నిరుద్యోగులకు గుడ్‎న్యూస్..దక్షిణ మధ్య రైల్వేలో ఉద్యోగాలు..వెంటనే అప్లయ్ చేసుకోండి..!!

దక్షిణ మధ్య రైల్వే ప్రయాణికులకు అదిరిపోయే గుడ్ న్యూస్ చెప్పింది. పలు ఉద్యోగాలను భర్తీ చేయనున్నట్లు అధికారికంగా ప్రకటించింది. ఈ మేరకు సంస్థ తాజాగా నోటిఫికేషన్ రిలీజ్ చేసింది. దీనికి సంబంధించిన పూర్తి వివరాలు ఇలా ఉన్నాయి. టెక్నికల్ అసోసియేట్ పోస్టులను ఈ నోటిఫికేషన్ ద్వారా భర్తీ చేయనున్నారు. మొత్తం పోస్టుల సంఖ్య 35. కాంట్రాక్టు విధానంలో ఈ పోస్టులను భర్తీ చేస్తున్నారు. అర్హత, ఆసక్తి ఉన్న అభ్యర్థులు ఆఫ్ లైన్ విధానంలో అప్లయ్ చేసుకోవాలి. ఈ ఉద్యోగాలకు దరఖాస్తు చేసుకునేందుకు ఈనెల 30 చివరి తేదిగా నిర్ణయించారు. అర్హత, ఆసక్తి ఉన్న అభ్యర్థులు ఈ తేదీలోగా దరఖాస్తు చేసుకోవాల్సి ఉంటుంది.

ఖాళీల వివరాలు :
రైల్వే బోర్డు విడుదల చేసిన షెడ్యూల్ ప్రకారం, ఈ రిక్రూట్‌మెంట్ డ్రైవ్ ద్వారా మొత్తం 35 పోస్టులకు అర్హులైన అభ్యర్థులను రిక్రూట్ చేస్తారు. వీటిలో
సివిల్ ఇంజినీరింగ్ - 19 పోస్టులు
ఎలక్ట్రికల్ (డ్రాయింగ్) - 10 పోస్టులు
ఎస్ & టి (డ్రాయింగ్) - 6 పోస్టులు

దరఖాస్తు రుసుము:
SC/ST/OBC/మహిళలు/మైనారిటీ/EWS కేటగిరీ అభ్యర్థులు ఈ రిక్రూట్‌మెంట్ కోసం దరఖాస్తు చేసుకునేవారు దరఖాస్తు రుసుముగా రూ. 250 చెల్లించాల్సి ఉంటుంది. అయితే, ఇతర అభ్యర్థులందరికీ దరఖాస్తు రుసుము రూ. 500/-. మరింత సమాచారం కోసం, అభ్యర్థులు అధికారిక వెబ్‌సైట్‌తోపాటు అధికారిక నోటిఫికేషన్‌ను చెక్ చేసుకోవచ్చు.