రామకృష్ణా రెడ్డి ఈ సెకండ్ లిస్ట్‌ను విడుదల చేశారు. ఎన్నికల నేపథ్యంలో గత కొద్ది రోజులగా అభ్యర్థుల ఎంపికపై కసరత్తు చేస్తున్నారు పార్టీ అధినేత జగన్. ఈ క్రమంలోనే మంగళవారం నాడు సీఎం క్యాంపు ఆఫీసులో పార్టీ ముఖ్య నేతలతో చర్చలు జరిపిన సీఎం జగన్.. 27 నియోజకవర్గాలకు ఇన్‌ఛార్జ్‌లను ఖరారు చేశారు. సీఎంతో సమావేశం అనంతరం సజ్జల రామకృష్ణా రెడ్డి, మంత్రి బొత్స సత్యనారాయణ నియోజకవర్గాల ఇన్ చార్జిలకు సంబంధించిన సెకండ్ లిస్ట్ విడుదల చేశారు.

వైసీపీ విడుదల చేసిన సెకండ్ లిస్ట్ అభ్యర్థులు వీరే..

👉 అనంతపురం ఎంపీ – మాలగుండ్ల శంకరనారాయణ
👉 హిందూపురం ఎంపీ – జోలదరాశి శాంత
👉 అరకు ఎంపీ (ఎస్టీ) – కొట్టగుళ్లి భాగ్యలక్ష్మి
👉 రాజాం (ఎస్సీ) – తాలె రాజేష్
👉 అనకాపల్లి – మలసాల భరత్ కుమార్
👉 పాయకరావుపేట (ఎస్సీ) – కంబాల జోగులు
👉 రామచంద్రాపురం – పిల్లి సూర్యప్రకాష్
👉 పి.గన్నవరం (ఎస్సీ) – విప్పర్తి వేణుగోపాల్
👉 పిఠాపురం – వంగ గీత
👉 జగ్గంపేట – తోట నరసింహం
👉 ప్రత్తిపాడు – వరుపుల సుబ్బారావు
👉 రాజమండ్రి సిటీ – మార్గాని భరత్
👉 రాజమండ్రి రూరల్ – చెల్లుబోయిన వేణుగోపాల కృష్ణ
👉 పోలవరం (ఎస్టీ) – తెల్లం రాజ్యలక్ష్మి
👉 తిరుపతి – భూమన అభినయ్ రెడ్డి
👉 గుంటూరు ఈస్ట్ – షేక్ నూరి ఫాతిమా
👉 మచిలీపట్నం – పేర్ని కృష్ణమూర్తి (కిట్టు)
👉 చంద్రగిరి – చెవిరెడ్డి మోహిత్ రెడ్డి
👉 పెనుకొండ – కె.వి. ఉషా శ్రీచరణ్
👉 కళ్యాణదుర్గం – తలారి రంగయ్య
👉 అరకు (ఎస్టీ) – గొడ్డేటి మాధవి
👉 పాడేరు (ఎస్టీ) – మత్స్యరాస విశ్వేశ్వర రాజు
👉 విజయవాడ సెంట్రల్ – వెలంపల్లి శ్రీనివాస రావు
👉 విజయవాడ వెస్ట్ – షేక్ ఆసిఫ్

Also Read:

హైదరాబాద్‌లో ఎక్కడికక్కడ ట్రాఫిక్ జామ్.. చుక్కలు చూస్తున్న వాహనదారులు.. ఇదిగో వీడియోలు!

తూర్పుగోదావరి జిల్లాలో ఘోర ప్రమాదం.. ఢీకొన్న రెండు కార్లు..

Andhra Pradesh: ఏపీలో 2014 సీన్ రీపీటేనా? పురంధేశ్వరి కామెంట్స్‌కి అర్థం అదేనా?!

