Agnibaan rocket: అగ్నిబాణ్‌ రాకెట్‌ ప్రయోగం వాయిదా పడింది. సాంకేతిక కారణాలతో వాయిదా వేసినట్లు శాస్త్రవేత్తలు పేర్కొన్నారు. కాగా దేశంలోనే మొదటి సెమీ క్రయోజనిక్‌ ఇంజిన్‌ ఆధారిత రాకెట్‌గా అగ్నిబాణ్‌ రికార్డ్ నెలకొల్పింది. దేశీయంగా రూపొందించిన 3డీ ప్రింటెడ్‌ ఇంజిన్‌ను ఇందులో ఉపయోగిస్తున్నారు. ఈ రాకెట్ ను అగ్నికుల్ కాస్మోస్ ఏరోస్పెస్ సంస్థ రూపొందించింది. ఇదిలా ఉంటే ఈరోజు ఉదయం శ్రీహరికోటలోని సతీష్ ధవన్‌ స్పేస్‌ సెంటర్‌ (షార్‌) వేదికగా చేపట్టాల్సిన ఈ ప్రయోగం సాంకేతిక లోపం తలెత్తడంతో వాయిదా పడింది. ఎనిమిది గంటల కౌంట్‌డౌన్‌ అనంతరం ప్రైవేట్‌ ప్రయోగ వేదిక నుంచి ఉదయం 5.48 గంటలకు ఈ రాకెట్‌ నింగిలోకి దూసుకెళ్లాల్సి ఉంది.