Satyaraj : మోడీ బయోపిక్ లో నటిస్తా.. కానీ ఓ కండీషన్? - సత్యరాజ్

Tamil Senior Actor Sathyaraj About Modi Biopic : కోలీవుడ్ సీనియర్ యాక్టర్ సత్యరాజ్ భారత ప్రధాని నరేంద్ర మోడీ బయోపిక్ లో నటిస్తున్నట్లు ఇటీవల వార్తలు వైరల్ అయిన సంగతి తెలిసిందే. ఈ బయోపిక్ లో సత్యరాజ్ మోదీ పాత్ర పోషిస్తున్నట్టు టాక్ వినిపించింది. అయితే దీనిపై రీసెంట్ గా సత్యరాజ్ స్పందిస్తూ.. ఆ వార్త‌లు అబ‌ద్దమ‌ని తెలిపాడు.

అంతేకాకూండా నా ఐడియాలజీ.. మోడీ ఐడియాలజీ వేరని.. ద్రావిడ ఉద్యమ పితామహుడు పెరియార్‌ను ఆరాధించే నేను మోదీ బయోపిక్‌లో న‌టిస్తార‌ని ఎలా అనుకున్నారు అంటూ స‌త్య‌రాజ్ చెప్పుకోచ్చాడు. దీంతో ఈ వార్తలకు చెక్ పడినట్లయింది. కట్ చేస్తే.. తాజాగా ఓ ఈవెంట్ లో పాల్గొన సత్యరాజ్ తాను మోడీ బయోపిక్ లో నటించేందుకు రెడీగా ఉన్నట్లు తెలిపాడు. కాకపోతే దీనికి ఓ కండీషన్ కూడా పెట్టాడు.

Also Read : చెప్పులు వేసుకోవడం మానేసిన విజయ్ ఆంటోని.. కారణం అదేనట!

వాళ్ళు డైరెక్ట్ చేస్తే కచ్చితంగా నటిస్తా...

విజయ్ ఆంటోని హీరోగా నటించిన 'మలై పిడిక్కత మనితాన్' టీజర్ లాంచ్ ఈవెంట్ లో పాల్గొన్న సత్యరాజ్ మోడీ బయోపిక్ పై ఆసక్తికర కామెంట్స్ చేసాడు." మోదీ పాత్రలో నటించడానికి నన్ను ఎవరూ సంప్రదించలేదు. నిజంను నిజాయితీగా చూపించే నా మిత్రుడు దివంగత దర్శకుడు మణివణ్ణన్ మోడీ బయోపిక్‌కు ద‌ర్శ‌క‌త్వం వ‌హించిన‌ట్లయితే నేను ఈ సినిమాలో న‌టించి ఉండ‌వ‌చ్చు. ఇప్పుడు అత‌ను లేడు కాబ‌ట్టి ‘వెట్రి మారన్' కానీ లేదా పా.రజిత్ కానీ మరి సెల్వరాజ్ లాంటి ద‌ర్శ‌కులు ఈ బయోపిక్‌కి దర్శకత్వం వహిస్తే ఇందులో న‌టిస్తా" అంటూ చెప్పుకొచ్చాడు.