Published on by

Andhra Pradesh Elections: ఆంధ్రప్రదేశ్‌లో ఎన్నికలు సమీపిస్తున్న వేళ.. ప్రధాన పార్టీలు పొత్తుల కోసం కసరత్తులు చేస్తున్నారు. ముఖ్యంగా జనసేన(Janasena), టీడీపీ(TDP), బీజేపీ(BJP) మధ్య పొత్తుల అంశంలో దోబూచులాట నడుస్తోంది. ఈ మూడు పార్టీల పొత్తుల అంశం ఏపీలో హాట్ టాపిక్‌గా నడుస్తున్న వేళ.. ఏపీ బీజేపీ అధ్యక్షురాలు పురంధేశ్వరి(Daggubati Purandeswari) ఇంట్రస్టింగ్ కామెంట్స్ చేశారు. ఓవైపు జనసేన-టీడీపీ పొత్తు ఇప్పటికే ఖరారు కాగా.. ఇప్పుడు జనసేనతో తమ పొత్తు కొనసాగుతోందని పురంధేశ్వరి ప్రకటించారు. దీంతో ఈ అంశంపై ఏపీ పాటిలిక్స్‌లో సంచనలం రేపుతోంది. ఏపీలో ఏం జరుగుతోంది? 2014 నాటి పాలిటిక్స్ మళ్లీ పునరావృతం అవుతాయా? అనే చర్చ నడుస్తోంది.

జనసేనతో తమ పొత్తు కొనసాగుతుందని, టీడీపీతో పొత్తుపై అధిష్టానానిదే తుది నిర్ణయమని బీజేపీ రాష్ట్ర అధ్యక్షురాలు దగ్గుబాటి పురందేశ్వరి అన్నారు. కాకినాడలో శుక్రవారం పర్యటించిన ఆమె రామారావుపేటలో కొత్తగా నిర్మించిన పార్టీ కార్యాలయాన్ని ప్రారంభించారు. ఈ సందర్భంగా మాట్లాడుతూ టీడీపీతో పొత్తు విషయాన్ని తమ అధినాయకత్వం చూసుకుంటుందన్నారు. ఇదే సమయంలో రాష్ట్ర ప్రభుత్వం తీరుపై తీవ్ర విమర్శలు చేశారు పురంధేశ్వరి. నాణ్యత లేని మద్యం, ఇసుక అక్రమాలపై బీజేపీ పోరాటం కొనసాగుతుందని స్పష్టంచేశారు. టీటీడీ నిధులు ధార్మిక కార్యక్రమాల కోసమే వెచ్చించాలని డిమాండ్ చేశారు. ఎవరు ప్రజల కోసం గొంతెత్తినా జగన్ అణచివేస్తారని, పరదాల చాటున తిరిగే ముఖ్యమంత్రి మనకు అవసరమా అని వ్యాఖ్యానించారు.

Also Read:

అభయహస్తం అప్లికేషన్‌పై అనేక సందేహాలు.. సమాధానం ఏది?!

టీడీపీ బీసీ మంత్రం.. జనవరి 4 నుంచి ‘జయహో బీసీ’..

Andhra Pradesh: టీడీపీ బీసీ మంత్రం.. జనవరి 4 నుంచి ‘జయహో బీసీ’..

Published on by

Andhra Pradesh Elections: ఈసారి ఎలాగైనా ఎన్నికల్లో గెలవాలని, మరోసారి అధికారం చేపట్టాలని ఉవ్విళ్లూరుతున్న తెలుగుదేశం పార్టీ.. ఆ దిశగా అడుగులు వేస్తోంది. ప్రధానంగా బీసీల ఓట్లపై దృష్టి సారించింది. ఈసారి బీసీలు తమ పార్టీలను ఆదరిస్తారని ఆశతో ఉన్న టీడీపీ(TDP).. వారిని తమవైపు తిప్పుకునేందుకు అన్ని ప్రయత్నాలు చేస్తోంది. ఇందులో భాగంగానే వచ్చే నెల అంటే జనవరి 4వ తేదీన ‘జయహో బీసీ(Jayaho BC)’ కార్యక్రమాన్ని నిర్వహించనుంది. ఇందుకు సంబంధించి తెలుగుదేశం పార్టీ జాతీయ ప్రధాన కార్యదర్శి నారా లోకేష్(Nara Lokesh) శుక్రవారం ఒక ప్రకటన విడుదల చేశారు. జనవరి 4వ తేదీ నుంచి జయహో బీసీ కార్యక్రమం నిర్వహిస్తామన్నారు. బీసీలు బలహీనులు కాదు – బలవంతులన్న నినాదంతో ముందుకెళ్తామన్నారు. వైసీపీ హయాంలో బీసీలకు జరిగిన అన్యాయాలపై అవగాహన కల్పించేందుకే ఈ కార్యక్రమం చేపడుతున్నామని తెలిపారు లోకేష్. రాష్ట్రంలో వైసీపీ అధికారం చేపట్టిన తర్వాత బీసీలపై దాడులు పెరిగాయని, కేసులతో బీసీలపై దౌర్జ్యం చెలాయిస్తున్నారని ఆరోపించారు లోకేష్. అంతేకాదు.. సీఎం జగన్ బీసీల ద్రోహి అంటూ ఓ రేంజ్‌లో కామెంట్స్ చేశారు.

