Suhas: సుహాస్ కొత్త సినిమా ఫస్ట్ లుక్

మంచి కంటెంట్ సెలక్ట్ చేసుకుంటూ, మినిమం గ్యారెంటీ హిట్ కొడుతూ, తనకంటూ ఓ మార్కెట్ క్రియేట్ చేసుకున్నాడు సుహాస్. రీసెంట్ గా ఓ థియేట్రికల్ సక్సెస్ కూడా అందుకోవడంతో, సుహాస్ మార్కెట్ పై ఓ క్లారిటీ వచ్చింది. ఇప్పుడీ నటుడి నుంచి మరో సినిమా రెడీ అయింది. దీని పేరు కేబుల్ రెడ్డి.

కెరీర్ ప్రారంభం నుంచి యూనిక్ సబ్జెక్ట్‌లను ఎంచుకుంటున్నాడు సుహాస్. ప్రస్తుతం ‘కేబుల్ రెడ్డి’ కూడా అలాంటిందే. ఈ చిత్రానికి శ్రీధర్ రెడ్డి దర్శకత్వం వహిస్తుండగా, ఫ్యాన్ మేడ్ ఫిలింస్ బ్యానర్‌పై బాలు వల్లు, ఫణి ఆచార్య, మణికంఠ జెఎస్‌ నిర్మిస్తున్నారు.

తాజాగా ఈ సినిమా ఫస్ట్ లుక్ పోస్టర్ రిలీజ్ చేశారు. పోస్టర్ లో సుహాస్ ని ‘కేబుల్ రెడ్డి’ గా టైటిల్ రోల్ లో ప్రెజెంట్ చేశారు. టైటిల్, ఫస్ట్-లుక్ పోస్టర్ సుహాస్ ను కేబుల్ డిష్ ఓనర్ గా పరిచయం చేస్తున్నాయి. పోస్టర్ లో పాతికేళ్ల కిందట వాడిన చాలా పోర్టబుల్ టీవీలు కనిపిస్తున్నాయి. సో.. ఈ సినిమాను ఓ పీరియాడిక్ మూవీగా చెప్పుకోవచ్చు.

సుహాస్ నల్ల కళ్లద్దాలు ధరించి చిరునవ్వుతో టీవీలపై సేదతీరుతున్నట్లు కనిపించాడు. ఎరుపు చొక్కా, నలుపు ఫార్మల్ ప్యాంట్‌లో సింపుల్ విలేజ్ కుర్రాడిగా కనిపిస్తున్నాడు. పూర్తిస్థాయి కామెడీ ఎలిమెంట్స్ తో తెరకెక్కుతోంది కేబుల్ రెడ్డి సినిమా. ఈ సినిమాలో సుహాస్ కు జోడీగా షాలినీ నటిస్తోంది. స్మరణ్ సాయి సంగీతం అందిస్తున్నాడు. ప్రస్తుతం షూటింగ్ స్టేజ్ లో ఉన్న ఈ సినిమా నుంచి టీజర్ రిలీజ్ అప్ డేట్ త్వరలోనే రానుంది