Gold Bonds : సావరిన్ గోల్డ్ బాండ్స్ తో ప్రభుత్వానికి సూపర్ ప్రాఫిట్.. ఎలా అంటే.. 

Sovereign Gold Bonds : సావరిన్ గోల్డ్ బాండ్(Sovereign Gold Bonds) ద్వారా ఇన్వెస్టర్స్(Investors) మంచి రాబడిని పొందడమే కాకుండా, ఈ పథకం వల్ల ప్రభుత్వానికి భారీ మొత్తంలో డబ్బు ఆదా అయింది. 2022-23 ఆర్థిక సంవత్సరంలో, రిజర్వ్ బ్యాంక్ ఆఫ్ ఇండియా(RBI) 44.3 టన్నుల బంగారంతో సమానమైన సావరిన్ గోల్డ్ బాండ్లను (SGB) విక్రయించింది. ఇప్పటి వరకు ఇదే అత్యధిక విక్రయం. అదే సమయంలో, 2024 ఆర్థిక సంవత్సరంలో SGB (Gold Bonds) ల కారణంగా, ప్రభుత్వం ఇంపోర్ట్ బిల్లులో $ 3.26 బిలియన్లను ఆదా చేసింది. తద్వారా బంగారం వార్షిక దిగుమతి బిల్లు 7 నుంచి 8 శాతం తగ్గింది. ఇప్పుడు ప్రభుత్వం సావరిన్ గోల్డ్ బాండ్‌ను మరింత ప్రాచుర్యంలోకి తెచ్చేందుకు యత్నించాలని, దీని ద్వారా బంగారం దిగుమతి బిల్లును తగ్గించవచ్చని నిపుణులు అంటున్నారు. 2024 ఆర్థిక సంవత్సరంలో ఏప్రిల్ నుండి జనవరి వరకు దిగుమతి బిల్లు $37.86 బిలియన్లకు చేరుకుంది. మొత్తం మీద సావరిన్ గోల్డ్ బాండ్(Gold Bonds) ద్వారా రూ.72,275 కోట్లు (9,418 మిలియన్ డాలర్లు) పెట్టుబడి పెట్టారు. ఈ మొత్తం 147 టన్నుల బంగారం ధరకు సమానం.

ధరల పెరుగుదల కారణంగా డిమాండ్ తగ్గుతుంది

2023-2024 ఆర్థిక సంవత్సరం మొదటి 3 త్రైమాసికాల్లో దాదాపు 648 టన్నుల బంగారం దిగుమతి అయింది. తర్వాత అంతర్జాతీయంగా బంగారం ధరలు పెరగడంతో డిమాండ్ తగ్గింది. 2024 ఆర్థిక సంవత్సరంలో దాదాపు 800 టన్నుల బంగారం దిగుమతి అవుతుందని అంచనా. పరిమాణం ఆధారంగా, SGB దిగుమతుల్లో 5.5 శాతం తగ్గింపు ఉంటుంది.

Also Read : గోల్డ్ లోన్స్ మోసాలు.. లోన్ తీసుకునేముందు వీటిని చెక్ చేసుకోండి!

దిగుమతి బిల్లును తగ్గించేందుకు ప్రణాళిక.. 

ప్రభుత్వం నవంబర్ 2015లో మొదటి SGBని ప్రవేశపెట్టింది. ప్రభుత్వ గోల్డ్ బాండ్‌(Gold Bonds)తో పాటు గోల్డ్ మానిటైజేషన్ స్కీమ్ (జిఎంఎస్) కూడా ప్రారంభించింది. అయితే, అది అంతగా విజయవంతం కాలేదు. 2015 నుంచి ఇప్పటి వరకు 147 టన్నుల సావరిన్ గోల్డ్ బాండ్లను విక్రయించారు. పోల్చి చూస్తే, GMSలో 10 శాతం మాత్రమే విక్రయించారు. బంగారం దిగుమతి బిల్లును తగ్గించేందుకు ఈ రెండు పథకాలను ప్రవేశపెట్టారు.

దిగుమతి బిల్లులో తగ్గింపు

ఎలక్ట్రానిక్ గోల్డ్(Gold Bonds) స్పాట్ ఎక్స్ఛేంజ్ ద్వారా బంగారం దిగుమతి బిల్లును తగ్గించవచ్చని భావిస్తున్నారు. ఎలక్ట్రానిక్ బంగారు రసీదులను స్పాట్ ఎక్స్ఛేంజ్ లో  వర్తకం చేయవచ్చు. ఇళ్లలో పడి ఉన్న బంగారాన్ని ఉత్పాదక ఆస్తిగా మార్చేందుకు ఇది ఒక ఆదర్శవంతమైన పరిష్కారం అని భావిస్తున్నారు. భౌతిక షేర్లను డీమెటీరియలైజ్డ్ షేర్లుగా మార్చినట్లే, ఇన్వెస్టర్లు ఇంట్లో ఉన్న బంగారాన్ని ఎలక్ట్రానిక్ రసీదులుగా మార్చుకోవచ్చు.