బీసీల కోసం ప్రత్యేక చట్టం..

ఇటీవల యువగళం ముగింపు సభలో నారా చంద్రబాబు నాయుడు ప్రకటించినట్లుగా.. టీడీపీ అధికారంలోకి వస్తే బీసీల కోసం ప్రత్యేక రక్షణ చట్టం తీసుకువస్తామని చెప్పారు లోకేష్. ఇందులో భాగంగానే జయహో బీసీ కార్యక్రమం చేపడుతున్నామని, రెండు నెలల పాటు ఈ కార్యక్రమం కొనసాగుతుందని లోకేష్ చెప్పారు. తొలి విడతలో క్షేత్రస్థాయిలో టీడీపీ నేతలు పర్యటిస్తారని, బీసీలు ఎదుర్కొంటున్న కష్టనష్టాలన్నీ ఆ పర్యటనలో తమ నాయకులు తెలుసుకుంటారన్నారు. తర్వాత నిర్వహించబోయే రాష్ట్ర స్థాయి భారీ బహిరంగ సభలో చంద్రబాబునాయుడు బీసీల కోసం ప్రత్యేక మేనిఫెస్టో విడుదల చేస్తారని లోకేశ్‌ తెలిపారు.

రిజర్వేషన్ తగ్గించి..

వైసీపీ అధికారంలోకి వచ్చిన తర్వాత స్థానిక సంస్థల ఎన్నికల్లో 10శాతం రిజర్వేషన్‌ తగ్గించిందని లోకేశ్‌ ఆరోపించారు. బీసీల అసైన్డ్‌ భూమి 8 వేల ఎకరాలను కూడా వెనక్కి తీసుకుందన్నారు. పనిముట్లు అందించే ఆదరణ పథకాన్ని రద్దు చేసిందని విమర్శించారు. జీవో నం. 217తో మత్స్యకారులకు వైసీపీ అన్యాయం చేసిందని, పట్టు రైతులకు సబ్సిడీ కూడా రాష్ట్రప్రభుత్వం ఇవ్వలేకపోతోందని వ్యాఖ్యానించారు. బీసీల తరఫున టీడీపీ నాయకులు పోరాడుతుంటే, వారిపై అక్రమంగా కేసులు పెట్టి వేధించారని ఆవేదన వ్యక్తంచేశారు. యనమల రామకృష్ణుడు, అయ్యన్న పాత్రుడు, కొల్లు రవీంద్ర, అచ్చెనాయుడుపై అక్రమంగా కేసులు పెట్టారని ఆరోపించారు. టీడీపీ నాయకులపై హత్యాకాండ జరుగుతోందని, పొద్దుటూరులో తమ నాయకుడు నందం సుబ్బయ్యను హత్య చేశారని ఆరోపించారు. మరోచోట ప్రభుత్వానికి వ్యతిరేకంగా మాట్లాడినందుకు దుకాణం ధ్వంసం చేశారని విమర్శించారు. వైసీపీని ఓడిస్తే బీసీలకు మంచిరోజులు వస్తాయన్నారు.

Also Read:

టార్గెట్ మేఘా కృష్ణా రెడ్డి.. కాళేశ్వరంలో అవినీతిపై మంత్రుల సంచలన కామెంట్స్!

అభయహస్తం అప్లికేషన్‌పై అనేక సందేహాలు.. సమాధానం ఏది?!

Andhra Pradesh: సీఎం జగన్‌తో అంబటి రాయుడు భేటీ.. ఆ సీటు కన్ఫామ్ అయినట్లేనా?!

Published on by

Ambati Rayudu: టీమిండియా మాజీ క్రికెటర్ అంబటి రాయుడు గురువారం అమరావతిలోని సీఎం క్యాంపు కార్యాలయానికి చేరుకున్నారు. సీఎం వైఎస్ జగన్‌తో భేటీ అయ్యారు. ఇప్పటికే వైసీపీ నేతలతో టచ్‌లో ఉన్న రాయుడు.. వచ్చే ఎన్నికల్లో గుంటూరు పార్లమెంట్ స్థానం నుంచి పోటీ చేసేందుకు ఆసక్తి చూపుతున్నారని తెలుస్తోంది. సీట్ల సర్దుబాటు జరుగుతున్న నేపథ్యంలో అంబటి రాయుడు క్యాంప్ ఆఫీస్‌కు రావడం హాట్ టాపిక్‌గా మారింది. కాగా, క్రికెట్‌కు రిటైర్మెంట్ ప్రకటించిన అనంతరం అంబటి రాయుడు రాజకీయాలపై దృష్టి సారించారు. గతంలోనే సీఎం వైఎస్ జగన్‌ను కలిశారు. తాను ఏ పార్టీలోనూ చేరడం లేదని ప్రకటించిన రాయుడు.. ఇప్పుడు వైసీపీ తరఫున గుంటూరు నుంచి పోటీ చేయాలని భావిస్తున్నట్లు వార్తలు వస్తున్నాయి.

Also Read:

6 గ్యారెంటీల దరఖాస్తుకు ఇవి తప్పనిసరి..!

జైలుకెళ్తేనే ఇంటి స్థలం ఇస్తారా.. ఉద్యమకారులకు పథకాలు ఎలా?

Andhra Pradesh: వైసీపీ మరో బిగ్ షాక్.. ‘గుడ్ బై’ చెప్పిన ఎమ్మెల్యే..!

Published on by

Giddalur YSRCP MLA Anna Rambabu: ఆంధ్రప్రదేశ్‌లో ఎన్నికలు సమీపిస్తున్న వేళ అధికార వైసీపీకి మరో బిగ్ షాక్ తగిలింది. ఇప్పటికే కొందరు ఎమ్మెల్యేలు, ఎమ్మెల్సీలు పార్టీ మారే యోచన చేస్తుండగా.. తాజాగా ఆ పార్టీకి చెందిన మరో ఎమ్మెల్యే సంచలన నిర్ణయం తీసుకున్నారు. తాను రాజకీయాల నుంచి తప్పుకుంటున్నట్లు ప్రకటించారు ఎమ్మెల్యే అన్నా రాంబాబు. 2019 అసెంబ్లీ ఎన్నికల్లో గిద్దలూరు నుంచి ఎమ్మెల్యేగా గెలిచారు అన్నా రాంబాబు. అయితే, తనకు ప్రస్తుతం ఆరోగ్యం బాగోలేదని, అందుకే రాజకీయాల నుంచి తప్పుకుంటున్నట్లు ప్రకటించారు అన్నా రాంబాబు.

ఇదే సమయంలో పార్టీకి ఫేవర్‌గా ఒక కామెంట్ చేశారు. వైసీపీ నుంచి గిద్దలూరు ఎన్నికల బరిలో ఎవరు ఉన్నా.. పార్టీ కార్యకర్తలా పని చేసి గెలిపిస్తానని ప్రకటించారు అన్నా రాంబాబు. తాను పార్టీని వీడనని, వేరే పార్టీలో చేరబోనని స్పష్టం చేశారు అన్నా రాంబాబు. తన నిర్ణయాన్ని ఇప్పటికే సీఎం జగన్‌కి చెప్పానని తెలిపారు. అయితే, పోటీ చేయాలని కోరారని, కానీ, తాను చేయలేనని చెప్పినట్లు తెలిపారు అన్నా రాంబాబు. తనపై కొందరు పనిగట్టుకుని అసత్య ప్రచారాలు చేస్తున్నారని, ఆ ప్రచారంలో ఎలాంటి వాస్తవం లేదని క్లారిటీ ఇచ్చారు రాంబాబు.

వైసీపీని వీడిని ఎమ్మెల్సీ..

ఎమ్మెల్సీ వంశీ కృష్ణ యాదవ్ జనసేనలో చేరారు. జనసేన అధ్యక్షుడు పవన్ కల్యాణ్‌ సమక్షంలో పార్టీ కండువా కప్పుకున్నారు వంశీ కృష్ణ. ఈ సందర్భంగా మాట్లాడిన వంశీ.. వైఎస్‌ఆర్‌సీపీ స్థాపించినప్పటి నుంచి ఇప్పటి వరకు ఆ పార్టీలోనే ఉన్నానని అన్నారు. అయితే, జనసేన అధినేత పవన్ కల్యాణ్ ఆశయాలు నచ్చి ఇప్పుడు ఈ పార్టీలో చేరినట్లు తెలిపారు. ఇవాళ సొంత కుటుంబంలోకి వచ్చినట్లు తనకు అనిపిస్తుందన్నారు. పవన్ కళ్యాణ్ అంటే తనకు ఎనలేని అభిమానం అని.. ఇప్పుడు ఆయన పార్టీలో చేరడం తనకు సంతోషంగా ఉందన్నారు. రానున్న రోజుల్లో పవన్‌తో కలిసి పార్టీ, రాష్ట్రాభివృద్ధికి కృషి చేస్తానని చెప్పారు వంశీ కృష్ణ. కాగా, కొన్ని దుష్టశక్తుల కారణంగా వైసీపీకి దూరంగా ఉండాల్సి వచ్చిందన్న ఆయన.. రానున్న రోజుల్లో ఇంకా చాలా మంది నాయకులు జనసేనలో చేరేందుకు సిద్ధంగా ఉన్నారని తెలిపారు.

Also Read:

రాష్ట్రంలో పెరిగిన నేరాలు.. నివేదిక విడుదల చేసిన సీపీ సుధీర్ బాబు

ఆరు గ్యారెంటీల దరఖాస్తు ఫామ్.. డౌన్లోడ్ చేసుకోండి!

Andhra Pradesh: టీడీపీలో 14 సిట్టింగ్స్ కన్ఫామ్.. వీరికి మాత్రం డౌటే..!

Published on by

Andhra Pradesh: ఆంధ్రప్రదేశ్ రాష్ట్రంలో రాజకీయం రోజు రోజుకు మరింత రసవత్తరంగా మారుతోంది. ఎన్నికలు సమీపిస్తున్న వేళ.. పార్టీలు, పార్టీల నాయకులు స్పీడ్ పెంచారు. ముఖ్యంగా అభ్యర్థుల ఎంపిక, పొత్తులు వంటి అంశాలపై కసరత్తు చేస్తున్నారు. ఈసారి ఏపీ ఎన్నికల్లో ఎలాగైనా గెలవాలనే గట్టి పట్టుదలతో ఉన్న టీడీపీ.. ఆ దిశగా అడుగులు వేస్తోంది. వైసీపీని గద్దె దించే లక్ష్యంతో ఇప్పటికే జనసేనతో చేతులు కలిపింది టీడీపీ. పొత్తులో భాగంగానే.. సీట్ల కేటాయింపులు, పంపకాలపై సమాలోచనలు జరుపుతోంది టీడీపీ అధినాయకత్వం.

విశ్వసనీయ సమాచారం ప్రకారం.. 23 టీడీపీ సిట్టింగ్ స్థానాల్లో 5 సీట్లను మిత్రపక్షం జనసేనకు ఇచ్చే అవకాశం కనిపిస్తోంది. 14 మంది సిట్టింగులకు టికెట్లు ఇచ్చే ఛాన్స్ ఉందని టాక్ వినిపిస్తోంది. అయితే, విశాఖపట్టణం సౌత్‌ టికెట్‌ జనసేనకు కేటాయిస్తారంటూ ప్రచారం జరుగుతోంది. విశాఖపట్టణం నార్త్‌ ఎమ్మెల్యే గంటా శ్రీనివాసరావుకు భీమిలి టికెట్‌ ఇచ్చే అవకాశం కనిపిస్తోంది. ఎందుకంటే.. ఒకవేళ బీజేపీతో పొత్తు ఖరారైతే ఆ స్థానాన్ని బీజేపీకి ఇస్తారంటూ పొలిటికల్ సర్కిల్‌లో ప్రచారం జరుగుతోంది.

విశ్వసనీయ సమాచారం ప్రకారం.. ఏ టికెట్ ఎవరికంటే..

సిట్టింగ్‌లకు ఇచ్చే స్థానాలు – 17
సిట్టింగ్ స్థానాల్లో జనసేనకు ఇచ్చే ఛాన్స్ – 5

శ్రీకాకుళం..
ఇచ్చాపురం: బెందాళం అశోక్
టెక్కలి: కింజరపు అచ్చెంనాయుడు

విశాఖపట్నం..
విశాఖపట్నం ఈస్ట్: వెలగపూడి రామకృష్ణ బాబు
విశాఖపట్నం సౌత్: వాసుపల్లి గణేష్ బాబు. ఈయన వైసీపీలోకి వెళ్లిపోవడం.. ఆయన స్థానంలో ఇంచార్జిగా గండి బాబ్జిని నియమించింది టీడీపీ అధిష్టానం. అయితే, ఈ సీటు జనసేన కు వెళ్లే అవకాశం కనిపిస్తోంది.
విశాఖపట్నం నార్త్ : గంటా శ్రీనివాసరావు భీమిలి టికెట్ అడుగుతున్నారు. ఇందుకు టీడీపీ అధినాయకత్వం కూడా ఓకే చెప్పేసింది. అయితే, విశాఖపట్నం నార్త్‌ను బీజేపీతో పొత్తు కుదిరితే విష్ణు కుమార్ రాజుకి ఇచ్చే అవకాశం కనిపిస్తోంది.
విశాఖపట్నం వెస్ట్: పి.జి.వి.ఆర్. నాయుడు

తూర్పుగోదావరి జిల్లా..
పెద్దాపురం: నిమ్మకాయల చిన్న రాజప్ప
మండపేట: వేగుళ్ల జోగేశ్వరరావు
రాజమండ్రి సిటీ: ఆదిరెడ్డి భవాని. లేదంటే ఈమె భర్త ఆదిరెడ్డి వాసు ఇక్కడ నుండి పోటీ చేయబోతున్నారు.
రాజమండ్రి రూరల్: గోరంట్ల బుచ్చయ్యచౌదరి. అయితే, ఈ స్థానం జనసేన పోత్తులో వెళ్లే అవకాశం ఉంది. కందుల దుర్గేష్‌కు కేటాయించే అవకాశం కనిపిస్తోంది.

పశ్చిమగోదావరి..
పాలకొల్లు: నిమ్మల రామానాయుడు
ఉండి: మంతెన రామరాజు. అయితే, ఈ సీటు జనసేనకు వెళ్లే అవకాశం కనిపిస్తోంది.

కృష్ణ..
గన్నవరం : వల్లభనేని వంశీ (వైసిపిలోకి వెళ్లిపోయారు)*యార్లగడ్డ వెంకట్రావ్.
విజయవాడ ఈస్ట్ : గద్దే రాంమోహనరావు లేదా కేసీనేని చిన్ని.

గుంటూరు..
రేపల్లే: అనగాని సత్యప్రసాద్
గుంటూరు వెస్ట్: మద్దాలి గిరిధర్ రావు. ఈయన వైసీపీలోకి వెళ్లిపోయారు. దీంతో బీసీ సామాజికవర్గానికి చెందిన వ్యక్తికి ఈ టికెట్ ఇచ్చే అవకాశం కనిపిస్తోంది.

ప్రకాశం..
పర్చూరు: ఏలూరు సాంబశివరావు
అద్దంకి: గొట్టిపాటి రవి కుమార్
చీరాల: కరణం బలరామకృష్ణ మూర్తి. ఈయన వైసీపీలోకి వెళ్లిపోయారు. దీంతో ఈయన స్థానంలో మరొకరి టికెట్ కన్ఫామ్ చేసే అవకాశం కనిపిస్తోంది.
కొండెపి: డోలా బాలా వీరంజనేయస్వామి

అనంతపురం..
ఉరవకొండ: పయ్యావుల కేశవ్
హిందూపురం: నందమూరి బాలకృష్ణ

చిత్తూరు..
కుప్పం: నారా చంద్రబాబు నాయుడు

వైసిపి నుండి టిడిపి తీర్ధం పుచ్చుకున్నవారు..
నెల్లూరు రూరల్: కోటంరెడ్డి శ్రీధర్ రెడ్డి.
వెంకటగిరి: ఆనం రాంనారాయణ రెడ్డి.
ఉదయగిరి: మేకపాటి చంద్రశేఖర్ రెడ్డి.
తాడికొండ: ఉండవల్లి శ్రీదేవి. తనకు సీటు కావాలని అడుగుతున్నారు. కానీ తాడికొండ సీటు తెనాలి శ్రావణ్ కుమార్ కి కేటాయించారు.

Also Read:

కొత్త రేషన్ కార్డులకు అప్లికేషన్ ఫామ్ ఇవే..!

హైదరాబాద్ వాసులకు అలర్ట్.. ఆ బ్రిడ్జి మూసివేత.. ప్రత్యామ్నాయ రూట్ ఇదే!